កុងហ្គោ ផ្ទុះជំងឺមួយទៀត ពេលនេះស្លាប់ ១៧ នាក់ហើយ

អាជ្ញាធរនៃសាធារណរដ្ឋប្រជាធិបតេយ្យកុងហ្គោបានប្រកាសជាផ្លូវការកាលពីថ្ងៃសុក្រថា ជំងឺកញ្ជ្រឹលបានផ្ទុះឡើងនៅក្នុងខេត្ត Maniema ភាគខាងកើត។

លោក Affani Idrissa Mangala អភិបាលស្តីទីខេត្ត Maniema និយាយថា ការផ្ទុះឡើងនេះត្រូវបានបញ្ជាក់ដោយការវិភាគសំណាកដោយវិទ្យាស្ថានជាតិស្រាវជ្រាវជីវវេជ្ជសាស្ត្ររបស់កុងហ្គោ ខណៈខេត្តបានរាយការណ៍ករណីចំនួន ៤៥៨ រួចហើយ ក្នុងនោះមាន ១៧ នាក់បានស្លាប់ ។

ទន្ទឹមនោះ លោកអភិបាលស្តីទីក៏បានអំពាវនាវដល់ប្រជាពលរដ្ឋឲ្យមានការប្រុងប្រយ័ត្ន និងពិគ្រោះជាមួយមណ្ឌលសុខភាពដែលនៅជិតបំផុត ក្នុងករណីគ្រុនក្តៅ កន្ទួលទូទៅ រលាកស្រោមខួរ ក្អក និងផ្តាសាយជាដើម ។

ចំណែកនៅទីក្រុង Kinshasa រដ្ឋធានីរបស់សាធារណរដ្ឋប្រជាធិបតេយ្យកុងហ្គោ តំបន់សុខភាពចំនួន 4 ក៏ត្រូវបានរងផលប៉ះពាល់ដោយសារជំងឺកញ្ជ្រឹលផងដែរ ចាប់តាំងពីចុងខែសីហាមក ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ នេះតម្លៃលេប ៥ ថ្ងៃនៃថ្នាំគ្រាប់កូវីដ Molnupiravir