ព័ត៌មានអន្ដរជាតិ
ប្រទេសថៃ កាន់ទុក្ខ បន្ទាប់ពីហេតុការណ៍សម្លាប់កុមារ ដ៏រន្ធត់ (មានវីដេអូ)
អគាររដ្ឋាភិបាលថៃទាំងអស់ បានបង្ហូតទង់ជាតិត្រឹមពាក់កណ្តាលដង នៅថ្ងៃសុក្រទី០៧ខែតុលានេះ ដើម្បីកាន់ទុក្ខដល់ការស្លាប់របស់មនុស្សជាង៣០នាក់ រួមទាំងកុមារ២៣នាក់ផងដែរ បន្ទាប់ពីអតីតប៉ូលិសម្នាក់ បានចូលវាយប្រហារដោយកាំភ្លើងនិងកាំបិតក្នុងទារកដ្ឋានមួយកន្លែង ធ្វើឲ្យប្រទេសថៃ និងពិភពលោក មានការតក់ស្លុតយ៉ាងខ្លាំង។
ប៉ូលិសនិយាយថា កុមារភាគច្រើនដែលស្លាប់ក្នុងទារកដ្ឋាននៅតំបន់ Uthai Sawan ចម្ងាយ ៥០០ គីឡូម៉ែត្រភាគឦសានទីក្រុងបាងកក កាលពីថ្ងៃព្រហស្បតិ៍ គឺត្រូវបានចាក់សម្លាប់។ នេះគឺជាករណីសម្លាប់រង្គាលលើកុមារដ៏អាក្រក់បំផុត ដោយស្នាដៃឃាតកតែម្នាក់ ក្នុងប្រវត្តិសាស្រ្តសម័យទំនើប។
កុមារនៅទារកដ្ឋាននោះ មានចន្លោះពី ២ ទៅ ៥ ឆ្នាំ។
ប៉ូលិស បានកំណត់អត្តសញ្ញាណជនដៃដល់ថាជាអតីតសមាជិកនៃកងកម្លាំង ដែលត្រូវបានបណ្តេញចេញពីការងារដោយសារប្រើប្រាស់គ្រឿងញៀន ហើយកំពុងប្រឈមនឹងការកាត់ទោសលើបទចោទប្រកាន់គ្រឿងញៀន។ ក្រោយពេលវាយប្រហារ ជនដៃដល់បានវិលត្រលប់ទៅផ្ទះវិញ ហើយបាញ់សម្លាប់ប្រពន្ធ និងកូន មុនធ្វើអត្តឃាតខ្លួនឯង។
អ្នកនាំពាក្យប៉ូលិសលោក Paisal Luesomboon បានប្រាប់ទូរទស្សន៍ ThaiPBS ថា អតីតមន្ត្រីប៉ូលិសរូបនេះ បានចូលខ្លួនក្នុងតុលាការនៅពេលព្រឹក ហើយក្រោយមកបានទៅទារកដ្ឋាន ដើម្បីយកកូនរបស់គាត់ ។ នៅពេលគាត់រកកូនមិនឃើញ គាត់ក៏បានចាប់ផ្តើមបើកការសម្លាប់រង្គាលតែម្តង។ គាត់ចាប់ផ្តើមបាញ់សម្លាប់កុមារ និងយកកាំបិតកាប់កុមារ។
ការសម្លាប់រង្គាលនេះ គឺស្ថិតក្នុងចំណោមហេតុការណ៍សម្លាប់រង្គាលដ៏អាក្រក់បំផុតដែលពាក់ព័ន្ធនឹងកុមារ ដោយស្នាដៃមនុស្សតែម្នាក់។
លោក Anders Breivik បានសម្លាប់មនុស្ស ៦៩ នាក់ដែលភាគច្រើនជាក្មេងជំទង់នៅឯជំរំរដូវក្តៅក្នុងប្រទេសន័រវេសកាលពីឆ្នាំ២០១១។ ក្នុងករណីផ្សេង កុមារ២០នាក់ត្រូវសម្លាប់នៅសាលាបឋមសិក្សា Sandy Hook ក្នុងទីក្រុង Newtown Connecticut កាលពីឆ្នាំ២០១២, ១៦នាក់នៅសាលាបឋមសិក្សា Dunblane ក្នុងប្រទេសស្កុតឡេនកាលពីឆ្នាំ ១៩៩៦ និង ១៩នាក់នៅសាលា Uvalde រដ្ឋ Texas ក្នុងឆ្នាំនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ វីដេអូនៅកន្លែងកើតហេតុ ក្រោយការបាញ់សម្លាប់រង្គាល ក្នុងទារកដ្ឋាន ថៃ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង