ស្លាប់២១នាក់ បាត់ខ្លួន២០នាក់ ដោយសារទឹកជំនន់នៅ អាមេរិក

មនុស្សចំនួន២១នាក់បានស្លាប់ និង២០នាក់ផ្សេងទៀតបាត់ខ្លួន បន្ទាប់ពីទឹកជំនន់យ៉ាងធ្ងន់ធ្ងរដែលបណ្តាលមកពីភ្លៀងធ្លាក់ខ្លាំង បានវាយប្រហារតំបន់ Humphreys ក្នុងរដ្ឋ Tennessee ភាគខាងត្បូងសហរដ្ឋអាមេរិក កាលពីថ្ងៃសៅរ៍។

នៅក្នុងបទសម្ភាសន៍មួយកាលពីព្រឹកថ្ងៃអាទិត្យ លោក Chris Davis តម្រួតប្រចាំតំបន់បានប្រាប់ CNN ថា មនុស្សប្រាំនាក់ដែលបាត់ខ្លួនគឺជាកុមារហើយក្មេងតូចពីរនាក់ ស្ថិតក្នុងចំណោមអ្នកស្លាប់។

សាលារៀនក្នុងតំបន់ Humphreys បានប្រកាសថា សាលារៀនត្រូវផ្អាកនៅសប្តាហ៍នេះ ដោយសារតែទឹកជំនន់។

ភ្លៀងកម្រិត ១៧ អ៊ីញ ត្រូវបានកត់ត្រានៅទីក្រុង McEwen កាលពីថ្ងៃសៅរ៍ ដែលនេះអាចបង្កើតកំណត់ត្រាថ្មីមួយសម្រាប់ភ្លៀងធ្លាក់ក្នុងរយៈពេល ២៤ ម៉ោង។

ប្រតិបត្តិការស្វែងរកនិងជួយសង្គ្រោះបានបន្តនៅថ្ងៃអាទិត្យ ខណៈក្រុមការងារបានពិនិត្យពីផ្ទះមួយទៅផ្ទះមួយ ដើម្បីស្វែងរកជនរងគ្រោះឬអ្នកដែលត្រូវការជំនួយ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ទឹក​​ជំនន់​​ខេត្ត​ Henan​​ សម្លាប់មនុស្ស​ដល់​៧១នាក់​ ខូច​ខាតគិត​ជា​ប្រាក់​២ប៊ីលានដុល្លារ