ព័ត៌មានអន្ដរជាតិ
ទឹកជំនន់ខេត្ត Henan សម្លាប់មនុស្សដល់៧១នាក់ ខូចខាតគិតជាប្រាក់២ប៊ីលានដុល្លារ
តួលេខជនរងគ្រោះបាត់បង់ជីវិតពីទឹកជំនន់នៅខេត្ត Henan ភាគច្រើនកណ្តាលប្រទេសចិនបានឡើងដល់៧១នាក់គិតត្រឹមថ្ងៃអង្គារ៍ ទី២៧ ខែកក្កដា ក្នុងនោះមានអ្នកស្លាប់នៅផ្លូវក្រោមដី១៤នាក់។
ភ្លៀងធ្លាក់យ៉ាងខ្លាំងត្រឹមតែរយៈពេល៣ថ្ងៃកាលពីសប្តាហ៍មុនបានវាយប្រហារទីក្រុង Zhengzhou យ៉ាងធ្ងន់ធ្ងរដែលបង្កជាទឹកជំនន់បណ្តាលឲ្យរថយន្តជាប់គាំងនៅផ្លូវក្រោមដី និងអ្នកដំណើរជាង៥០០នាក់បានជាប់នៅក្នុងម៉ោងមមាញឹកកាលពីថ្ងៃអង្គារ៍សប្តាហ៍មុន។
អាជ្ញាធរក្រុងបានប្រកាសនៅថ្ងៃអង្គារ៍ម្សិលមិញពីឈ្មោះអ្នកដែលបាត់បង់ជីវិតនៅផ្លូវក្រោមដី ដែលមានការប៉ុនប៉ងដ៏កម្រមួយនៃតម្លាភាព បន្ទាប់ពីមនុស្សចាប់ផ្តើមដាក់កម្រផ្កាគោរពដល់ជនរងគ្រោះនៅទីតាំងរងគ្រោះ។
សេចក្តីប្រកាសរបស់សាលាក្រុងបាននិយាយថា ៖«ភ្លៀងធ្លាក់ដ៏អាក្រក់បណ្តាលទឹកជំនន់ហូរចូលផ្នែកខ្លះនៃផ្លូវក្រោមដីនៃខ្សែទី៥ និងជញ្ជាំងការពារផ្លូវក្រោមដីបានដួលរលំ»។
ភរិយារបស់ជនរងគ្រោះម្នាក់បានសរសេរលើបណ្តាញសង្គម Weibo ថា ៖«នរណាបានគិតថា មានតែអ្នកម្នាក់គត់នៅឆ្ងាយពីផ្ទះ តែអ្នកលែងត្រឡប់មកផ្ទះរហូតហើយ»។
ភ្លៀងធ្លាក់ដ៏អាក្រក់ដូចហែកមេឃដែលបានចាប់ផ្តើមកាលពីថ្ងៃទី១៧ ខែកក្កដាបានប៉ះពាល់ដល់មនុស្សស្ទើរ១៣លាននាក់ បំផ្លាញផ្ទះជិត៩០០០ខ្នង និងធ្វើឲ្យបាត់បង់សេដ្ឋកិច្ចនៅខេត្ត Henan ដែលគិតជាប្រាក់ប្រមាណ២ប៊ីលានដុល្លារអាមេរិក៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore