ជីវិតកម្សាន្ដ

ធ្លាយកាន់តែច្បាស់មុខមាត់ពិតនារីគូស្នេហ៍ ខេម ដែលជាអាណិកជនខ្មែរនៅបារាំង

បានផុស

៥ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

ភ្នំពេញ ៖ ទីបំផុតនារីដែលជាគូស្នេហ៍កំណាន់ចិត្តរបស់តារាចម្រៀងសម្លេងស្អកលោក ខេម ដែលជាអាណិកជនខ្មែររស់នៅប្រទេសបារាំងត្រូវបានប្រភពទម្លាយពីមុខមាត់ពិតឲ្យមហាជនបានឃើញជាសាធារណៈខណៈដែលពិធីសម្ពោធហាងកាលពីថ្មីៗនេះមិនត្រូវបានបញ្ចេញអត្តសញ្ញាណនៃមុខមាត់ច្បាស់នៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា អំឡុងពេលពិធីសម្ពោធហាងនៅម្តុំវត្តសំរោងអណ្តែតតារាចម្រៀងលោក ខេម ពិតជាបានសារភាពលាតត្រដាងថា ខ្លួនកំពុងមានទំនាក់ទំនងស្នេហាយ៉ាងត្រជាក់ល្ហឹមជាមួយនារីស្រស់ស្អាតម្នាក់រស់នៅប្រទេសបារាំងគ្រាន់តែបច្ចុប្បន្ននាងបានមកស្នាក់នៅប្រទេសកម្ពុជាប្រមាណជា១ឆ្នាំមកហើយ។

នាពិធីនោះ ទោះបីជាលោក ខេម បានសារភាពពីសម្ព័ន្ធស្នេហាបែបនេះក្តីប៉ុន្តែពុំមាននរណាម្នាក់កត់សម្គាល់ឲ្យច្បាស់អំពីមុខមាត់ ឬ អត្តសញ្ញាណអនាគត់ភរិយាលោកទេ។

យ៉ាងណាមិញមិនខុសពីពាក្យចាស់ពោលថា ក្រដាសមិនអាចខ្ចប់ភ្លើងបានឡើយ !ជាក់ស្តែងមិនខុសពីរឿងស្នេហារបស់ ខេម ទេថ្វីត្បិតតែលោកសារភាពស្នេហ៍តែមិនបង្ហាញមុខទីបំផុតនោះតែបែកធ្លាយដដែល។

ជាក់ស្តែងនៅលើបណ្តាញសង្គមហ្វេសប៊ុក របស់តារាសម្តែងស្រី ឡោម លក្ខិណា មុននេះបានបង្ហោះរូបថតនារីដែលជាគូស្នេហ៍របស់ ខេម ភ្ជាប់នឹងការសរសេរថា With sis Congratulations sis ka & bro Khem ខេម។

តាមរយៈសំណេរនឹងរូបភាពនេះត្រូវបានទស្សនិកជននិងអ្នកគាំទ្រយល់ឃើញថា នារីរូបស្រស់ដែលថតជាមួយ ឡោម លក្ខិណា ពិតជាគូស្នេហ៍របស់តារាចម្រៀង ខេម ពិតមែនខណៈមានខ្លះទៀតលើកសរសើរថា ពិតជាស្រស់ស្អាតដូចគេសរសើរមិនខុសមែន។

សូមជម្រាបថា កាលពីថ្ងៃសម្ពោធហាង ខេម ធ្លាប់បាននិយាយបង្ហើបដែរថាលោកនឹងរៀបការជាមួយបណ្ដូលចិត្តក្នុងពេលឆាប់ៗខាងមុខនេះហើយ ពោលគឺយ៉ាងយូរ២ទៅ៣ឆ្នាំទៀត ព្រោះពេលនេះលោកក៏មានអាយុច្រើនដែរហើយ៕
ដោយ ៖ ចាន់រ៉ា