ព័ត៌មានអន្ដរជាតិ
រុស្ស៊ីប្រាប់ថា ខ្លួននឹងជួសជុលយន្តហោះចម្បាំងដែលខូចខាត អំឡុងការវាយប្រហាររបស់អ៊ុយក្រែន
រុស្ស៊ី បានប្រកាសផែនការជួសជុលយន្តហោះយោធាដែលរងការខូចខាត ក្រោយការវាយលុកដោយដ្រូនរបស់អ៊ុយក្រែនកាលពីថ្ងៃទី១មិថុនា ដែលត្រូវបានគេស្គាល់ថាជា «ប្រតិបត្តិការសំណាញ់ពីងពាង»។ ប្រតិបត្តិការនេះ បានកំណត់គោលដៅលើមូលដ្ឋានទ័ពអាកាសរុស្ស៊ីជាច្រើន ដែលបណ្តាលឲ្យមានការខូចខាតយ៉ាងខ្លាំងដល់យន្តហោះចម្បាំងរបស់ក្រុងមូស្គូ។
អនុរដ្ឋមន្ត្រីការបរទេសរុស្ស៊ី លោក Sergei Ryabkov បានឲ្យដឹងថា យន្តហោះរុស្ស៊ីបានរងការខូចខាត ប៉ុន្តែមិនត្រូវបានបំផ្លាញទាំងស្រុងទេ ដូច្នេះហើយពួកវានឹងត្រូវជួសជុលឡើងវិញ។
អ៊ុយក្រែន បានបើកការវាយប្រហារដោយប្រើដ្រូនចំនួន ១១៧គ្រឿង មានគោលបំណងបំផ្លាញសមត្ថភាពយន្តហោះទម្លាក់គ្រាប់បែករយៈចម្ងាយឆ្ងាយរបស់រុស្ស៊ី។ អ៊ុយក្រែនអះអាងថា ការវាយប្រហារបានបំផ្លាញ ឬធ្វើឲ្យខូចខាតយ៉ាងធ្ងន់ធ្ងរដល់យន្តហោះជាង ៤០គ្រឿងរបស់ក្រុងមូស្គូ ក្នុងនោះមានយន្តហោះទម្លាក់គ្រាប់បែក Tu-95, Tu-22M និង Tu-160 ក៏ដូចជាយន្តហោះឈ្លបការណ៍ A-50។ ការខូចខាតគិតជាទឹកប្រាក់ប្រមាណ ៧ពាន់លានដុល្លារ។
យ៉ាងណារូបភាពពីផ្កាយរណប និងប្រភពពីមន្ត្រីអាមេរិក បានវាយតម្លៃថា មានយន្តហោះចម្បាំងរុស្ស៊ីប្រហែល ២០គ្រឿងប៉ុណ្ណោះដែលត្រូវបានវាយប្រហារ ហើយក្នុងនោះមានប្រហែល ១០គ្រឿងដែលត្រូវបានបំផ្លាញទាំងស្រុង ដែលនេះគឺជាតួលេខទាបជាងការអះអាងរបស់ប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី។
«ប្រតិបត្តិការសំណាញ់ពីងពាង» ត្រូវអ៊ុយក្រែនចំណាយពេលអស់ ១ឆ្នាំកន្លះសម្រាប់ការរៀបចំ ដោយមានការបញ្ជាផ្ទាល់ដោយលោក ហ្សេលេនស្គី។ ដ្រូនរបស់អ៊ុយក្រែន ត្រូវបានដឹកជញ្ជូនទៅកាន់ប្រទេសរុស្ស៊ី តាមរយៈប្រអប់កុងតឺន័រឈើដាក់នៅលើឡានដឹកទំនិញ។ នៅពេលចាប់ផ្តើមការវាយប្រហារ ដំបូលនៃប្រអប់កុងតឺន័រឈើទាំងនោះ ត្រូវបានបញ្ជាឲ្យបើកពីចម្ងាយ ហើយដ្រូនបានហោះហើរចេញសំដៅទៅកាន់គោលដៅរបស់ពួកវា។ ទីតាំងដែលរងការវាយប្រហារ មានចម្ងាយប្រមាណ ៤ ៣០០គីឡូម៉ែត្រឯណោះពីព្រំដែនអ៊ុយក្រែន។
មេដឹកនាំរុស្ស៊ី វ្ល៉ាឌីមៀរ ពូទីន បានប្រកាសថា ទីក្រុងមូស្គូ ដាច់ខាតត្រូវតែសងសឹកចំពោះការវាយប្រហាររបស់អ៊ុយក្រែន លើមូលដ្ឋានទ័ពរបស់ខ្លួនកាលពីថ្ងៃមុន។ សារព្រមាននេះត្រូវបាននាំពាក្យដោយប្រធានាធិបតីអាមេរិក ដូណាល់ ត្រាំ បន្ទាប់ពីកិច្ចពិភាក្សាតាមទូរសព្ទជាងមួយម៉ោងជាមួយលោក ពូទីន កាលពីថ្ងៃពុធទី៤ខែមិថុនាឆ្នាំ២០២៥៕
ដោយ៖ ឈាង
ចុចអាន៖ ហ្សេលេនស្គី ចោទរុស្ស៊ីថាប្រើការចរចានៅតួកគី ដើម្បីពន្យារពេលបទឈប់បាញ់និងបញ្ចៀសទណ្ឌកម្ម
រុស្ស៊ីប្រាប់ថា ខ្លួននឹងជួសជុលយន្តហោះចម្បាំងដែលខូចខាត អំឡុងការវាយប្រហាររបស់អ៊ុយក្រែន
កំពង់ដរព្រែកព្រលូង នឹងត្រូវបិទអាជីវកម្ម ក្រោយស្ពានខេត្តក្រចេះសាងសង់រួចរាល់ដាក់ឲ្យដំណើរការ
នាយ ពាង ត្រៀមវះកាត់ដុំសាច់កាចអណ្តាតខាងឆ្វេងឆាប់ៗនេះ ខណៈកំពុងសម្រាកតាមដាននៅមន្ទីរពេទ្យ
សមាជិកសភាប៊ុលហ្គារីគាំទ្ររុស្ស៊ីនិងអឺរ៉ុប ប៉ះពារគ្នាដល់រាងកាយ ក្នុងជម្លោះលើប្រាក់អឺរ៉ូ
ក្មេងជំនាន់ Gen Z ថៃ ព្រួយបារម្ភពីការចំណាយប្រចាំថ្ងៃខ្ពស់
ត្រី Oarfish បង្ហាញវត្តមាននៅប្រទេស អូស្រ្តាលី
កូរ៉េខាងជើង លែងយកតង់បាំងនាវាចម្បាំងដែលលិច ក្រោយស្រង់ចេញពីទឹកបានពាក់កណ្ដាលមកវិញ
ត្រាំ ចុះហត្ថលេខា ហាមពលរដ្ឋ១២ប្រទេស មិនឲ្យចូលទឹកដី អាមេរិក
នគរបាលខណ្ឌ៧មករា ចុះណែនាំបណ្ដាទីតាំងយានដ្ឋាន កុំឱ្យលក់បំពង់សុីម៉ាំងឮខ្លាំង រំខានដល់ពលរដ្ឋ
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៧ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៥ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៥ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ១ សប្តាហ៍ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
សេចក្ដីជូនដំណឹង៥ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
ព័ត៌មានជាតិ១ សប្តាហ៍ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៧ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៦ ថ្ងៃ agoវិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ