នៅថ្ងៃទី២ ខែមីនានេះ ប្រធានរដ្ឋឡាវ លោក ថងលុន ស៊ីសូលីត បានផ្ញើសារអបអរសាទរចំពោះលោក Vo Van Thuong ប្រធានាធិបតីថ្មីរបស់ប្រទេសវៀតណាម ក្នុងឱកាសដែលលោកត្រូវបានរដ្ឋសភាបោះឆ្នោតជ្រើសតាំងជាប្រធានាធិបតីថ្មីរបស់វៀតណាម ជំនួសលោក Nguyen Xuan Phuc នៅថ្ងៃព្រហស្បតិ៍ទី២ ខែមីនា ឆ្នាំ២០២៣នេះ។ ការដែលលោកត្រូវបានជ្រើសតាំងជាប្រធានាធិបតីវៀតណាមនាពេលនេះ គឺជាការបង្ហាញឲ្យឃើញពីការជឿទុកចិត្តរបស់បក្ស-រដ្ឋ និងប្រជាជនវៀតណាមចំពោះលោក។

តាងនាមឲ្យបក្ស-រដ្ឋ និងប្រជាជនឡាវ ព្រមទាំងក្នុងនាមផ្ទាល់ខ្លួន ខ្ញុំសូមសម្តែងការអបអរសាទរយ៉ាងស្មោះស្ម័គ្រចំពោះលោក។ ខ្ញុំរីករាយ និងត្រៀមខ្លួនជាស្រេចដើម្បីធ្វើការយ៉ាងជិតស្និទ្ធជាមួយលោក ដើម្បីរួមចំណែកក្នុងការបង្កើនទំនាក់ទំនងមិត្តភាព សាមគ្គីភាពយ៉ាងស៊ីជម្រៅ និងកិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ដែលមានលោកប្រធាន ហូ ជីមិញ ជាមេដឹកនាំដ៏អស្ចារ្យ និងលោកប្រធាន កៃសន ភូមិវិហាន និង លោកប្រធាន សុផាណាវង់ ជាទីគោរពរបស់ពួកយើង បានផ្តួចផ្តើម និងបានទទួលការការពារ គោរពស្រឡាញ់ និងលើកកំពស់ពីប្រជាជននៃប្រទេសទាំងពីរពីមួយជំនាន់ទៅមួយជំនាន់៕

ប្រែសម្រួល៖ គង់ សំអាន

ប្រភព៖ Lao Youth RadioFM

ចុចអាន៖ បុរសម្នាក់វង្វេងក្នុងព្រៃអាម៉ាហ្សូន ៣១ ថ្ងៃ នៅមានជីវិតដោយសារញ៉ាំដង្កូវជាអាហារ