Connect with us

ព័ត៌មានអន្ដរជាតិ

រុស្ស៊ី ព្រមាន អាមេរិក ប្រឆាំងនឹងការប្រើប្រាស់រដ្ឋាភិបាលលោក Zelensky ធ្វើជាទាហានស៊ីឈ្នួល (មានវីដេអូ)

បានផុស

នៅ

ប្រទេសរុស្ស៊ី នឹងធ្វើសកម្មភាពដើម្បីការពារទឹកដី និងប្រជាជនទាំងអស់របស់ខ្លួន ក៏ដូចជាពលរដ្ឋនៅតំបន់ភាគខាងកើតអ៊ុយក្រែន ដែលបានបោះឆ្នោតចូលរួមជាមួយសហព័ន្ធរុស្ស៊ីក្នុងសប្តាហ៍នេះផងដែរ។ នេះបើតាមសម្តីឯកអគ្គរដ្ឋទូតរបស់ទីក្រុងមូស្គូ ប្រចាំសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកក៏បានចោទប្រកាន់ទាំងទីក្រុងវ៉ាស៊ីនតោន និងអង្គការណាតូផងដែរ ពីបទបង្កឲ្យមានអំពើហិង្សាកាន់តែខ្លាំង ដោយសារតែការបន្តផ្តល់ជំនួយយោធាដល់ទីក្រុង កៀវ។

នៅពេលសួរអំពីការអត្ថាធិប្បាយរបស់រដ្ឋមន្ត្រីការបរទេសអាមេរិក Antony Blinken ដែលបាននិយាយនាពេលថ្មីៗនេះថា សេតវិមាន មិនថាអ្វីឡើយបើទីក្រុងកៀវប្រើអាវុធលោកខាងលិច ដើម្បីវាយប្រហារលើទឹកដីដែលបោះឆ្នោតចូលរួមជាមួយរុស្ស៊ីនោះ, លោកឯកអគ្គរដ្ឋទូត Anatoly Antonov បានព្រមានថា ការផ្តល់សព្វាវុធ គឺមានតែបង្កហានិភ័យនៃការធ្វើឲ្យជម្លោះកាន់តែក្តៅគគុកប៉ុណ្ណោះ។

ឯកអគ្គរដ្ឋទូតរុស្ស៊ី ប្រចាំសហរដ្ឋអាមេរិកលោក Anatoly Antonov

បេសកជនរូបនេះបាននិយាយកាលពីថ្ងៃអង្គារទី២៧ខែកញ្ញាថា “ចំពោះការជំរុញឲ្យទីក្រុងកៀវ បន្តប្រើប្រាស់ឧបករណ៍យោធាដែលទទួលបានពីលោកខាងលិច, ទីក្រុងវ៉ាស៊ីនតោនមិនបានដឹងពីហានិភ័យនៃសកម្មភាពរបស់ខ្លួននោះទេ។ រដ្ឋបាលលោក Joe Biden កំពុងខិតជិតដល់ខ្សែបន្ទាត់គ្រោះថ្នាក់ ដែលរុស្ស៊ីបានព្រមានម្តងហើយម្តងទៀត។ សហរដ្ឋអាមេរិក កំពុងក្លាយជាភាគីនៃជម្លោះអ៊ុយក្រែន”។

នៅព្រឹកថ្ងៃដដែលនោះ Blinken បានទទូចថា សហរដ្ឋអាមេរិកនឹងមិនទទួលស្គាល់ការកាត់បញ្ចូលទឹកដីអ៊ុយក្រែនដោយរុស្ស៊ីទេ។ តំបន់ចំនួន៤គឺ Donetsk, Lugansk, Zaporozhye និង Kherson បានបោះឆ្នោតយ៉ាងគាំទ្រយ៉ាងលើសលប់ដើម្បីចូលរួមជាមួយរុស្ស៊ី។

រដ្ឋមន្ត្រីការបរទេសអាមេរិក Antony Blinken

លោក Blinken និយាយថា “អ៊ុយក្រែន មានសិទ្ធិដាច់ខាតក្នុងការការពារខ្លួននៅទូទាំងទឹកដីរបស់ខ្លួន រួមទាំងការដណ្តើមយកមកវិញនូវទឹកដីដែលត្រូវរុស្ស៊ីរឹបអូសដោយខុសច្បាប់ផងដែរ មិនថាមធ្យោបាយមួយ ឬមធ្យោបាយផ្សេងទៀតឡើយ។ ហើយសព្វាវុធដែលយើង និងប្រទេសជាច្រើនទៀតកំពុងផ្តល់ឲ្យ ត្រូវបានប្រើប្រាស់យ៉ាងមានប្រសិទ្ធភាព ដើម្បីធ្វើដូច្នេះ”។

ជាការឆ្លើយតប លោក Antonov បញ្ជាក់ថា រុស្ស៊ីនឹងចាត់វិធានការយ៉ាងម៉ឺងម៉ាត់ និងដាច់ខាត ដើម្បីការពារមាតុភូមិ។ កិច្ចខិតខំប្រឹងប្រែងការទូតដើម្បីស្វែងរកដំណោះស្រាយដោយសន្តិវិធីចំពោះវិបត្តិនេះ មិនអាចមានប្រសិទ្ធភាពទេ ដរាបណាក្រុមលោកខាងលិចប្រើប្រាស់រដ្ឋាភិបាលលោក Zelensky ​ជា​ទាហាន​ស៊ីឈ្នួល​ប្រឆាំង​នឹង​រុស្ស៊ី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ប្រកាសលទ្ធផលប្រជាមតិនៅ Donetsk និង Lugansk

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​នៅ​ឃុំ​អូរសោម​​ ខេត្តពោធិ៍សាត់ ទទួល​បាន​សមិទ្ធផល​​ផ្លូវ​​បេតុង​​៦​ខ្សែ​

ព័ត៌មានជាតិ៣ ម៉ោង មុន

លោកជំទាវ ហ៊ុន ម៉ាណា អញ្ជើញ​ប្រគល់​ផ្ទះ​ទេវតា​១ខ្នង អណ្ដូងទឹកស្អាតចំនួន៣ និងប្រគេនទេយ្យវត្ថុដល់វត្តចំនួន៥វត្ត ក្នុង​ខេត្តកំពត

ព័ត៌មានជាតិ៦ ម៉ោង មុន

ក្រសួងអប់រំនឹងបិទបញ្ជីឈ្មោះបេក្ខជនប្រឡងបាក់ឌុបនៅតាមរាជធានីខេត្តនៅថ្ងៃស្អែកនេះ

ជីវិតកម្សាន្ដ៦ ម៉ោង មុន

CL និង តារាចម្រៀងជាច្រើនប្រចាំ កម្ពុជា អង្រួនឆាកក្នុងមហាព្រឹត្តិការណ៍ដ៏ធំ Vattanac All in Festival

ព័ត៌មានជាតិ៦ ម៉ោង មុន

ការចូលរួមបរិច្ឆាគឈាមដោយស្ម័គ្រចិត្តនៅកម្ពុជាបានកើនឡើង៥ភាគរយ

Sokha Hotels

ព័ត៌មានពេញនិយម