ព័ត៌មានអន្ដរជាតិ
អាមេរិក ឃុំខ្លួនបងប្អូន២នាក់ជិត២០ឆ្នាំ ទើបដឹងថា ចាប់ច្រឡំ
សហរដ្ឋអាមេរិក បានដោះលែងបងប្អូនប្រុសពីរនាក់ ក្រោយឃុំឃាំងពួកគេដោយគ្មានការចោទប្រកាន់អស់រយៈពេលពីរទសវត្សរ៍នៅឯពន្ធនាគារ Guantanam Bay ក្នុងប្រទេសគុយបា។ លោក Abdul និង Mohamamed Rabbani បានអះអាងថា ពួកគេត្រូវរងការធ្វើទារុណកម្មខណៈពេលស្ថិតនៅក្នុងមន្ទីរឃុំឃាំងរបស់ CIA។
មន្ទីរបញ្ចកោណ បានប្រកាសកាលពីថ្ងៃព្រហស្បតិ៍ទី២៣ខែកុម្ភៈថា បុរសទាំង២ ត្រូវបានធ្វើមាតុភូមិនិវត្តន៍ទៅប្រទេសប៉ាគីស្ថាន។ អ្នកទាំងពីរត្រូវបានសម្រេចឲ្យចេញពីពន្ធនាគារក្នុងឆ្នាំ២០២១ ប៉ុន្តែគេនៅតែមិនច្បាស់ពីមូលហេតុដែលអ្នកទាំង២នៅតែស្ថិតក្នុងស្ថានភាពនេះរហូត ដល់បច្ចុប្បន្ន។
សមាជិកព្រឹទ្ធសភាប៉ាគីស្ថានលោក Mushtaq Ahmad Khan បានបញ្ជាក់កាលពីថ្ងៃសុក្រថា បងប្អូនទាំង២ដែលស្ថិតក្នុងវ័យ៥០ឆ្នាំប្លាយ បានទៅដល់អាកាសយានដ្ឋានឥស្លាម៉ាបាដហើយ។
គាត់បានសរសេរនៅលើ Twitter ថា “ពួកគេត្រូវបានដាក់គុកដោយគ្មានកំហុសនៅឈូងសមុទ្រ Guantanamo។ គ្មានការជំនុំជម្រះក្តី គ្មាននីតិវិធីរបស់តុលាការ ហើយគ្មានការចោទប្រកាន់ប្រឆាំងនឹងពួកគេទាំងអស់។ សូមអបអរសាទរចំពោះការដោះលែងពួកគេ”។
បងប្អូនទាំង២ ត្រូវបានចាប់ខ្លួនដោយអាជ្ញាធរប៉ាគីស្ថានក្នុងឆ្នាំ២០០២ ហើយប្រគល់ទៅឲ្យ CIA មុនពេលផ្ទេរទៅពន្ធនាគារ Guantanamo ក្នុងឆ្នាំ២០០៤។
របាយការណ៍ស្តីពីការធ្វើទារុណកម្មរបស់ព្រឹទ្ធសភាអាមេរិក ដែលរៀបរាប់អំពីការឃុំខ្លួនបុរសទាំងពីរ បានកត់សម្គាល់ថា អាជ្ញាធរប៉ាគីស្ថានបានចាប់ខ្លួន Ahmed ដោយច្រឡំថាជាភេរវករឈ្មោះ Hassan Ghul។
គួរបញ្ជាក់ថា ពន្ធនាគារនៅឈូងសមុទ្រ Guantanamo ត្រូវបានបើកដោយរដ្ឋបាលរបស់លោកប្រធានាធិបតី George W. Bush ក្នុងឆ្នាំ២០០២ ដើម្បីឃុំឃាំងជនបរទេស៕
ប្រែសម្រួល៖ Vann Vann
ប្រភព៖ RT
ចុចអាន៖ ពេជ្ឈឃាដក្រុម ISIS បាត់ខ្លួនយ៉ាងអាថ៌កំបាំង ពីពន្ធនាគារអាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង