ព័ត៌មានអន្ដរជាតិ

២ ឆ្នាំក្រោយរដ្ឋប្រហារ មីយ៉ាន់ម៉ា ធ្លាក់ក្នុងគ្រោះមហន្តរាយ ខណៈ UN ឲ្យកងទ័ពស្ថិតក្រោមការគ្រប់គ្រងរបស់រដ្ឋាភិបាលស៊ីវិលវិញ

បានផុស

៣ years មុន

នៅ

ថ្ងៃចន្ទ ៣០ មករា ២០២៣

ដោយ

ឧត្តមស្នងការនៃអង្គការសហប្រជាជាតិទទួលបន្ទុកសិទ្ធិមនុស្សបានព្រមានថា ក្នុងអំឡុងពេលជិត ២ ឆ្នាំក្រោយរដ្ឋប្រហារយោធាមីយ៉ាន់ម៉ា បានធ្វើឲ្យប្រទេសមួយនេះកំពុងធ្លាក់ចូលក្នុងគ្រោះមហន្តរាយ ហើយ UN បានអំពាវនាវឲ្យយោធាមីយ៉ាន់ម៉ាស្ថិតក្រោមការគ្រប់គ្រងដោយរដ្ឋាភិបាលស៊ីវិលវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការលើកឡើងក្នុងសេចក្តីថ្លែងការណ៍របស់ឧត្តមស្នងការនៃអង្គការសហប្រជាជាតិទទួលបន្ទុកសិទ្ធិមនុស្ស បានឲ្យដឹងថា ចាប់តាំងពីកងទ័ពធ្វើរដ្ឋប្រហារដណ្តើមអំណាចពីរដ្ឋាភិបាលស៊ីវិលកាលពីថ្ងៃទី១ ខែកុម្ភៈ ឆ្នាំ២០២១ គ្រប់ផ្នែកទាំងអស់នៃសិទ្ធិមនុស្សរបស់ប្រទេសមីយ៉ាន់ម៉ាបានធ្លាក់ចុះយ៉ាងខ្លាំង ។

ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបាននិយាយទៀតថា មានប្រជាជនយ៉ាងហោចណាស់ចំនួន ២,៨៩០នាក់ត្រូវបានសម្លាប់ដោយកណ្តាប់ដៃរបស់យោធា ចាប់តាំងពីរដ្ឋប្រហារ និងយ៉ាងហោចណាស់មនុស្សចំនួន ៧៦៧នាក់ត្រូវបានឃុំខ្លួន ។

ទន្ទឹមគ្នានេះយោធាក៏បានចាប់ខ្លួន និងដាក់ពន្ធនាគារមេដឹកនាំជាប់ឆ្នោតរបស់គណបក្ស (NLD) និងមនុស្ស ១៦,០០០នាក់ផ្សេងទៀតផងដែរ ។

លើសពីនេះទៅទៀត មនុស្សប្រមាណ ១លាន ២សែននាក់ត្រូវបានព្រាត់ប្រាស់ទីលំនៅក្នុងប្រទេស ចាប់តាំងពីរដ្ឋប្រហារមក ខណៈដែលមនុស្សជាង ៧ ម៉ឺននាក់ទៀតបានភៀសខ្លួនចេញពីក្នុងប្រទេស ៕