ព័ត៌មានអន្ដរជាតិ
អ៊ីស្រាអែលប្រកាសថា មនុស្សគ្រប់រូបចាំបាច់ត្រូវចាក់វ៉ាក់សាំងកូវីដ ដូសទី៣
អាជ្ញាធរអ៊ីស្រាអែលប្រកាសថា វ៉ាក់សាំងដូសទី ៣ នឹងត្រូវផ្តល់ជូនដល់មនុស្សគ្រប់រូបដែលមានអាយុចាប់ពី ១២ ឆ្នាំឡើងទៅ ដើម្បីការពារសុខភាពពលរដ្ឋបានពេញលេញជាងមុន។
នាយករដ្ឋមន្រ្តី Naftali Bennett បានអំពាវនាវនៅថ្ងៃអាទិត្យនេះដល់ពលរដ្ឋដែលមានវ័យចាប់ពី ១២ ឆ្នាំឡើង ឱ្យទៅទទួលវ៉ាក់សាំងដូសទី ៣ គ្រប់ៗគ្នា ដែលការប្រកាសនេះបានធ្វើឡើង បន្ទាប់ពីអ៊ីស្រាអែលទទួលជោគជ័យលើយុទ្ធនាចាក់ដូសជំរុញជូនមនុស្សចាស់ កាលពីមួយខែមុន។
លោកនាយករដ្ឋមន្ត្រី មានប្រសាសន៍ថា ការចាក់ដូសទី៣នឹងជួយពន្យឺតការកើនឡើងនៃជំងឺធ្ងន់ធ្ងរដែលបណ្តាលមកពីកូវីដបំប្លែងខ្លួនប្រភេទ Delta ក្នុងចំណោមមនុស្សចាស់ ហើយដូសទី៣ ក៏ចាំបាច់សម្រាប់ពលរដ្ឋទូទៅ និងពួកជំទង់ដូចគ្នា។
ទន្ទឹមគ្នាដែរ រដ្ឋមន្រ្តីក្រសួងសុខាភិបាលលោក Nitzan Horowitz បានលើកឡើងអំពីការចាក់ដូសទី៣ថាអាចនឹងជួយបង្កើនប្រសិទ្ធភាពក្នុងការការពារការចម្លង ហើយជួយកាត់បន្ថយហានិភ័យនៃជំងឺធ្ងន់ធ្ងរ និងស្លាប់បានយ៉ាងច្រើន។
ដោយឡែក លោកស្រី Sharon Alroy-Preis ប្រធានផ្នែកសុខភាពសាធារណៈនៃក្រសួងសុខាភិបាលអ៊ីស្រាអែល ប្រាប់សន្និសីទសារព័ត៌មានមួយថា “មនុស្សត្រូវបានការពារជាង ១០ដង បន្ទាប់ពីចាក់វ៉ាក់សាំងលើកទី ៣” ។
ការសិក្សារបស់អ៊ីស្រាអែលដែលវិភាគលើប្រជាជន ២.៥ លាន បានរកឃើញប្រសិទ្ធភាពវ៉ាក់សាំងធ្លាក់ចុះចំពោះអ្នកធ្លាប់ចាក់នៅខែមករាឬកុម្ភៈ ឆ្នាំ២០២១ ដោយពួកគេមានលទ្ធភាពឆ្លងពី ៦ ទៅ ១៣ ដងច្រើនជាងអ្នកដែលបានចាក់នៅអំឡុងខែមិថុនា កក្កដា និងសីហា។ ដូច្នេះហើយ ទើបតម្រូវការដូសទី៣ ត្រូវតែផ្ដល់ដល់ពលរដ្ឋដើម្បីការពារសុខភាពពួកគេឱ្យបានប្រសើរឡើង។
យ៉ាណាមិញ អង្គការសុខភាពពិភពលោកបានថ្កោលទោសចំពោះការចាក់វ៉ាក់សាំងលើកទី ៣ ហើយអំពាវនាវឱ្យប្រទេសនានាដែលកំពុងផ្តល់វ៉ាក់សាំងលើកទី ៣ ផ្អាកយុទ្ធនាការរបស់ខ្លួនសិន ដើម្បីជួយប្រទេសក្រីក្រឱ្យបានវ៉ាក់សាំងដំបូងយ៉ាងហោចក៏មួយដូសដែរ៕
ប្រែសម្រួល៖ សន្យា
ប្រភព៖ Daily Mail
ចុចអាន៖ អ្នកវិទ្យាសាស្ត្រថា ការចាក់វ៉ាក់សាំងជូនកុមារនឹងជួយការពារពួកគេពីកូវីដរយៈពេលវែង
ចុចអាន៖ វីរុសបំប្លែងខ្លួនថ្មី ដែលឆ្លងសាហាវបំផុតលើលោក ហើយមិនខ្លាចវ៉ាក់សាំង ចូលដល់ចិន និងអង់គ្លេសហើយ!
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?