Connect with us

ព័ត៌មានអន្ដរជាតិ

ក្រោយរិះគន់ពេញប្រទេសរឿងតម្លៃព្យាបាលថ្លៃ ពេល​នេះ ឥណ្ឌា កាត់ពន្ធឧបករណ៍វេជ្ជសាស្ត្រ និងថ្នាំកូវីដ

បានផុស

នៅ

កាលពីថ្ងៃសៅរ៍ប្រទេសឥណ្ឌានិយាយថា បានកាត់បន្ថយពន្ធលើឧបករណ៍វេជ្ជសាស្ត្រដូចជា ឧបករណ៍ជំនួយ ខ្យល់អុកស៊ីសែន និងថ្នាំដែលត្រូវបានប្រើដើម្បីព្យាបាលជំងឺកូវីដ ១៩។ ក្រោយមានការរិះគន់យ៉ាងខ្លាំងលើថ្លៃថែទាំសុខភាព ក្នុងកំឡុងពេលរលកទីពីរនៃវីរុសដ៏សាហាវក្នុង ខែ មេសា និង ឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាល​កាត់​បន្ថយ​ពន្ធ​លើ​ឧបករណ៍​ជំនួយ​ខ្យល់​អុកស៊ីសែ​ន​ថ្នាក់​វេជ្ជសាស្ត្រ ដូចជា បំពង់ខ្យល់​អុកស៊ីសែន​ ថ្នាំ​ប្រឆាំង​វីរុស remdesivir ឧបករណ៍​ធ្វើ​តេស្ត​ ឧបករណ៍​រង្វាស់​ជីពចរ និង​ជែល​សម្រាប់​លាងដៃ ​ដែល​ត្រូវ​បាន​បញ្ជូន​ទៅ​ព្យាបាល​ភ្លាមៗ។

លោក Nirmala Sitharaman រដ្ឋមន្ត្រី​ក្រសួង​ហិរញ្ញវត្ថុ​បាន​និយាយ​ថា​ ការ​យក​ពន្ធ​ថ្មី​ នេះ​នឹង​ត្រូវ​ធ្វើ​ឡើង​រហូត​ដល់​ដំណាច់​ខែ​កញ្ញា វា​រួម​បញ្ចូល​ឡ​អគ្គិសនី​ដុត​សព​ក្នុង​ឈាបនដ្ឋាន​និង​រថយន្ត​សង្គ្រោះ​បន្ទាន់។

រដ្ឋលេខាធិការ​ក្រសួង​ចំណូល​លោក Tarun Bajaj បាន​ប្រាប់​សន្និសីទ​សារព័ត៌មាន​មួយ​ថា ” ការកាត់បន្ថយ​ពន្ធ​ មិន​ត្រូវ​បាន​ធ្វើ​ឡើង​ដោយ​គិតគូរ​ពី​ការ​ចំណាយ​ណា​មួយ (លើ​ហិរញ្ញ​វត្ថុ​រដ្ឋាភិបាល) ទេ ​វា​ត្រូវ​បាន​ធ្វើ​ដើម្បី​ឲ្យ​ប្រជាជន​មាន​ភាព​ងាយស្រួល ហើយ​ការ​សម្រេចចិត្ត​ត្រូវ​ធ្វើ​ឡើង​ដើម្បី​ផ្ដល់​ភាព​ងាយស្រួល​ដល់​អ្នក​ជំងឺ​ប៉ុណ្ណោះ” ។ លោក​បន្ថែម​ថា​ ទោះ​ជា​យ៉ាង​នេះ​ក្ដី​ ​រដ្ឋាភិបាល​នៅ​តែ​បន្ត​បង់ពន្ធ​លើ​វ៉ាក់សាំង​ចំនួន ៥ ភាគរយ​ដដែល។

របាយការណ៍​ពី​ក្រសួងសុខាភិបាល​បាន​បង្ហាញ​ថា ​ប្រទេស​ដែល​មាន​ប្រជាជន​ច្រើន​ជាងគេ​លំដាប់​ទី ២ លើ​ពិភពលោក​នេះ ​មាន​ករណី​ឆ្លង​វីរុស​កូវីដ​កើន​ដល់ ៤០០,០០០ ​ក្នុង​មួយ​ថ្ងៃ​ កាល​ពី​ខែ ​ឧសភា។ ចំណែក​​​កាល​ពី​ថ្ងៃ​សៅរ៍ ​មាន​ការ​​ឆ្លង​ថ្មី​ចំនួន ៨៤,៣៣២ ករណី ​​​ដែល​ស្ថិត​ក្នុង​កម្រិតទាប​បំផុត ​ក្នុងរយៈ​ពេល​ជាង​ពីរ​ខែ​ និង​មាន​អ្នក​ស្លាប់ ៤,០០២ ករណី។

ប្រការ​នេះ​​ហើយ ​ដែល​ធ្វើ​ឲ្យ​ប្រជាជន​ជា​ច្រើន​ងាក​ទៅ​ប្រើ​វិធី​ព្យាបាល​ឯកជន​ដែល​មាន​តម្លៃ​ថ្លៃ​ នៅ​ក្នុង​អ្វី​ដែល​ថា ​ឥណ្ឌា​ជា​ប្រទេស​​មាន​ប្រាក់​ចំណូល​ទាប។ អ្នក​ផ្សេង​ទៀត​បាន​ចំណាយ ២០ ដង​លើ​ថ្លៃ​ធម្មតាក្នុងស្រុក​ សម្រាប់​បំពង​អុកស៊ីសែនមួយ​នៅ​លើ​ទីផ្សារ​ងងឹត​៕​

ប្រែសម្រួល៖ សាង ស្រីល័ក្ខ

ប្រភព៖CNA

ចុចអាន៖ឥណ្ឌា ប្រើវិធីថ្មីដេញជើងអ្នកមិនព្រមចាក់វ៉ាក់សាំង “នៅឱ្យឆ្ងាយពីខ្ញុំ ខ្ញុំមិនទាន់ចាក់វ៉ាក់សាំងទេ!”

ចុចអាន៖អ្នកភូមិឥណ្ឌាមិនហ៊ានទៅចាក់វ៉ាក់សាំងការពារកូវីដ ព្រោះខ្លាចព្រះខឹង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៥ នាទី មុន

ជំនន់​ទឹកភ្លៀង​ជន់ឡើងខ្លាំង មន្ទីរសាធារណការ​ខេត្តសៀមរាប សម្រេច​ផ្អាក​ចរាចរណ៍​រថយន្ត​ដឹកទំនិញ​ធុន​ធ្ងន់​គ្រប់​ប្រភេទ លើ​កំណាត់​ផ្លូវ ក្នុងភូមិ​សាស្ត្រ​ខេត្តសៀមរាប

ជីវិតកម្សាន្ដ៣ ម៉ោង មុន

បង្ហោះរូបលើកនេះ Baifern ត្រូវអ្នកគាំទ្រសង្ស័យ លួចកែបបូរមាត់

ជីវិតកម្សាន្ដ៤ ម៉ោង មុន

មហាជនរិះគន់កប់មាត់ ក្រោយម្ដាយ Tangmo ព្រមទទួលសំណងជាង ៥ម៉ឺនដុល្លារពីជនសង្ស័យ

ព័ត៌មានជាតិ៤ ម៉ោង មុន

រាជធានី​ភ្នំពេញ​ត្រូវ​បាន​ប្រកាស​ថា ជាទី​ក្រុង​អស់​មីន

ជីវិតកម្សាន្ដ៥ ម៉ោង មុន

បញ្ហាចម្រូងចម្រាសរវាងស្ថាប​និក Miss Grand និងបវរកញ្ញា Engfa ឈានដល់ទីបញ្ចប់

Sokha Hotels

ព័ត៌មានពេញនិយម