ដំណឹងល្អសម្រាប់អ្នកខ្លាចម្ជុល វ៉ាក់សាំងកូវីដបាញ់ចូលតាមច្រមុះ ដំបូងគេលើលោក ជិតអនុម័តប្រើប្រាស់ហើយ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ដំណឹងល្អសម្រាប់អ្នកខ្លាចម្ជុល វ៉ាក់សាំងកូវីដបាញ់ចូលតាមច្រមុះ ដំបូងគេលើលោក ជិតអនុម័តប្រើប្រាស់ហើយ

បានផុស

នៅ

យោងតាមសារព័ត៌មាន Global Times បានចុះផ្សាយកាលពីថ្ងៃពុធថា វ៉ាក់សាំងការពារជំងឺកូវីដ ១៩ បាញ់ចូលតាមច្រមុះដំបូងគេបង្អស់របស់ពិភពលោក កំពុងវិវត្តយ៉ាងល្អឆ្ពោះទៅរកការអនុម័តប្រើប្រាស់ជាបន្ទាន់ហើយ ។

វ៉ាក់សាំងវ៉ិចទ័រ Adenovirus ប្រភេទ ៥ (Adenovirus Type 5 Vector) ឬ Ad5-nCoV របស់ចិនត្រូវបានគេរំពឹងថានឹងប្រើប្រាស់ទ្រង់ទ្រាយធំក្នុងពេលឆាប់ៗនេះ ជាមួយនឹងសុវត្ថិភាពឆ្លើយតបនៃប្រព័ន្ធភាពស៊ាំកាន់តែរឹងមាំ ហើយវាមានប្រសិទ្ធភាពខ្លាំងជាងថ្នាំចាក់ទៅទៀត ។

វ៉ាក់សាំងបាញ់ចូលតាមច្រមុះ Ad5-nCoV អាចបង្កើតនូវការឆ្លើយតបនៃប្រព័ន្ធភាពស៊ាំកោសិកាដ៏ខ្លាំងក្លាក្នុងរយៈពេល ១៤ ថ្ងៃ ពោលវារក្សាកម្រិតដូចគ្នាទៅនឹងវ៉ាក់សាំងចាក់បញ្ចូលសាច់ដុំ ។

សារព័ត៌មាន Global Times បានចុះផ្សាយទៀតថា ក្រៅពីនេះការកើនឡើងនៃអង់ទីគ័រការពារ បន្ទាប់ពីបាញ់វ៉ាក់សាំង Ad5-nCoV អាចមានចំនួនពី ៧ ទៅ ៨ ដងច្រើនជាងចាក់វ៉ាក់សាំងអសកម្ម ។

ចំណែកលទ្ធផលនៃការសាកល្បងចុងក្រោយបង្អស់បានបង្ហាញថា វ៉ាក់សាំងបាញ់ចូលតាមច្រមុះ Ad5-nCoV រឹតតែមានសុវត្ថិភាពល្អ នៅពេលដែលក្មេងអាយុពី ៦ ទៅ ១៧ ឆ្នាំបានប្រើប្រាស់វ៉ាក់សាំងនេះ ហើយអត្រានៃប្រតិកម្មមិនល្អគឺទាបជាងមនុស្សធំ ។

ស្របពេលជាមួយគ្នានេះអ្នកជំនាញបាននិយាយថា វ៉ាក់សាំងនេះអាចផ្តល់ការការពារកាន់តែខ្លាំង ដោយសារតែការបញ្ចេញអង់ទីគ័រ ឬកោសិកា T នៅតាមផ្លូវដង្ហើម ជាពិសេសសម្រាប់កុមារ និងមនុស្សងាយរងគ្រោះ ព្រោះវាជៀសវាងការឈឺចាប់ និងហើមនៅកន្លែងចាក់ ។

គួរបញ្ជាក់ថា វ៉ាក់សាំងបាញ់ចូលតាមច្រមុះ Ad5-nCoV ត្រូវបានបង្កើតរួមគ្នាដោយក្រុមហ៊ុនចិន CanSinoBIO និងអ្នកស្រាវជ្រាវមកពីវិទ្យាស្ថានវេជ្ជសាស្ត្រយោធាដឹកនាំដោយលោកស្រី Chen Wei ៕

ប្រែសម្រួលដោយ ៖ ជីវ័ន្ត

ប្រភព ៖ Global Times

ចុចអាន ៖ កូវីដ ទំនងមិនបំប្លែងខ្លួនសាហាវជាងនេះទៀតឡើយ ហើយថយកម្លាំងក្លាយជា ជំងឺផ្តាសាយធម្មតា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៦ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៨ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៨ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ៩ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services