អាមេរិក ដាក់មូលដ្ឋានយោធាចំនួន ៤ នៅ អូស្ត្រាលី

សហរដ្ឋអាមេរិកដែលជាមហាអំណាចយោធាមួយនៅលើពិភពលោមានមូលដ្ឋានយោធារាប់សិបកន្លែងនៅបរទេស ពោលមានស្ទើរតែនៅគ្រប់ទ្វីបទាំងអស់ ។

ដោយឡែកសម្រាប់នៅក្នុងប្រទេសអូស្ត្រាលីវិញ សហរដ្ឋអាមេរិកបានដាក់មូលដ្ឋានយោធាចំនួន ៤ ក្នុងនោះមានដូចជា ៖

– មូលដ្ឋានទ័ព Pine Gap ជាមូលដ្ឋានឃ្លាំមើលផ្កាយរណប និងស្ថានីយផែនដីមានចម្ងាយ ១៨ គីឡូម៉ែត្រភាគនិរតីនៃទីក្រុង Alice Springs រដ្ឋ Northern Territory ។

– មូលដ្ឋានទ័ព Naval Communication Station Harold E. Holt គឺជាស្ថានីយ៍ទំនាក់ទំនងកងទ័ពជើងទឹករួមគ្នារបស់អូស្ត្រាលី និងសហរដ្ឋអាមេរិក មានទីតាំងនៅឆ្នេរសមុទ្រភាគពាយ័ព្យនៃប្រទេសអូស្ត្រាលី ចម្ងាយ ៦ គីឡូម៉ែត្រ​ភាគខាងជើងនៃទីក្រុង Exmouth រដ្ឋ Western Australia ។

– មូលដ្ឋាន Robertson Barracks គឺជាមូលដ្ឋានទ័ពអូស្ត្រាលីដ៏សំខាន់ដែលមានទីតាំងនៅរដ្ឋ Nothern Territory ជាយក្រុង Holtze ប្រហែល ១៥ គីឡូម៉ែត្រភាគខាងកើតនៃទីក្រុង Darwin ។

– មូលដ្ឋាន Australian Defence Satellite Communications Station (ADSCS) ជាស្ថានីយ៍ផែនដីក្នុងប្រទេសអូស្ត្រាលី មានទីតាំងនៅទីក្រុង Kojarena ចម្ងាយ ៣០ គីឡូម៉ែត្រ ភាគខាងកើតទីក្រុង Geraldton រដ្ឋ Western Australia ។ ADSCS គឺជាផ្នែកមួយនៃបណ្តាញស៊ើបការណ៍សម្ងាត់ និងវិភាគរបស់សហរដ្ឋអាមេរិក ECHELON ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ លោក បៃដិន ជំពប់ជើងជាថ្មី ពេលឡើងជណ្ដើរយន្តហោះប្រធានាធិបតី (មានវីដេអូ)