វត្ថុ ៣យ៉ាង Weir យកតាមខ្លួនដូចសង្សារ ពេលដើរកម្សាន្តម្ដងៗ

Weir Sukolwat ជាតារាប្រុសលំដាប់កំពូលរបស់ថៃ មិន​ថា​ពេល​​លោក​ទៅ​ណា​មកណា ​បណ្ដាសារព័ត៌មាន​ក្នុងស្រុក​តែងតែតាមដានសឹងគ្រប់សកម្មភាព និង​គ្រប់ពេល​វេលា។ ទាំងជីវិតឯកជន ទាំងសម្ភារប្រើប្រាស់ ឬវិថីលើសិល្បៈក្ដី Weir មានអ្នកគាំទ្ររាប់សិបនាក់ចង់ដឹងចង់ឮជានិច្ច។ ក្នុងនោះរបស់របរសំខាន់ៗដែលលោកតែងតែយកទៅជាមួយពេលធ្វើដំណើរ ក៏ត្រូវបានហ្វេនចង់ដឹងដូចគ្នា។

ប្រភពពីសារព័ត៌មានថៃ បានឱ្យដឹងថា Weir Sukolwat មានបទពិសោធន៍ក្នុងវិស័យសិល្បៈជាង ១៦ឆ្នាំមកហើយ ហើយពេលទំនេរពីការងារ លោកតែងតែធ្វើដំណើរទៅលំហែកាយនៅតាមតំបន់ទេសចរណ៍នានា។ Weir ធ្លាប់ប្រាប់​ថា ​ខ្លួន​ស្រឡាញ់​ការ​ធ្វើ​ដំណើរ​ទាំងបែបព្រៃ​ភ្នំ និង​សមុទ្រ។

ត្បិតតែចូលចិត្តដើរលេង តារាប្រុសរូបនេះ បង្ហើបថា ខ្លួនជាមនុស្សម្នាក់ដែលមិនចូលចិត្តស្លៀកពាក់ច្រើន ឬវេចខោអាវសំពីងសំពោងតាមនោះទេ។ រីឯសម្ភារផ្សេងទៀតសោត លោក​ក៏​មិន​ចូល​ចិត្ត​យក​តាម​ច្រើន​ដែរ។

ប៉ុន្តែមាន ៣យ៉ាង ដែលលោកមិនដែលភ្លេច សូម្បីម្ដង ពេលដើរកម្សាន្ត។ វត្ថុដំបូងដែលជាសម្លាញ់មិនអាចខ្វះបានរបស់ Weir គឺនាឡិកាដៃ។ មិនថាលោកទៅដល់ទីណាទេ នាឡិកាដៃ ពិតជាមិនអាចភ្លេចឡើយ។ ទី២គឺ មួក ព្រោះ​ពេល​ខ្លះលោក​ចូល​ចិត្ត​ធ្វើ​ដំណើរ​ទៅ​មើលទេសភាពព្រៃ​ឈើ​ ស្រែចម្ការ និង​សួន​ដំណាំជាដើម។ ចុងក្រោយគឺ វ៉ែនតាដែលមានកញ្ចក់ការពារកម្តៅថ្ងៃ។

ក្រោយបានដឹងពីវត្ថុសំខាន់ៗទាំង​ ៣ របស់ Weir ពេលដើរលេងម្ដងៗ ហ្វេនៗលាន់មាត់ថា តារាសម្ដែងរូបនេះពិតជាមនុស្សសមញ្ញ និងងាយចុះសម្រុងទៀតផង៕

ប្រែសម្រួល៖ សន្យា

ចុចអាន៖ មុននេះ តួឯកប្រុសក្នុងរឿង ” ភរិយាបណ្ដូលចិត្ត” James Jirayu ប្រកាសថា ខ្លួនឆ្លងកូវីដ-១៩

ចុចអាន៖ Baifern បង្ហោះរូបប៉ុន្មានសន្លឹកសោះ អ្នកគាំទ្រគាំងនិយាយលែងចេញ