ព័ត៌មានអន្ដរជាតិ
ចិន ត្រៀមបង្អួតយន្តហោះចម្បាំងបំប្លែងខ្លួនពីយន្តហោះ J-16 ជាលើកដំបូង
យន្តហោះ J-16D ដែលជាប្រភេទយន្តហោះចម្បាំងអេឡិចត្រូនិកបំប្លែងខ្លួនពីយន្តហោះចម្បាំង J-16 របស់ប្រទេសចិន នឹងធ្វើការបង្ហាញខ្លួនជាលើកដំបូងនៅឯពិព័រណ៍ចិននាសប្តាហ៍ក្រោយ ខណៈអ្នកជំនាញបាននិយាយកាលពីថ្ងៃពុធថា យន្តហោះនេះកំពុងបម្រើសេវាកម្មជាមួយកងទ័ពរំដោះប្រជាជនចិន (PLA) ។
យោងតាមទូរទស្សន៍ចិន CCTV បានរាយការណ៍កាលពីថ្ងៃពុធថា យន្តហោះ J-16D បានចុះចតនៅទីក្រុង Zhuhai ខេត្ត Guangdong ភាគខាងត្បូងប្រទេសចិនកាលពីរសៀលថ្ងៃអង្គារ ដើម្បីត្រៀមសម្រាប់ការបង្ហាញខ្លួនលើកដំបូងរបស់ខ្លួននៅក្នុងពិព័រណ៍ Airshow China ដែលនឹងប្រព្រឹត្តទៅចាប់ពីថ្ងៃទី ២៨ ខែកញ្ញាដល់ថ្ងៃទី ៣ ខែតុលានៅក្នុងទីក្រុងនេះ ។
ចំណែកគេហទំព័រព័ត៌មាន Southcn.com ដែលមានមូលដ្ឋាននៅខេត្ត Guangdong បានរាយការណ៍ថា យន្តហោះ J-16D គឺជាយន្តហោះចម្បាំងអេឡិចត្រូនិកដែលផលិតក្នុងប្រទេសចិន ស្របតាមយន្តហោះចម្បាំង J-16 ។
លក្ខណៈពិសេសបំផុតមួយរបស់យន្តហោះ J-16D បើប្រៀបធៀបទៅនឹងយន្តហោះ J-16 ប្រភេទដើមគឺថា យន្តហោះនេះបំពាក់ទៅដោយគ្រាប់ធំៗចំនួន ២ នៅលើស្លាបយន្តហោះ ដែលនឹងត្រូវប្រើដើម្បីរំខាន និងរារាំងឧបករណ៍អេឡិចត្រូនិករបស់សត្រូវ រួមទាំងប្រព័ន្ធរ៉ាដា និងប្រព័ន្ធទំនាក់ទំនង ។
ទន្ទឹមនោះយន្តហោះចម្បាំង J-16D ក៏ត្រូវបានបំពាក់ដោយប្រព័ន្ធអាកាសចរណ៍ថ្មី និងម៉ាស៊ីនផលិតក្នុងស្រុក ។ វាក៏បានឆ្លងកាត់ការផ្លាស់ប្តូររចនាសម្ពន្ធ័សំខាន់ៗ រួមទាំងការប្រើប្រាស់សំភារៈផ្សំមួយចំនួនធំផងដែរ ខណៈយន្តហោះ J-16D បានលាបពណ៌ផ្លាកសញ្ញារបស់កងទ័ពរំដោះប្រជាជនចិន (PLA) ។
ស្របពេលជាមួយគ្នានេះ យន្ដហោះជាច្រើនគ្រឿងផ្សេងទៀត រួមទាំងយន្ដហោះដឹកជញ្ជូនធុនធំ Y-20 យន្ដហោះហ្វឹកហាត់ JL-10 យន្ដហោះដឹកជញ្ជូនយុទ្ធសាស្ត្រ Y-9 និងយន្ដហោះទម្លាក់គ្រាប់បែក JH-7A ក៏បានមកដល់ទីក្រុង Zhuhai ផងដែរសម្រាប់ការតាំងពិព័រណ៌ Airshow China ៕
ប្រែសម្រួលដោយ ៖ ជីវ័ន្ត
ប្រភព ៖ Global Times
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ