ព័ត៌មានអន្ដរជាតិ

លោក ត្រាំ ថាខ្លួននាំយកសន្តិភាពដំបូងគេ ក្នុងប្រវត្តិសាស្រ្ត៣០០០ឆ្នាំដល់មជ្ឈិមបូព៌ា

បានផុស

៦ ខែ មុន

នៅ

ថ្ងៃព្រហស្បតិ៍ ១៨ ធ្នូ ២០២៥

ដោយ

ប្រធានាធិបតីអាមេរិក លោក ដូណាល់ ត្រាំ បានអះអាងម្តងទៀតថា បទឈប់បាញ់នៅតំបន់ហ្គាហ្សាដែលលោកបានចុងផ្តើមនិងជួយជ្រុមជ្រែង ដើម្បីសម្រេចបានមកនូវសន្តិភាពនៅមជ្ឈិមបូព៌ាជាលើកដំបូងក្នុងប្រវត្តិសាស្រ្ត ក្នុងរយៈពេល ៣០០០ឆ្នាំ បើទោះបីជាមានការវាយប្រហារប្រចាំថ្ងៃរបស់អ៊ីស្រាអែលនៅតែបន្តនៅក្នុងតំបន់ហ្គាហ្សា និងតំបន់ក្បែរនោះក៏ដោយ។

លោក ដូ ណាល់ត្រាំ នៅសោតវិមាន Oval ក្រុងវ៉ាស៊ីនតោន។AP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានថ្លែងប្រាប់ប្រជាជនអាមេរិក កាលពីថ្ងៃទី១៧ ខែធ្នូ ឆ្នាំ២០២៥ ថា៖«ខ្ញុំបានស្ដារភាពខ្លាំងរបស់អាមេរិកឡើងវិញ ដោះស្រាយសង្រ្គាមចំនួនប្រាំបីក្នុងរយៈពេល១០ខែ កម្ទេចការគំរាមកំហែងនុយក្លេអ៊ែររបស់អ៊ីរ៉ង់ និងបញ្ចប់សង្រ្គាមនៅហ្គាហ្សា ដោយនាំមកនូវសន្តិភាពជាលើកដំបូងក្នុងរយៈពេល៣០០០ឆ្នាំ និងធានាបាននូវការដោះលែងចំណាប់ខ្មាំងទាំងរស់ និងស្លាប់ ហើយទីនេះ គឺសហរដ្ឋអាមេរិក ផ្ទះរបស់ពួកយើង»។

ការអះអាងនេះបានបន្លឺឡើងពេលលោកបានថ្លែងសុន្ទរកថាក្នុងខែតុលា ឆ្នាំ ២០២៥ របស់លោកអំឡុងពេលចុះហត្ថលេខាលើបទឈប់បាញ់នៅតំបន់ហ្កាហ្សា ក្នុងប្រទេសអេហ្ស៊ីប ជាកន្លែងដែលលោកបានសាទរថាជារបកគំហើញជាប្រវត្តិសាស្ត្របន្ទាប់ពី «៣០០០ឆ្នាំ»។

ប្រែសម្រួល ដោយ ណឺ មិនា