ព័ត៌មានអន្ដរជាតិ
អ៊ុយក្រែន គំរាមវាយប្រហារ ចូលក្នុងទឹកដី រុស្ស៊ី
ក្នុងបទសម្ភាសជាមួយកាសែត Washington Post នៅថ្ងៃពុធទី០១ខែកុម្ភៈ, លោក Kirill Budanov មន្ត្រីចារកម្មកំពូលរបស់ទីក្រុងកៀវ បានព្រមានថា ប្រទេសរុស្ស៊ីនឹងបន្តជួបប្រទះបញ្ហា រហូតដល់ពួកគេ ដកខ្លួនចេញពីអ៊ុយក្រែន និងស្ដារបូរណភាពទឹកដីរបស់ប្រទេសនេះឡើងវិញ។
ប្រធាននាយកដ្ឋានស៊ើបការណ៍សម្ងាត់អ៊ុយក្រែន (GUR) រូបនេះបានបន្ថែមថា បច្ចុប្បន្ន ទីក្រុងកៀវ មានមនុស្សបង្កៃគ្រឿងផ្ទុះនៅលើទឹកដីរុស្ស៊ី ហើយបានចង្អុលបង្ហាញ អំពីការវាយប្រហារដែលអាចកើតមាននៅក្នុងប្រទេសនេះនាពេលដ៏ខ្លីខាងមុខ។
នៅពេលសួរអំពីការពាក់ព័ន្ធរបស់គាត់ក្នុងការបំផ្ទុះគ្រាប់បែកលើស្ពាន គ្រីមៀ ក្នុងខែតុលា និងការវាយប្រហារដោយយន្តហោះគ្មានមនុស្សបើកចំនួនពីរលើក លើមូលដ្ឋានទ័ពអាកាសរុស្ស៊ីកាលពីខែធ្នូ លោក Budanov បានបដិសេធបញ្ជាក់ថាតើកងកម្លាំងពិសេសរបស់គាត់នៅពីក្រោយហេតុការណ៍នោះដែរឬទេ។ ទោះបីជាយ៉ាងណាក៏ដោយ គាត់បានព្រមានថា នឹងមានការវាយប្រហារបន្ថែមទៀត។
លោក Budanov បានបន្តទទូចថា អ៊ុយក្រែនត្រូវតែធ្វើអ្វីគ្រប់យ៉ាងដើម្បីធានាថា តំបន់គ្រីមៀ នឹងដណ្តើមយកមកវិញនៅត្រឹមរដូវក្តៅ ហើយបានច្រានចោលការលើកឡើងដែលថា ទីក្រុងមូស្គូអាចប្រើអាវុធនុយក្លេអ៊ែរប្រសិនបើកងទ័ពទីក្រុងកៀវ ឈានដល់ឧបទ្វីប ដែលបានចូលរួមជាមួយរុស្ស៊ីជាផ្លូវការបន្ទាប់ពីការធ្វើប្រជាមតិក្នុងឆ្នាំ២០១៤មួយនេះ។
យោងតាមលោក Budanov, “នេះជាយុទ្ធសាស្ត្រដ៏គួរឲ្យខ្លាច។ រុស្ស៊ីជាប្រទេសមួយដែលអ្នកអាចគិតទុកមុនបាន ប៉ុន្តែមិនមែនជារឿងងាយស្រួលនោះទេ។ រឿងនេះនឹងមិនកើតឡើងឡើយ។ ការវាយប្រហារនុយក្លេអ៊ែរនឹងមិនត្រឹមតែនាំមកនូវបរាជ័យផ្នែកយោធាសម្រាប់រុស្ស៊ីប៉ុណ្ណោះទេ ប៉ុន្តែក៏នាំមកនូវការដួលរលំរបស់រុស្ស៊ីផងដែរ”៕
ប្រែសម្រួល៖ Vann Vann
ប្រភព៖ RT
ចុចអាន៖ ក្រុមហ៊ុនរុស្ស៊ី ប្រកាសផ្តល់ប្រាក់រង្វាន់ជាទីគាប់ចិត្ត ដល់ទាហាន ដែលកម្ទេចរថក្រោះរបស់ ណាតូ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង