ព័ត៌មានជាតិ
មកដឹងតម្លៃអយស្ទ័រ ដែលដាក់លក់ជាប្រចាំ ក្នុងសង្កាត់កោះតូច ក្រុងបូកគោ
អយស្ទ័រ ជាអាហារគ្រឿងសមុទ្រមួយប្រភេទ ដែលគេនិយមចូលចិត្តបរិភោគ ពិសេសយកធ្វើជាគ្រឿងក្លែម។ អយស្ទ័រ មានរសជាតិឆ្ងាញ់ មិនចាញ់គ្រឿងសមុទ្រឯទៀតនោះទេ ហើយផ្សំគ្រឿងអយស្ទ័រ ដូចជា៖ ការបុកទឹកត្រីមានរសជាតិហឹរ ខ្ទឹមបំពងឈ្ងុយ ផ្សំនឹងបន្លែស្លឹក,ត្រួយ ក្ទម្ព(ឬកន្ធំថេត) ធ្វើឲ្យអយស្ទ័រមានរសជាតិឆ្ងាញ់មិនធម្មតាឡើយ។
ចែ លីម អ្នកលក់អយស្ទ័រ នៅភូមិគីឡូ១២ សង្កាត់កោះតូច ក្រុងបូកគោ ខេត្តកំពត បានប្រាប់ដឹង នៅរសៀលថ្ងៃទី ២៦ ខែមករានេះថា អយស្ទ័រ ដែលគាត់ដាក់តាំងលក់ នៅតាមដងផ្លូវជាតិលេខ ៣ កំពត-វាលរេញ មានអនាម័យល្អ ដោយបានសម្រិតសម្រាំងជា ៣ប្រភេទ គឺលេខ ១ លេខ ២ និងលេខ ៣។ ចំពោះអយស្ទ័រ ប្រភេទលេខ ១ ក្នុងមួយគ្រាប់ មានតម្លៃ ៦០០រៀល។ ប្រភេទលេខ ២ ក្នុងមួយគ្រាប់ តម្លៃ ៤០០រៀល។ អយស្ទ័រ ប្រភេទលេខ ៣ ក្នុងមួយគ្រាប់ តម្លៃត្រឹម ៣០០រៀលប៉ុណ្ណោះ។
អ្នកលក់អយស្ទ័រខាងលើ បានបញ្ជាក់ទៀតថា ការនេសាទអយស្ទ័រ ពិតជាមានការលំបាកណាស់ ដោយអ្នកនេសាទ ត្រូវមុជទឹករក និងវាយបំបែកចេញ ពីក្រហែងថ្មយកដាក់លើទូក រួចដឹកមកច្រាំង ទើបដឹកជញ្ជូនបន្តមកកន្លែងលក់។ បន្ទាប់មកនាំគ្នា វាយបំបែកយកសំបកម្ខាងចេញ បន្ទាប់មកជញ្ជូនតម្រៀបក្នុងកេះស្នោ ដើម្បីក្លាស្សេសម្រាប់លក់ជូនអតិថិជន ដែលនិយមចូលចិត្ត ជាពិសេសអ្នកដំណើរទេសចរ ដែលមកពីគ្រប់បណ្តាខេត្ត។ រីឯសំបកអយស្ទ័រ ក៏មានប្រយោជន៍ដែរ គឺជញ្ជូនទុកមួយកន្លែងសម្រាប់លក់ឲ្យឈ្មួញ។
ចែ លីម បានបន្តថា ការលក់អយស្ទ័រគ្រប់ប្រភេទ គឺអ្នកលក់នឹងហ្វ្រីជូនទឹកត្រី និងខ្ទឹមបំពង។ ចំណែកត្រួយកន្ធំថេត អតិថិជនអាចជួយទិញថែមបាន ព្រោះទីតាំងលក់អយស្ទ័រគ្រប់កន្លែង សុទ្ធតែមានលក់ស្លឹកកន្ធំថេត និងគ្រឿងសមុទ្រមួយចំនួនទៀត ផងដែរ។
ក្នុងខណៈនេះ ចែ លីម ជាអាជីវករលក់អយស្ទ័រ នៅសង្កាត់កោះតូច ក្រុងបូកគោ ខេត្តកំពត បានអំពាវនាវដល់ប្រជាពលរដ្ឋ ក៏ដូចជាអ្នកទេសចរ ដែលធ្វើដំណើរឆ្លងកាត់ តាមដងផ្លូវជាតិលេខ ៣ កំពត-វាលរេញ ជួយទិញអយស្ទ័ររបស់អ្នកស្រី យកទៅពិសារពិតជាមិនខកបំណងឡើយ ព្រោះអយស្ទ័រ ដែលដាក់លក់នៅទីនោះសុទ្ធតែស្រស់ៗ ល្អ គ្មានប្រើសារធាតុគីមី ថែមទាំងមិនក្លែងបន្លំនូវគុណភាព ដើម្បីកេងយកចំណេញពីអតិថិជននោះ ឡើយ៕
អត្ថបទ៖ សេង ណារិទ្ធ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)