ព័ត៌មានអន្ដរជាតិ
អាមេរិក សម្រេចលក់អាវុធឲ្យ តៃវ៉ាន់ រួមទាំងមីស៊ីលសម្រាប់យន្តហោះចម្បាំង F-16
សហរដ្ឋអាមេរិកបានយល់ព្រមលក់អាវុធក្នុងទំហំទឹកប្រាក់សរុបចំនួន ៦១៩ លានដុល្លារដល់កោះតៃវ៉ាន់ រួមទាំងគ្រាប់មីស៊ីលដែលត្រូវប្រើសម្រាប់យន្តហោះចម្បាំង F-16 ផងដែរ ។
ក្រសួងការបរទេសសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយកាលពីពេលថ្មីៗនេះថា រដ្ឋបាលរបស់លោក ចូ បៃដិន ក៏បានយល់ព្រមលើការលក់គ្រាប់មីស៊ីល ក៏ដូចជាសព្វាវុធគាំទ្រផ្សេងទៀតផងដែរ ។
សេចក្តីថ្លែងការណ៍របស់ក្រសួងការបរទេសបាននិយាយទៀតថា “ការលក់តាមការស្នើសុំនេះ នឹងចូលរួមចំណែកដល់សមត្ថភាពការការពារដែនអាកាស ការពារសន្តិសុខក្នុងតំបន់ និងអន្តរប្រតិបត្តិការរវាងតៃវ៉ាន់ និងសហរដ្ឋអាមេរិក” ។
ស្របពេលជាមួយគ្នានេះ ក្រសួងការពារជាតិតៃវ៉ាន់ក៏បានសម្តែងការដឹងគុណចំពោះសេចក្តីសម្រេចរបស់សហរដ្ឋអាមេរិក ក្នុងការអនុម័តលក់កញ្ចប់សព្វាវុធនេះផងដែរ ។
ក្រសួងបាននិយាយថា គ្រាប់មីស៊ីលនេះនឹងជួយឲ្យការការពារដែនអាកាសរបស់កោះតៃវ៉ាន់កាន់តែមានប្រសិទ្ធិភាពក្នុងការដោះស្រាយជាមួយនឹងការគំរាមកំហែង និងការបង្កហេតុពីយោធាកុម្មុយនិស្ត ជាពិសេសនឹងជួយឲ្យស្តុកអាវុធការពារជាតិរបស់តៃវ៉ាន់កាន់តែមានច្រើន ។
គួរបញ្ជាក់ថា ការអនុម័តនេះធ្វើឡើង បន្ទាប់ពីមានការយល់ព្រមរបស់សហរដ្ឋអាមេរិកកាលពីខែធ្នូឆ្នាំមុន នៃការលក់អាវុធដល់កោះតៃវ៉ាន់ដែលមានតម្លៃ ៤២៨ លានដុល្លារ ក្នុងនោះក៏មានអាវុធជំនួសយន្តហោះ F-16 របស់កោះតៃវ៉ាន់ និងយន្តហោះដឹកជញ្ជូន C-130 ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក ជំរុញឲ្យរុស្ស៊ី វិលត្រលប់មករកសន្ធិសញ្ញា New START វិញ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី