ព័ត៌មានអន្ដរជាតិ
ក្រុមហ៊ុនរុស្ស៊ី ប្រកាសផ្តល់ប្រាក់រង្វាន់ជាទីគាប់ចិត្ត ដល់ទាហាន ដែលកម្ទេចរថក្រោះរបស់ ណាតូ (មានវីដេអូ)
ក្រុមហ៊ុនផលិតសារធាតុគីមីរបស់រុស្ស៊ី Fores បានប្រកាសផ្តល់រង្វាន់ដល់ទាហានរូបណា ដែលកម្ទេចរថក្រោះប្រយុទ្ធផលិតដោយប្រទេសលោកខាងលិច។
ដំណឹងនេះកើតឡើង បន្ទាប់ពីទីក្រុងវ៉ាស៊ីនតោន និងបែរឡាំង កាលពីសប្តាហ៍មុន បានអនុម័តការប្រគល់គ្រឿងសឹកធុនធ្ងន់ទៅឲ្យទីក្រុងកៀវ។
ក្រុមហ៊ុនដែលមានមូលដ្ឋាននៅទីក្រុង Ekaterinburg ក្នុងប្រទេសរុស្ស៊ីមួយនេះ បានប្រកាសនៅក្នុងសេចក្តីថ្លែងការណ៍លើគេហទំព័ររបស់ខ្លួនកាលពីចុងសប្តាហ៍ថា “ទាហានរុស្ស៊ីរូបណាដែលកម្ទេច ឬចាប់បានរថក្រោះប្រយុទ្ធ Leopard 2 របស់អាល្លឺម៉ង់ ឬ Abrams របស់អាមេរិក នឹងទទួលបានរង្វាន់ជាសាច់ប្រាក់។ ក្រុមហ៊ុន Fores នឹងផ្តល់ប្រាក់ចំនួន ៥លានរូបិ៍ល ស្មើ ៧០៧០០ដុល្លារសម្រាប់ការកម្ទេចរថក្រោះមួយគ្រឿង”។
ក្រុមហ៊ុនបន្ថែមថា ប្រសិនបើអ៊ុយក្រែន ទទួលបានយន្តហោះចម្បាំង F-15 និង F-16 មែននោះ ក្រុមហ៊ុន Fores នឹងផ្តល់រង្វាន់ ១៥លានរូបិ៍ល (២១២ ១០០ដុល្លារ) សម្រាប់ការបាញ់ធ្លាក់យន្តហោះមួយគ្រឿង។
គួរបញ្ជាក់ជាថ្មី ទីក្រុងបែរឡាំង បាននិយាយកាលពីសប្តាហ៍មុនថា ខ្លួននឹងផ្គត់ផ្គង់ឲ្យទីក្រុងកៀវ នូវរថក្រោះ Leopard 2 ចំនួន១៤គ្រឿង ហើយអនុញ្ញាតឲ្យមានការចែកចាយរថក្រោះដែលផលិតដោយអាល្លឺម៉ង់ ពីសំណាក់ប្រទេសអឺរ៉ុបផ្សេងទៀត។
ចំណែកអាមេរិក ក៏បានសន្យាផ្តល់រថក្រោះ Abrams ចំនួន ៣១ គ្រឿងឲ្យអ៊ុយក្រែន ផងដែរ។
ទោះបីជាយ៉ាងណាក៏ដោយ រុស្ស៊ី នៅតែប្រកាន់ខ្ជាប់ថា សព្វាវុធបរទេសនឹងធ្វើឲ្យជម្លោះជាមួយអ៊ុយក្រែនកាន់តែរីកធំ។ វិមានក្រឹមឡាំងក៏បានបញ្ជាក់ដែរថា រថក្រោះលោកខាងលិចនៅអ៊ុយក្រែន នឹងត្រូវចាត់ទុកជាគោលដៅស្របច្បាប់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី បញ្ជាក់ច្បាស់ៗ ក្រោយអតីតនាយករដ្ឋមន្ត្រីអង់គ្លេស ចោទថា លោក ពូទីន គំរាមបាញ់មីស៊ីល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង