ព័ត៌មានអន្ដរជាតិ
កសិករថៃចាក់ផ្លែទន្លាប់ចោល ដោយសារតម្លៃថោកខ្លាំង ព្រោះខ្សត់អ្នកទិញ
កសិករនៅក្នុងខេត្តឈៀងម៉ៃ នៃប្រទេសថៃ បាននាំគ្នាចាក់ផ្លែទន្លាប់ដែលប្រមូលផលរួចចោល ដោយសារតែតម្លៃធ្លាក់ចុះខ្លាំង ហើយមិនសូវមានអ្នកទិញ។ នេះបើតាមការចុះផ្សាយរបស់កាសែត Thai PBS កាលពីចុងសប្ដាហ៍។
ការធ្លាក់ចុះជួនគ្នាទៅនឹងនិន្នាការធ្លាក់ចុះនៃតម្លៃផ្លៃឈើថៃ ដោយសារតែកំណើនទិន្នផល និងកម្សោយតម្រូវការទាំងក្នុងស្រុក និងក្រៅស្រុក ជាពិសេសក្រោយពេលកម្ពុជាបិទការនាំចូលបន្លៃផ្លែឈើថៃ។
កសិករដាំទន្លាប់ថៃ បានត្អូញត្អែរថា តម្លៃផ្លៃទន្លាប់នៅឆ្នាំនេះបានធ្លាក់ចុះយ៉ាងខ្លាំងមកនៅត្រឹមតែ ៤-៥ បាត/គីឡូក្រាម (៥-៦ រយរៀលខ្មែរ/គីឡូក្រាម) ខណៈថ្លៃកម្លាំងពលកម្មសម្រាប់បេះផ្លែឈើ ជាមធ្យមគឺ ២ បាត/គីឡូក្រាម។ បូកបញ្ចូលទៅនឹងថ្លៃដឹកជញ្ជូនពីចម្ការទៅទីផ្សារទៀត កសិករថៃមិនចំណេញអ្វីទាំងអស់។
Thai PBS បានដកស្រង់សម្ដីកសិករម្នាក់ ឈ្មោះ Busayarat Inthararacha ដែលនិយាយថា តម្លៃផ្លែទន្លាប់ឆ្នាំនេះ ធ្លាក់ចុះដល់កម្រិតទាបបំផុតក្នុងរយៈពេលជាច្រើនឆ្នាំ។ កសិករដដែលថា កាលពីឆ្នាំមុនៗ ខ្លួនអាចលក់ទន្លាប់បានពី ២-៣ ឡាន/ថ្ងៃ ប៉ុន្តែឥឡូវ ២-៣ ថ្ងៃ លក់បានត្រឹម ១ ឡាន។
លោកស្រី Busayarat បានបន្តទៀតថា កសិករផ្សេងៗទៀត ទុកផ្លែទន្លាប់ឱ្យស្អុយរលួយលើដើមចោល ដោយសារតែរកផលចំណេញមិនឃើញ បើជួលឱ្យគេបេះយកលក់។
ចំណែកឯលោក Wattana Songpornpaisal ដែលជាមេដឹកនាំក្រុមកសិករដាំទន្លាប់ខ្នាតធំនៅឈៀងម៉ៃ បានប៉ាន់ស្មានថា កសិករអាចប្រមូលផលទន្លាប់ប្រហែល ៥០០ តោន ឆ្នាំនេះ ប៉ុន្តែរំពឹងថាអាចលក់ចេញត្រឹម ២០ ភាគរយ ប៉ុណ្ណោះ ដោយសារតែមិនសូវមានអ្នកទិញ។ លោកសង្ឃឹមថា រដ្ឋាភិបាលនឹងមានវិធានការមួយចំនួន ដើម្បីជួយកសិករ។
មែនទែនទៅ កសិករដាំដើមឈើហូបផ្លែផ្សេងៗទៀតនៅបណ្ដាខេត្តភាគខាងជើងថៃ កំពុងប្រឈមនឹងបញ្ហាស្រដៀងគ្នានេះនៅឆ្នាំនេះ។ ជាឧទាហរណ៍ តម្លៃស្វាយបានធ្លាក់ចុះមកនៅត្រឹម ៤-៥ បាត/គីឡូក្រាម ក្នុងរដូវប្រមូលផលពីខែមីនា ដល់ខែមេសា ខណៈតម្លៃផ្លែមៀនគុណភាពខ្ពស់ ធ្លាក់ចុះមកនៅត្រឹម ៧-៨ បាត/គីឡូក្រាម ស្របពេលដែលតម្លៃផលិតកម្មមានរហូតដល់ទៅ ១០-១៥ បាត/គីឡូក្រាម។
មិនមានសេចក្ដីរាយការណ៍ជាក់លាក់ណាមួយដែលនិយាយថា តម្លៃផ្លែទន្លាប់ថៃធ្លាក់ចុះដោយសារតែការបិទការនាំចូលបន្លែផ្លែឈើថៃរបស់កម្ពុជា ពាក់ព័ន្ធនឹងភាពតានតឹងព្រំដែននោះទេ។ យ៉ាងណាមិញ សារព័ត៌មានថៃជាច្រើន បានរាយការណ៍នាពេលកន្លងមកថា តម្លៃផ្លែឈើក្នុងស្រុករបស់ខ្លួនដូចជាផ្លែមៀន គូលេន និងមង្ឃុត បានធ្លាក់ចុះខ្លាំងដោយសារតែចំណាត់ការរបស់កម្ពុជា ដែលធ្វើឱ្យប៉ះពាល់ធ្ងន់ធ្ងរដល់កសិករថៃ៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ