ព័ត៌មានជាតិ

តើការធានារ៉ាប់រងការធ្វើកសិកម្ម មានដំណើរយ៉ាងណាខ្លះ?

បានផុស

៣ ខែ មុន

នៅ

ថ្ងៃពុធ ២៣ មេសា ២០២៥

ដោយ

ពាក់ព័ន្ធក្រុមហ៊ុនផ្តល់សេវាកម្មធានារ៉ាប់រងនៅកម្ពុជា ក៏មានក្រុមហ៊ុនផ្តល់សេវាកម្មធានារ៉ាប់រងលើការធ្វើកសិកម្ម ដែលជាវិស័យចម្បងមួយក្នុងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នី លីហួង ប្រធានគណៈកម្មការអប់រំ នៃសមាគមធានារ៉ាប់រងកម្ពុជា

ថ្លែងនៅក្នុងវេទិកាចែករំលែកព័ត៌មានអំពី «បច្ចុប្បន្នភាពនៃទីផ្សារធានារ៉ាប់រងនៅកម្ពុជាជាមួយក្លិបអ្នកកាសែតកម្ពុជា»លោក នី លីហួង ប្រធានគណៈកម្មការអប់រំ នៃសមាគមធានារ៉ាប់រងកម្ពុជា បានពន្យល់ពីដំណើរការការផ្តល់សេវាកម្មធានារ៉ាប់រងលើការធ្វើកសិកម្មដែលបានអនុវត្តជាង ១០ ឆ្នាំមកហើយក្នុងប្រទេសកម្ពុជា។

លោក នី លីហួង បានឲ្យដឹងថា ការផ្តល់ធានារ៉ាបរងលើការធ្វើកសិកម្ម គឺអនុវត្តទៅលើការដាំដុះដំណាំកសិកម្មមួយចំនួនដូចជាស្រូវ ពោត ដំឡូងមី ស្វាយចន្ទី កៅស៊ូជាដើម។

ការធានារ៉ាប់រងលើការធ្វើកសិកម្ម មានការធានាលើកត្តាប្រែប្រួលអាកាសធាតុ ទៅលើទិន្នផលជាដើម។ បន្ថែមពីនេះ ក៏អាចធានាទៅលើប្រាក់ចំណេញ និងប្រាក់ចំណូលផងដែរ។ នេះបើតាមលោក នី លីហួង។

យ៉ាងណាមិញ លោក នី លីហួង បានគូសបញ្ជាក់ថា ការធានារ៉ាប់រងលើការធ្វើកសិកម្ម មិនទាន់អនុវត្តបានទូលំទូលាយនោះទេ ដោយសារការធានារ៉ាប់រងលើការធ្វើកសិកម្មខុសប្លែកពីធានារ៉ាប់រងផ្សេងទៀត។ ធានារ៉ាប់រងលើការធ្វើកសិកម្មអាស្រ័យលើទីតាំងជាក់ស្ដែង ស្ថានភាព អាកាសធាតុ ប្រភេទដំណាំដាំដុះ ប្រភេទដីដែលខុសគ្នាពីតំបន់មួយទៅតំបន់មួយតាមភូមិ ស្រុក ខេត្តនីមួយៗ៕