ព័ត៌មានអន្ដរជាតិ
ចិន ឃាត់ខ្លួនមនុស្ស១២នាក់ ក្នុងករណីអគ្គិភ័យឆាបឆេះមន្ទីរពេទ្យ ដ៏ប្រល័យ
មនុស្សចំនួន១២នាក់ ត្រូវបានប៉ូលិសឃាត់ខ្លួន ដើម្បីសាកសួរបន្ទាប់ពីអគ្គិភ័យឆេះមន្ទីរពេទ្យក្នុងទីក្រុងប៉េកាំង បានសម្លាប់មនុស្សយ៉ាងតិច២៩នាក់ ដែលភាគច្រើនជាអ្នកជំងឺ។
អគ្គិភ័យនេះ បានផ្ទុះឡើងក្នុងមន្ទីរពេទ្យ Changfeng នៅម៉ោងប្រហែល ១រសៀល កាលពីថ្ងៃអង្គារទី១៨ខែមេសា។
ថ្លែងក្នុងសន្និសីទសារព័ត៌មានមួយនៅថ្ងៃពុធ ក្រុមមន្ត្រីនិយាយថា ការស៊ើបអង្កេតបឋមបង្ហាញថា ផ្កាភ្លើងដែលបង្កឡើងដោយការផ្សារដែក អំឡុងពេលជួសជុលបន្ទប់មន្ទីរពេទ្យ បានឆាបឆេះថ្នាំលាបដែលរក្សាទុកនៅកន្លែងនោះ។
ក្នុងចំណោមអ្នកដែលត្រូវឃុំខ្លួនរួមមាននាយក និងអនុប្រធានមន្ទីរពេទ្យ ព្រមទាំងប្រធានក្រុមហ៊ុនដែលមើលការខុសត្រូវលើការងារជួសជុលផងដែរ។
ប្រព័ន្ធផ្សព្វផ្សាយក្នុងស្រុកបានរាយការណ៍ថា ក្រុមពន្លត់អគ្គិភ័យបានជម្លៀសមនុស្សប្រហែល ៧០នាក់ និងពន្លត់ភ្លើងក្នុងរយៈពេលមួយម៉ោងបន្ទាប់ពីមកដល់។
ប៉ុន្តែសាច់ញាតិរបស់អ្នកដែលកំពុងសម្រាកព្យាបាលក្នុងមន្ទីរពេទ្យ Changfeng មានការខឹងសម្បាយ៉ាងខ្លាំងចំពោះអ្នកគ្រប់គ្រងមន្ទីរពេទ្យ។
ពួកគេនិយាយថា ថ្វីបើអគ្គិភ័យពន្លត់រួចរាល់ បានប្រាំបីម៉ោងហើយក៏ដោយ ក៏មន្ត្រីមន្ទីរពេទ្យមិនអាចផ្តល់ឈ្មោះអ្នកដែលបានរងរបួសឬបានស្លាប់បានដែរ៕
ប្រែសម្រួល៖ Vann Vann
ប្រភព៖ BBC
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ