ព័ត៌មានអន្ដរជាតិ
កម្មករ ឡាវ ជាង ៦៤,០០០ នាក់កំពុងអត់ការងារធ្វើ ទោះរោងចក្រកាត់ដេរខ្វះបុគ្គលិកក៏ដោយ
បច្ចុប្បន្នកម្មករឡាវជាង ៦៤,០០០ នាក់កំពុងអត់ការងារធ្វើ បើទោះបីជារោងចក្រកាត់ដេរក្នុងប្រទេសនៅតែខ្វះកម្លាំងកម្មករជាង ៩ ពាន់នាក់ក៏ដោយ ។
ពាណិជ្ជករក្នុងសមាគមកាត់ដេរឡាវបានបង្ហើបប្រាប់ថា ទោះការនាំចេញសម្លៀកបំពាក់របស់ឡាវទំនងជាកើនឡើងនៅឆ្នាំ២០២៣ នេះ ដែលធ្វើឲ្យរោងចក្រកាត់ដេរទាំង ៨៥ រោងចក្រនៅក្នុងប្រទេសឡាវ បានវិលត្រឡប់មកវិញក្នុងការពន្លឿនការផលិតដើម្បីឲ្យទាន់ការបញ្ជាទិញពីបរទេសក៏ដោយ ប៉ុន្តែបញ្ហាដែលនយោជកកំពុងប្រឈមនាពេលបច្ចុប្បន្ននេះ គឺកង្វះកម្លាំងពលកម្មជាង ៩០០០ នាក់ ដែលបញ្ហាទាំងនេះត្រូវបានគេជឿថា បណ្តាលមកពីអត្រាប្រាក់ឈ្នួលអប្បបរមាបច្ចុប្បន្នរបស់កម្មករឡាវក្នុងកម្រិតទាប ពោលត្រឹមតែ ៧០ ដុល្លារប៉ុណ្ណោះក្នុងមួយខែ ដូច្នេះមិនគ្រប់គ្រាន់សម្រាប់ជីវភាពរស់នៅប្រចាំថ្ងៃ ខណៈតម្លៃប្រាក់គីបក៏កំពុងធ្លាក់ចុះយ៉ាងខ្លាំងជាបន្តបន្ទាប់ផងដែរ ។
ចំណែកប្រធានសហជីពកម្មករឡាវ លោកស្រី អាលី វុងណូប៊ុនថាំ បាននិយាយថា បច្ចុប្បន្នមានកម្មករអត់ការងារធ្វើជាង ៦៤,០០០ នាក់ក្នុងចំណោមកម្លាំងកម្មករនៅក្នុងវិស័យផលិតកម្មផ្សេងៗសរុបចំនួនជាង ២.៤ លាននាក់នៅទូទាំងប្រទេស ។
លោកស្រីបញ្ជាក់ថា នៅដើមឆ្នាំ២០២៣ មានពលករឡាវជាង ៣,៨០០០ នាក់ ដែលធ្វើដំណើរទៅធ្វើការដោយស្របច្បាប់នៅបរទេស ក្នុងនោះមានស្ត្រីជាង ២១,០០០ នាក់ ខណៈថៃគឺជាប្រទេសដែលពលករឡាវទៅធ្វើការច្រើនជាងគេ ។
ចំណែកមន្ត្រីក្រសួងការងារឡាវវិញក៏បានលើកឡើងដែរថា អត្រាប្រាក់ឈ្នួលកម្មករនៅក្នុងប្រទេសឡាវបច្ចុប្បន្ន គឺ ជាអត្រាប្រាក់ឈ្នួលទាបបំផុតជាងគេក្នុងតំបន់អាស៊ាន ហើយបើធៀបនឹងតម្លៃទំនិញនៅលើទីផ្សារសម្រាប់ការរស់នៅប្រចាំថ្ងៃរបស់កម្មករឡាវ ពួកគេមានបន្ទុកធ្ងន់ធ្ងរបំផុត ដោយសារអត្រាអតិផរណាប្រាក់គីបឡើងខ្ពស់បំផុតជាង៤០ ភាគរយ ជាពិសេសសន្ទស្សន៍តម្លៃទំនិញប្រើប្រាស់ឡើងខ្ពស់មិនធ្លាប់មានជាង ១៧០ ភាគរយក្នុងរយៈពេល ៥ខែនៃដើមឆ្នាំ ២០២៣ បើធៀបនឹងរយៈពេលដូចគ្នាក្នុងឆ្នាំ ២០២២។
គួរបញ្ជាក់ថា ដោយសារតែកត្តលំបាកទាំងនេះហើយ ទើបជាហេតុបណ្ដាលឲ្យកម្មករនៅក្នុងប្រទេសឡាវបង្ខំចិត្តធ្វើដំណើរទៅធ្វើការនៅប្រទេសថៃកាន់តែច្រើនឡើងពីមួយថ្ងៃទៅមួយថ្ងៃ ព្រោះធ្វើការនៅទៅនោះទទួលបានប្រាក់ឈ្នួលខ្ពស់ជាងធ្វើការនៅប្រទេសកំណើត ៕
ប្រែសម្រួលដោយ ៖ គង់ សំអាន
ប្រភព ៖ VOA Laos
ចុចអាន ៖ អត្រាអតិផរណា ឡាវ ធ្លាក់ចុះតែ ១ ភាគរយប៉ុណ្ណោះក្នុងខែឧសភា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង