ព័ត៌មានអន្ដរជាតិ
អាមេរិក ជំរុញឲ្យពលរដ្ឋខ្លួនចាកចេញពី រុស្ស៊ី ជាបន្ទាន់ ចៀសវាងការកែនចូលបម្រើក្នុងជួរកងទ័ព (មានវីដេអូ)
ស្ថានទូតអាមេរិកប្រចាំនៅទីក្រុងមូស្គូ បាននិយាយកាលពីថ្ងៃពុធទី២៨ខែកញ្ញាថា ពលរដ្ឋអាមេរិកនៅរុស្ស៊ី ត្រូវតែចាកចេញពីប្រទេសនេះឲ្យបានឆាប់តាមដែលអាចធ្វើទៅបាន ដើម្បីចៀសវាងការកែនឲ្យចូលបម្រើក្នុងកងកម្លាំងប្រដាប់អាវុធរុស្ស៊ី។
ដោយលើកឡើងពីក្រឹត្យកែនទាហានរបស់រដ្ឋាភិបាលរុស្ស៊ីកាលពីសប្តាហ៍មុន, ស្ថានទូតបានព្រមានថា អាជ្ញាធររុស្ស៊ី អាចមិនទទួលស្គាល់អ្នកដែលមានសញ្ជាតិពីរ (រុស្ស៊ី-អាមេរិក) ហើយអាចបដិសេធពួកគេ មិនឲ្យទទួលបានជំនួយផ្នែកកុងស៊ុលអាមេរិក។ ស្ថានទូតក៏ព្រមានផងដែរថា ពលរដ្ឋសញ្ជាតិពីរ អាចត្រូវបានរារាំងមិនឲ្យចាកចេញពីប្រទេស ហើយអាចត្រូវបានជ្រើសរើសឲ្យចូលបម្រើក្នុងជួរកងទ័ព។
សារនេះបានណែនាំថា ជនជាតិអាមេរិក ត្រូវធ្វើការរៀបចំឯករាជ្យ ដើម្បីចាកចេញពីប្រទេសឲ្យបានឆាប់តាមដែលអាចធ្វើបាន។ លទ្ធភាពនៃការចាកចេញកាន់តែពិបាកឡើងៗ ដោយសារច្រកព្រំដែនកំពុងមានមនុស្សណែនតាន់តាប់ ហើយជើងហោះហើរចេញពីប្រទេសរុស្ស៊ីមានការដាក់កំហិតយ៉ាងខ្លាំងនាពេលនេះ។
ស្ថានទូតក៏បានព្រមានផងដែរថា “ដែនកំណត់ធ្ងន់ធ្ងរ” បានជះឥទ្ធិពលដល់សមត្ថភាពរបស់ស្ថានទូតក្នុងការជួយពលរដ្ឋអាមេរិក ហើយលក្ខខណ្ឌនៅក្នុងប្រទេសរុស្ស៊ី រួមទាំងជម្រើសនៃការដឹកជញ្ជូនផងដែរនោះ អាចនឹងដាក់កំហិតកាន់តែខ្លាំងនាពេលដ៏ខ្លីខាងមុខ”។
ការព្រមានរបស់ស្ថានទូតអាមេរិក ធ្វើឡើងបន្ទាប់ពីប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសពីការកែនទាហានកាលពីសប្តាហ៍មុន ដោយមានបំណងជ្រើសរើសអ្នកបម្រុងចំនួន ៣០០ ០០០នាក់នៅទូទាំងប្រទេស ដើម្បីជួយគ្រប់គ្រងតំបន់ដែលកាន់កាប់ដោយរុស្ស៊ី និងខ្សែទំនាក់ទំនងប្រវែង ១០០០គីឡូម៉ែត្រជាមួយកងកម្លាំងរបស់ទីក្រុងកៀវ ក្នុងប្រទេសអ៊ុយក្រែន។
ចាប់តាំងពីការប្រកាសនេះ បុរសជនជាតិរុស្សីមួយចំនួនដែលមានវ័យល្មមចូលធ្វើទាហាន បានសម្រេចចិត្តភៀសខ្លួនចេញពីប្រទេស ដើម្បីគេចពីការកែន។
ការចាកចេញភ្លាមៗនេះ បានបង្កឲ្យមានភាពចលាចលនៅច្រកព្រំដែនជាមួយប្រទេសជិតខាង ដែលលើកលែងទិដ្ឋាការសម្រាប់ជនជាតិរុស្ស៊ី ដូចជា ប្រទេសកាហ្សាក់ស្ថាន និងហ្សកហ្ស៊ី ជាដើម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ព្រមាន អាមេរិក ប្រឆាំងនឹងការប្រើប្រាស់រដ្ឋាភិបាលលោក Zelensky ធ្វើជាទាហានស៊ីឈ្នួល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង