ជីវិតកម្សាន្ដ

មុននេះ តួឯកប្រុសក្នុងរឿង ” ភរិយាបណ្ដូលចិត្ត” James Jirayu ប្រកាសថា ខ្លួនឆ្លងកូវីដ-១៩

បានផុស

៤ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

ស្របពេលវិស័យកម្សាន្តរបស់ប្រទសថៃ កាន់តែល្បីល្បាញខ្លាំង និងមមាញឹក ខណៈនោះដែរ ក៏មានតារាខ្លះ ចេញមុខប្រាប់ថា ខ្លួនវិជ្ជមានកូវីដជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅក្នុងថ្ងៃនេះដែរ James Jirayu Tangsrisuk តួប្រុសដែលប្រជាជនកម្ពុជា ស្គាល់ច្បាស់ថា ជាតួឯកក្នុងរឿង ” ភរិយាបណ្ដូលចិត្ត “និងជាតារាម្នាក់ទៀត ដែលបានបង្ហោះព័ត៌មានថា ខ្លួនបានឆ្លងជំងឺកូវីដ ។

James បានប្រាប់តាមរយៈ Instagramថា «សូមឲ្យអ្នកទាំងអស់គ្នាមានសុវត្ថិភាព» ហើយរូបភាពនៃសារបង្ហោះថាលោកមានវិជ្ជកូវីដ-១៩។ បន្ទាប់ពីមានទំនាក់ទំនងជិតស្និទ្ធជាមួយអ្នកឆ្លង ហើយចាប់ផ្ដើមមានអាការឈឺបំពង់ក ក្ដៅខ្លួនខ្លាំង និងត្រូវបានគេព្យាបាលតាមនីតិវិធីនៅមន្ទីរពេទ្យ។ នេះបើតាមការប្រកាសនេះមុននេះបន្តិច។

តួប្រុសមុខស្រទន់រូបនេះ បាននិយាយទៀតថា «សូមអនុញ្ញាតឲ្យខ្ញុំប្រាប់អ្នកដែលពាក់ព័ន្ធនឹងខ្ញុំ។ ខ្ញុំត្រូវបានគេប្រាប់ថា ខ្ញុំកំពុងមានទំនាក់ទំនងជិតស្និទ្ធជាមួយអ្នកផ្ទុកវីរុសកូវីដ១៩ ដូច្នេះខ្ញុំប្រញាប់ប្រញាល់ទៅធ្វើតេស្ត RT-PCR លទ្ធផល បានចេញមកថា ខ្ញុំមានវិជ្ជមានកូវីដ ។ ថ្ងៃនេះខ្ញុំចាប់ផ្ដើមឈឺបំពង់ក និងក្ដៅខ្លួនខ្លាំង។ ខ្ញុំសូមអភ័យទោសចំពោះព្រឹត្តិការណ៍ទាំងអស់ បន្ទាប់ពីនេះ ដែលត្រូវពន្យារពេលរហូតដល់បានជាសះស្បើយពេញលេញ។ ហើយខ្ញុំសូមអភ័យទោស ចំពោះអ្នកពាក់ព័ន្ធទាំងអស់ ដែលបានប៉ះពាល់ខ្ញុំ ហើយសូមអ្នកទាំងអស់គ្នាមានសុវត្ថិភាព»។

ក្រោយបង្ហោះមិនបានប៉ុន្មាន មិត្តភ័ក្ដិនៅក្នុងឧស្សាហកម្មកម្សាន្តនៃសិល្បៈថៃ និងបណ្ដាអ្នកគាំទ្ររបស់លោក បានចូលមកបញ្ចេញមតិ ដើម្បីលើកទឹកចិត្ត James ឲ្យឆាប់ជាសះស្បើយ និងឆាប់បានវិលត្រលប់មកសម្ដែងភាពយន្តវិញផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Baifern បង្ហោះរូបប៉ុន្មានសន្លឹកសោះ អ្នកគាំទ្រគាំងនិយាយលែងចេញ

ចុចអាន៖តួឯកស្រីក្នុងរឿង ” ល្បែងបំណងប្រថ្នា” នាង Nychaa បញ្ចេញដើមទ្រូងលើកដំបូង លើផ្ទៃសមុទ្រ