ព័ត៌មានអន្ដរជាតិ
ប្រទេសជុំវិញ កូរ៉េខាងជើង កំពុងប្រុងជើងការខ្ពស់ ចំពេលលោក គីម ជុងអ៊ុន ប្រារព្ធខួបបង្កើតកងទ័ព
ប្រទេសជុំវិញកូរ៉េខាងជើងកំពុងបន្តប្រុងជើងការខ្ពស់នៅថ្ងៃអង្គការនេះ ពោលចំខួបលើកទី ៩១ នៃការបង្កើតកងទ័ពកូរ៉េខាងជើង ជាពិសេសគឺការប្រកាសរបស់ទីក្រុងព្យុងយ៉ាងអំពីការរៀបចំបាញ់បង្ហោះផ្កាយរណបចារកម្មយោធាដំបូងរបស់ខ្លួន ។
ទូរទស្សន៍រដ្ឋកូរ៉េ (KCNA) ក៏បានផ្សាយអំពីការជួបជុំរបស់មេដឹកនាំ មកពីអង្គភាពផ្សេងៗគ្នាដែលបានធ្វើឡើងនៅមុនថ្ងៃគម្រប់ខួបនេះផងដែរ ហើយបានអំពាវនាវឲ្យមានភក្តីភាពចំពោះមេដឹកនាំវ័យក្មេងគឺលោក គីម ជុងអ៊ុន ។
ពាក់ព័ន្ធនឹងបញ្ហានេះដែរលោក គីម បានកត់សម្គាល់កាលពីសប្តាហ៍មុនថា ផ្កាយរណបចារកម្មដំបូងរបស់ប្រទេសនេះបានបញ្ចប់ជាស្ថាពរហើយ ហើយបានបញ្ជាឲ្យពន្លឿនកិច្ចខិតខំប្រឹងប្រែងដើម្បីដាក់វាចូលទៅក្នុងគន្លងតារាវិថីទៅតាមពេលវេលាដែលបានគ្រោងទុក ។
ស្របពេលជាមួយគ្នានេះ ទីក្រុងព្យុងយ៉ាងក៏អាចនឹងបាញ់មីស៊ីលផ្លោងរយៈចម្ងាយឆ្ងាយផងដែរ ក្រោមលេសថា ដាក់ផ្កាយរណបទៅក្នុងគន្លងតារាវិថី ដែលជាផ្នែកមួយដើម្បីពង្រឹងមោទនភាពជាតិរបស់កូរ៉េខាងជើង ។
ទន្ទឹមនោះ ការបាញ់បង្ហោះនេះអាចនឹងកើតឡើង មុនកិច្ចប្រជុំកំពូលរវាងប្រធានាធិបតីកូរ៉េខាងត្បូងលោក Yoon Suk-yeol និងប្រធានាធិបតីសហរដ្ឋអាមេរិក Joe Biden ដែលគ្រោងធ្វើនៅថ្ងៃពុធក្នុងទីក្រុងវ៉ាស៊ីនតោន ។
គួរបញ្ជាក់ថា លោក គីម អ៊ីលស៊ុង ស្ថាបនិកកូរ៉េខាងជើង និងជាជីតារបស់មេដឹកនាំបច្ចុប្បន្នលោក គីម ជុងអ៊ុន បានបង្កើតកងទ័ពបដិវត្តន៍ប្រជាជនកូរ៉េ ដែលបច្ចុប្បន្នជា កងទ័ពប្រជាជនកូរ៉េ នៅទីក្រុងម៉ាន់ជូរី កាលពីថ្ងៃទី២៥ ខែមេសា ឆ្នាំ ១៩៣២ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ រុស្ស៊ី ប្រាប់គោលដៅសំខាន់ទើបឈានដល់ផ្ទុះសង្គ្រាមជាមួយ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ