ព័ត៌មានអន្ដរជាតិ

ទូតរុស្ស៊ីប្រចាំអាមេរិក ថា គ្មានតម្រូវការត្រូវកែលម្អទំនាក់ទំនងជាមួយក្រុង វ៉ាស៊ីនតោន

បានផុស

៣ years មុន

នៅ

ថ្ងៃសៅរ៍ ១១ មិថុនា ២០២២

ដោយ

ឯកអគ្គរដ្ឋទូតរុស្ស៊ី ប្រចាំនៅសហរដ្ឋអាមេរិក លោក Anatoly Antonov មើលឃើញថា មិនមានតម្រូវការសម្រាប់ការធ្វើឲ្យប្រសើរឡើង នៃទំនាក់ទំនងរវាងទីក្រុងមូស្គូ និងទីក្រុងវ៉ាស៊ីនតោន ដោយបន្តគូសបញ្ជាក់ថា សមភាគីអាមេរិកមិនបានបង្ហាញការត្រៀមខ្លួន ដើម្បីបន្តកិច្ចសន្ទនាស្ដីពីស្ថិរភាពជាយុទ្ធសាស្ត្រនោះទេ។

**លោក Anatoly Antonov ឯកអគ្គរដ្ឋទូតរុស្ស៊ី ប្រចាំនៅសហរដ្ឋអាមេរិក**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឯកអគ្គរដ្ឋទូតបានប្រាប់ Sputnik ថា “ខ្ញុំមើលឃើញថា មិនមានតម្រូវការជាមុនសម្រាប់ការធ្វើឲ្យប្រសើរឡើងនៃទំនាក់ទំនងនៅថ្ងៃនេះទេ” ដោយសង្កត់ធ្ងន់ថា ទំនាក់ទំនងទ្វេភាគីអាចនឹងកាន់តែយ៉ាប់យ៉ឺន។ “ខ្ញុំជឿជាក់ថា ទាំងរុស្ស៊ី និងសហរដ្ឋអាមេរិក ទទួលបានផលចំណេញពីទំនាក់ទំនងទ្វេភាគីល្អ មិនថាអាមេរិកខ្លាំងប៉ុណ្ណានោះទេ វានឹងមិនអាចឈ្នះការប្រយុទ្ធប្រឆាំងនឹងភេរវករតែម្នាក់ឯងបានឡើយ។ “

លោកឯកអគ្គរដ្ឋទូតបានបន្ថែមទៀតថា “គិតត្រឹមថ្ងៃនេះ សហសេវិកអាមេរិករបស់យើង មិនទាន់បានត្រៀមខ្លួនរួចរាល់ក្នុងការបន្តទំនាក់ទំនងស្ដីពីស្ថិរភាពជាយុទ្ធសាស្ត្រទេ។ អ្នកតំណាងរបស់ពួកគេបាននិយាយរឿងនេះជាច្រើនដង។ ដូច្នេះយើងកំពុងរង់ចាំពួកគេត្រៀមខ្លួនជាស្រេច”៕

ប្រែសម្រួល៖ សាង ស្រីល័ក្ខ

ប្រភព៖Sputnik

ចុចអាន៖អាមេរិក ដាក់មូលដ្ឋានយោធាចំនួន ៤ នៅ អូស្ត្រាលី

Related Topics:សហរដ្ឋអាមេរិក