ព័ត៌មានអន្ដរជាតិ
ថៃបញ្ជាក់ម្ដងទៀតថានឹងដោះលែងទាហានខ្មែរ ទាល់តែអរិភាពបញ្ចប់ ហើយលក្ខខណ្ឌ២ត្រូវបានបំពេញ
កងទ័ពថៃ បានចេញសេចក្ដីថ្លែងការណ៍មួយទៀត ដោយបញ្ជាក់ថា ទាហានខ្មែរទាំង១៨រូបដែលត្រូវបានចាប់ដោយខុសច្បាប់អំឡុងជម្លោះព្រំដែនកម្ពុជា-ថៃនាពេលថ្មីៗនេះ នឹងត្រូវបានដោះលែងវិញ ទាល់តែអរិភាពបានបញ្ចប់ជាផ្លូវការ ហើយភាគីទាំងពីរដកអាវុធធុនធ្ងន់ និងបញ្ចប់ប្រតិបត្តិការបោសសម្អាតមីនសំខាន់ៗ។
យោងតាមការចុះផ្សាយរបស់ The Nation នាថ្ងៃអង្គារទី៤ខែវិច្ឆិកានេះ លោក Jongjet Vacharanan អ្នកនាំពាក្យរងរបស់កងទ័ពថៃ បាននិយាយនៅក្នុងសេចក្តីថ្លែងការណ៍ថា ដំណើរការដោះលែងនឹង«អនុវត្តតាមពិធីសារដ៏តឹងរឹង» ហើយអាចកើតឡើងបាន លុះត្រាតែលក្ខខណ្ឌចំនួនពីរត្រូវបានបំពេញយ៉ាងពេញលេញ ពោលគឺការដកអាវុធធុនធ្ងន់ទាំងស្រុងរួមទាំងកាំភ្លើងធំ រថក្រោះ និងប្រព័ន្ធរ៉ុក្កែត និងការបោសសំអាតមីននៅក្នុងតំបន់ដែលបានកំណត់ចំនួន៥ ដូចជា Ban Sai Tho ក្នុង Buriram, Chong Hew នៅ Surin, Ban Nong Chan និង Ban Nong Ya Kaew ក្នុងខេត្តស្រះកែវ និង Ban Cham Rak ក្នុងខេត្ត Trat។
កន្លងមក ប្រទេសថៃអះអាងថា ការឃុំខ្លួនទាហានកម្ពុជា ដែលខ្លួនហៅថាជាអ្នកទោសសង្គ្រាម គឺអនុវត្តតាមអនុសញ្ញាទីក្រុងហ្សឺណែវទីបី ដែលចែងថា អ្នកទោសសង្គ្រាមត្រូវតែដោះលែង និងធ្វើមាតុភូមិនិវត្តន៍ «ដោយគ្មានការពន្យាពេលបន្ទាប់ពីការបញ្ចប់នៃអរិភាពសកម្ម»។ យោធាថៃអះអាងថា ជម្លោះមិនទាន់បញ្ចប់ទេ បើទោះបីជាមានការព្រមព្រៀងបទឈប់បាញ់ និងការប្រកាសរួមកាលពីពេលថ្មីៗនេះនៅប្រទេសម៉ាឡេស៊ីក្រោមវត្តមានប្រធានាធិបតីអាមេរិក ដូណាល់ ត្រាំ ក៏ដោយ។
កម្ពុជាបានជំរុញឲ្យមានការដោះលែងទាហានរបស់ខ្លួនជាបន្ទាន់ ដោយលើកហេតុផលថា ការបន្តឃុំខ្លួនគឺជាការរំលោភលើច្បាប់មនុស្សធម៌អន្តរជាតិ ជាពិសេសចាប់តាំងពីបទឈប់បាញ់ត្រូវបានបង្កើតឡើង។ ទាហានកម្ពុជា២រូបប៉ុណ្ណោះ ដែលត្រូវភាគីថៃដោះលែងកាលពីថ្ងៃទី១ខែសីហា ក្នុងចំណោមទាហាន២០រូបដែលត្រូវចាប់ខ្លួនកាលពីថ្ងៃទី២៩ខែកក្កដា ក្រោយបទឈប់បាញ់ចូលជាធរមាន៕
ដោយ៖ ឈាង
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៥ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ