ថៃ នឹងរៀបចំការបោះឆ្នោតមួយផ្សេងទៀតនៅចុងសប្ដាហ៍នេះ មុនការបោះ​ឆ្នោតសកលថ្ងៃទី១៤

គណៈកម្មាធិការរៀបចំការបោះឆ្នោតថៃ (EC) បានឲ្យដឹងថា ប្រទេសថៃនឹងរៀបចំការបោះឆ្នោតមួយផ្សេងទៀត មុននឹងឈានដល់ការបោះឆ្នោតសកលនាថ្ងៃទី១៤ ខែឧសភាខាងមុខនេះ ។

EC បាននិយាយកាលពីថ្ងៃព្រហស្បតិ៍ថា ប្រជាជនថៃដែលបានចុះឈ្មោះបោះឆ្នោតរួចហើយ អាចទៅបោះឆ្នោតសម្រាប់ជ្រើសរើសបេក្ខជនតំណាងរាស្ត្រនៅក្នុងមណ្ឌលដែលពួកគេមានសិទ្ធិបោះឆ្នោតនៅថ្ងៃទី៧ ខែឧសភានេះ ។

EC បញ្ជាក់ទៀតថា គិតចាប់ពីថ្ងៃទី២៥ ខែមីនា ដល់ថ្ងៃទី៩ ខែមេសា ប្រជាពលរដ្ឋថៃសរុបចំនួន ២,១៥៣,៤៥០ នាក់បានចុះឈ្មោះបោះឆ្នោតជ្រើសរើសបេក្ខជនតំណាងរាស្ត្រ ដែលនឹងប្រព្រឹត្តទៅនៅថ្ងៃទី៧ ខែឧសភា ចាប់ពីម៉ោង ៨ ព្រឹក ដល់ម៉ោង ៥ ល្ងាច ពោលរយៈពេល ១ សប្តាហ៍ មុនការបោះឆ្នោតសកលនាថ្ងៃទី១៤ ខែឧសភា ។

ទន្ទឹមនោះ គណៈកម្មាធិការក៏បានជូនដំណឹងដល់អ្នកបោះឆ្នោតឲ្យប្រុងប្រយ័ត្នចំពោះភាពខុសគ្នានៃមណ្ឌលបោះឆ្នោត និងចំនួនបេក្ខជនតំណាងរាស្ត្រក្នុងបញ្ជីគណបក្សផងដែរ ។

ចុងក្រោយ EC បានបញ្ជាក់ថា អ្នកបោះឆ្នោតគួរតែកត់សម្គាល់ចំនួនបេក្ខជនតំណាងរាស្រ្តក្នុងមណ្ឌលដែលខ្លួនចង់បាន និងលេខរៀងបេក្ខជនតំណាងរាស្ត្រក្នុងបញ្ជីគណបក្សនយោបាយ ដើម្បីទប់ស្កាត់ការភ័ន្តច្រឡំជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ លោក ថាក់ស៊ីន បង្ហាញតម្រុយត្រឡប់ចូលស្រុកវិញ