ព័ត៌មានអន្ដរជាតិ
ព្រោះភាពតានតឹងជាមួយកម្ពុជា កងទ័ពជើងទឹកថៃនឹងបំប្លែងនាវា Chakri Naruebet ទៅជានាវាផ្ទុកដ្រូនប្រយុទ្ធ
នាយឧត្តមនាវី មេបញ្ជាការកងទ័ពជើងទឹកថៃបានចេញបញ្ជាឲ្យត្រៀមលក្ខណៈនាវា HTMS Chakri Naruebet បំប្លែងទៅជានាវាបញ្ជាការដ្រូនបណ្តែតទឹក ខណៈដែលកងទ័ពជើងទឹកកំពុងបង្កើនភាពត្រៀមខ្លួននៅចំពេលភាពតានតឹងកើនឡើងជាមួយកម្ពុជា។
យោងតាមការបង្ហោះរបស់អ្នកកាសែតជើងចាស់ និងល្បីឈ្មោះរបស់ថៃ Wassana Nanuam ដោយដកស្រង់សម្ដីនាយឧត្តមនាវី ផៃរ៉ូច ភឿងផល (Phairoj Phuangphol) អំឡុងសន្ទរកថានាឱកាសខួប១១៩ឆ្នាំនៃទិវាកងទ័ពជើងទឹកថៃ នាវា Chakri Naruebet នឹងបម្រើការជាប៉ុស្តិ៍បញ្ជាការចល័ត សម្រាប់ការការពារព្រំដែនសមុទ្រក្រោម «ផែនការចក្រពង្សភូវនាត (Chakrapong Phuwanart Plan)» ដោយមាននាវាល្បាតផ្លាស់ប្តូរវេនរៀងរាល់ប្រាំមួយខែម្តង ដោយមិនគិតពីការអះអាងដែនសមុទ្រត្រួតស៊ីគ្នាជាមួយកម្ពុជានោះទេ។
លោក ភឿងផល បានប្រកាសថា ឆ្នាំ២០២៦ នឹងក្លាយជា«ឆ្នាំនៃភាពត្រៀមខ្លួនរបស់កងទ័ពជើងទឹក» ជាមួយនឹងផែនការធ្វើឲ្យប្រសើរឡើងនូវនាវាផ្ទុកយន្តហោះនេះ ដើម្បីប្រតិបត្តិការយន្តហោះ UAVs (យានលើអាកាសគ្មានមនុស្សបើក) និងយានគ្មានមនុស្សបើកលើផ្ទៃទឹក និងក្រោមទឹក រួមជាមួយនឹងប្រព័ន្ធប្រឆាំងដ្រូន។ យន្តហោះដ្រូនប្រហែល២៤គ្រឿង រួមទាំងម៉ូដែល Schiebel និង Marcus-B ត្រូវបានគេរំពឹងថានឹងត្រូវដាក់ពង្រាយនៅលើនាវា Chakri Naruebet។
មន្ត្រីកងទ័ពជើងទឹកបានប្រកាសថា គំនិតបំប្លែងនាវាផ្ទុកដ្រូននេះនៅតែស្ថិតក្រោមការសិក្សា ប៉ុន្តែកងនាវាត្រូវបានដាក់ក្នុងស្ថានភាពប្រុងប្រយ័ត្នខ្ពស់។ ការចូលទស្សនារបស់សាធារណជនទៅកាន់នាវា Chakri Naruebet ត្រូវបានផ្អាក ខណៈដែលនាវាកំពុងស្ថិតក្រោមការត្រៀមលក្ខណៈប្រយុទ្ធ៕
ប្រែសម្រួល៖ ឈាង
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៣ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ