Connect with us

ព័ត៌មានអន្ដរជាតិ

ត្រឹមខែមិថុនា ឆ្នាំ២០២២ ប្រជាជនថៃ ចូលរស់នៅកូរ៉េខាងត្បូងខុសច្បាប់ជាង ១.៣សែននាក់

បានផុស

នៅ

កាលពីថ្ងៃទី១១ ខែសីហា ឆ្នាំ២០២២ មន្ត្រីជាន់ខ្ពស់ និងជាអ្នកនាំពាក្យក្រសួងការបរទេសថៃ បាននិយាយពីករណីដែលមានសេចក្តីរាយការណ៍ព័ត៌មានថា មានជនជាតិថៃធ្វើដំណើរទៅខេត្តជេជូប្រទេសកូរ៉េខាងត្បូង ហើយត្រូវបានបដិសេធមិនឱ្យចូល និងត្រូវបានអាជ្ញាធរកូរ៉េខាងត្បូងបញ្ជូនខ្លួនត្រឡប់មកវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសថៃសូមបញ្ជាក់ថា កន្លងមក ការិយាល័យអន្តោប្រវេសន៍កូរ៉េខាងត្បូងបានបដិសេធការធ្វើអន្តោប្រវេសន៍របស់ជនជាតិថៃជាច្រើននាក់ ដោយសារគេចាត់ទុកថា អ្នកទាំងនោះទំនងជាធ្វើអន្តោប្រវេសន៍ក្នុងគោលបំណងរត់ពន្ធ (លួចចូល) ទៅធ្វើការដោយគ្មានទិដ្ឋាការ (ខុសច្បាប់) រួមទាំងករណីជនជាតិថៃដែលធ្វើដំណើរទៅខេត្តជេជូខាងលើនេះផងដែរ។

គិតត្រឹមខែមិថុនា ឆ្នាំ២០២២ មានជនជាតិថៃសរុបចំនួន ១៨១,៧៨៣នាក់ដែលរស់នៅក្នុងប្រទេសកូរ៉េខាងត្បូង ដែលក្នុងនោះមានជនជាតិថៃចំនួន ១៣៩,២៤៥នាក់ដែលរស់នៅដោយខុសច្បាប់នៅទីនោះ និងមានអ្នកទោសថៃដែលបានប្រព្រឹត្តបទឧក្រិដ្ឋផ្សេងៗយោងតាមច្បាប់កូរ៉េខាងត្បូងសរុបមានចំនួន ៥៣២នាក់។

ទន្ទឹមគ្នានេះ ក្រសួងការបរទេសថៃ បានអំពាវនាវដល់ប្រជាជនថៃ កុំឱ្យលួចទៅធ្វើការដោយខុសច្បាប់នៅប្រទេសកូរ៉េខាងត្បូង ពីព្រោះក្រៅពីល្មើសច្បាប់អន្តោប្រវេសន៍និងត្រូវទទួលទោសហើយ ប៉ុន្តែក៏នៅបានប៉ះពាល់យ៉ាងខ្លាំងដល់មុខមាត់ប្រជាជនថៃ និងប្រទេសថៃនៅបរទេសទៀតផង៕

ប្រែសម្រួល៖ គង់ សំអាន

ប្រភព៖ THE STANDARD

ចុចអាន៖ កងទ័ពអាកាសថៃ និងចិន នឹងធ្វើសមយុទ្ធរួមគ្នា នៅ ២ថ្ងៃខាងមុខនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម