ជីវិតកម្សាន្ដ

ស្រលាញ់គ្នា ១០ ឆ្នាំ ទីបំផុតគូស្នេហ៍ Prang សម្រេចចិត្តចែកផ្លូវគ្នាហើយ

បានផុស

៣ years មុន

នៅ

ថ្ងៃព្រហស្បតិ៍ ១៨ សីហា ២០២២

ដោយ

Prang Kannarun ដែលទស្សនិកជនធ្លាប់ស្គាល់ថា នាងជាតួស្រីក្នុងរឿង “បុព្វេសន្និវាស” ពេលនេះបានសម្រេចចិត្តចែកផ្លូវគ្នាជាមួយលោក Two Pee ក្រោយពួកគេបង្កើតទំនាក់ទំនងស្នេហា១០ឆ្នាំទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ តារារ៉េប Two Pee ទើបតែលុតជង្គង់សុំ Prang រៀបការ កាលពីខែវិច្ឆិកាឆ្នាំមុន ក្នុងបរិយាកាសដ៏រ៉ូមែនទិក នៃទីក្រុងញូវយ៉ក សហរដ្ឋអាមេរិក ហើយក៏មានការចូលរួមអបអរសាទរពីសំណាក់មិត្តជិតស្និទ្ធ និងអ្នកគាំទ្ររបស់អ្នកទាំងពីរផងដែរ។

យ៉ាងណាមិញ ការបែកគ្នានេះ គឺប្រកាសដោយពិធីករព័ត៌មានកម្សាន្តដ៏ល្បីល្បាញនៃប៉ុស្តិ៍ one31 បានចេញមកនិយាយពីរឿងស្នេហារវាង Prang និង Two Pee ថា” ថ្ងៃនេះ P’Boi នឹងមកប្រាប់អ្នកឲ្យច្បាស់ និងបានឲ្យខាងប្រុសសុំការអនុញ្ញាតពី Prang ដើម្បីបញ្ជាក់ថា អ្នកទាំងពីរពិតជាបានបញ្ចប់ចំណងស្នេហ៍១០ឆ្នាំនេះមែន។”

ពីធីករប្រុសរូបនេះ ក៏បានបន្ថែមទៀតថា ក្រោយមានការបញ្ជាក់ច្បាស់ៗពី Prang និងTwo Pee ហើយ ខាងស្រីក៏ទទួលស្គាល់ថា នេះជាការបញ្ចប់ស្នេហាដ៏ឈឺចាប់របស់ពួកគេ។ គ្មាននរណាម្នាក់បែកបាក់ជាមួយអ្នកណាឡើយ ហើយគ្មាននរណាម្នាក់ធ្វើឲ្យនរណាម្នាក់ឈឺចាប់ទេ។ ប៉ុន្តែភាគីទាំងពីរយល់ព្រមវិលមកចាប់ផ្ដើមជីវិតថ្មីរៀងៗខ្លួន។ ហេតុផលចែកផ្លូវគ្នានេះ អ្នកទាំងពីរមិនអាចបន្តចំណងស្នេហ៍នេះតទៅទៀតបាន ហើយក៏គ្មានជនទី៣ណា ចូលមកជ្រៀតជ្រែកស្នេហាពួកគេដែរ។

គួររំលឹកដែរថា ប៉ុន្មានថ្ងៃមុនមហាជនហាក់មានចំងល់និងមានការសង្ស័យ ខណៈខាងតារារ៉េប Two Pee បានបង្ហោះស្ទូរីប្លែកៗជាភាសាអគ្លេសដូចលាគ្នាចុងក្រោយ។ ក្នុងនោះក៏មានពាក្យចចាមអារ៉ាមពីនិយមលេងអ៊ីនធឺណិត អំពីទំនាក់ទំនងរវាងភាគីថា ផ្លូវស្នេហ៍នេះបានឈានដល់ទីបញ្ចប់? ប៉ុន្តែយ៉ាងណាក៏ដោយ គ្មានភាគីណាចេញមកផ្ដល់បទសម្ភាសន៍ ដើម្បីបញ្ជាក់ពីការពិតឡើយ៕

អត្ថបទ៖ សាង ស្រីល័ក្ខ

ចុចអាន៖តួស្រីក្នុងរឿង “បុព្វេសន្និវាស” Prang សង្ស័យបែកគ្នា ក្រោយឃើញមិត្តប្រុសបង្ហោះសារចម្លែក

ចុចអាន៖Bella ស្រែកទាំងភ្ញាក់ផ្អើល បន្ទាប់ពីម្ដាយឲ្យអំណោយ ដែលនាងចង់បានជាយូរ