សេដ្ឋកិច្ច
ផលសម្បុកត្រចៀកកាំថយចុះ តែការចិញ្ចឹមកើនឡើង និងសម្បូរទីផ្សារ
បច្ចុប្បន្នការប្រែប្រួលអាកាសធាតុ បង្កផលលំបាកដល់ការចិញ្ចឹមសត្វត្រចៀកកាំ ជាពិសេសរយៈពេល៣ខែចុងក្រោយនេះ មានព្យុះភ្លៀងច្រើន ដែលធ្វើឱ្យការប្រមូលផលសម្បុកត្រចៀកកាំធ្លាក់ចុះ ប៉ុន្តែអ្នកចិញ្ចឹមមានការកើនឡើង និងសម្បូរទីផ្សារ។
លោក ស៊ុយ កុកធាន ប្រធានសមាគមត្រចៀកកាំកម្ពុជា បានលើកឡើងថា ការចិញ្ចឹមសត្វត្រចៀកកាំ បច្ចុប្បន្នមានការផុលផុសខ្លាំង ក្រោយពីកម្ពុជា បានចុះអនុស្សារណៈយោគយល់គ្នា (MOU) ជាមួយភាគីចិន ក្នុងការនាំចេញសម្បុកត្រចៀកកាំ។
ជាមួយនឹងកំណើននៃការចិញ្ចឹមនេះ លោក កុកធាន បានគូសបញ្ជាក់ថា សព្វថ្ងៃសមាគមជំរុញឱ្យអ្នកចិញ្ចឹម ប្រឹងប្រែងផលិតសម្បុកត្រចៀកកាំឱ្យបានច្រើន ជាជាងការកែច្នៃ ព្រោះបច្ចុប្បន្នការផលិតនៅមានកម្រិត មិនទាន់បានច្រើននៅឡើយ។
លោក ស៊ុយ កុកធាន បានបញ្ជាក់ថា កម្ពុជាមានសក្តានុពលខ្លាំងក្នុងការផលិតសម្បុកត្រចៀកកាំ ហើយគុណភាពល្អជាងគេ បើធៀបប្រទេសក្នុងតំបន់អាស៊ីអាគ្នេយ៍ ដោយសារតែមិនមានការបំពុលបរិយាកាសច្រើន។
ប្រធានសមាគមរូបនេះ ប៉ាន់ស្មានថា កម្ពុជា អាចផលិតបានសម្បុកត្រចៀកកាំប្រមាណ ៥០តោនក្នុងមួយឆ្នាំ ដែលជាបរិមាណនេះ នៅតិចតួចនៅឡើយ។
ពាក់ព័ន្ធនឹងតម្លៃលោកបញ្ជាក់ថា សម្បុកដែលមិនទាន់កែច្នៃ មានតម្លៃចន្លោះពី ៦២០-៦៥០ដុល្លារ ក្នុងមួយគីឡូ។ លោក កុកធាន រំពឹងថា ក្រោយពេលមានការនាំចេញទៅទីផ្សារប្រទេសចិន តម្លៃអាចនឹងកើនដល់ ១ពាន់ដុល្លារ ក្នុងមួយគីឡូក្រាម។
លោក ជា ស្រ៊ុនហាក់ អ្នកចិញ្ចឹមសត្វត្រចៀកកាំនៅស្រុកកណ្តាលស្ទឹង ខេត្តកណ្តាល បានប្រាប់កម្ពុជាថ្មីថា ការចិញ្ចឹមសត្វត្រចៀកកាំអាចផ្តល់ចំណូលជួយសេដ្ឋកិច្ចគ្រួសារបានច្រើន ខណៈដែលលោកទើបតែចាប់ផ្តើមចិញ្ចឹម តែអាចរកចំណូលបានខ្លះហើយ ពីរបរនេះ។
សព្វថ្ងៃលោក ស៊្រុនហាក់ មានផ្ទះត្រចៀកកាំមួយ និងគ្រោងធ្វើពីរទៅបីផ្ទះទៀត នៅខេត្តកណ្តាល។ ផលពីសត្វត្រចៀកកាំ បានផ្តល់ចំណូលប្រមាណ ២០០-៣០០ដុល្លារ ក្នុងមួយខែ ដល់លោក ស្រ៊ុនហាក់ ខណៈការចំណាយអស់ត្រឹម ៥០ដុល្លារប៉ុណ្ណោះ ចំពោះថ្លៃទឹកភ្លើង។ លោកគូសបញ្ជាក់ថា របរនេះមិនពិបាកនោះទេ ពោលគឺអ្នកចិញ្ចឹម អាចមានពេលទៅធ្វើអ្វីផ្សេងបន្ថែមទៀតបាន។
ប្រធានសមាគមត្រចៀកកាំកម្ពុជា បានលើកឡើងថា កម្ពុជានៅក្មេងខ្ចីក្នុងការផលិតសម្បុកត្រចៀកកាំ ដែលទាមទារផ្នែកបច្ចេកទេសជាច្រើន។ ដោយសារមូលហេតុនេះ លោក ស៊ុយ កុកធាន នឹងបញ្ជូនគណៈប្រតិភូមួយក្រុមទៅសិក្សាបីថ្ងៃ គឺចាប់ពីថ្ងៃទី ១៤-១៦ ខែតុលា នៅប្រទេសម៉ាឡេស៊ី អំពីបច្ចេកទេសនៃការចិញ្ចឹម និងការបង្កើតរោងចក្រកែច្នៃសម្បុកត្រចៀកកាំនៅកម្ពុជា ដើម្បីទទួលបានគុណភាពល្អ សម្រាប់នាំចេញទៅចិន។
គិតត្រឹមឆ្នាំ ២០២០ ផ្ទះត្រចៀកកាំនៅទូទាំងប្រទេស មានចំនួនជិត ១០០០ផ្ទះ និងអាចផ្តល់ផលចន្លោះពី១តោ-១,៥តោន ក្នុងមួយខែ។ បើធៀបនឹងប្រទេសក្នុងតំបន់ ដូចជា វៀតណាម ថៃ ម៉ាឡេស៊ី ឃើញថា សម្បុកត្រចៀកកាំរបស់កម្ពុជា នៅមានបរិមាណតិចនៅឡើយ។ នេះបើយោងតាមស្ថិតិរដ្ឋបាលព្រៃឈើ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ