ព័ត៌មានអន្ដរជាតិ

ស្លាប់និងសង្គ្រោះបន្ទាន់ ៥ នាក់នៅ តៃវ៉ាន់ ក្រោយទទួលទានអាហារក្ដៅក្នុងទូទឹកកក

បានផុស

៨ ខែ មុន

នៅ

ថ្ងៃចន្ទ ៧ សីហា ២០២៣

ដោយ

គ្រួសារមួយនៅតៃវ៉ាន់មានគ្នា៦នាក់បានជួបរឿងសោកនាដកម្ម បន្ទាប់ពីពួកគេទទួលទានអាហារក្ដៅទុកក្នុងទូទឹកកករាប់ម៉ោង។ ដោយក្នុងនោះសមាជិកក្នុងផ្ទះបានពុលអាហារ ខណៈដែល៥នាក់កំពុងតែសង្គ្រោះបន្ទាន់ និងស្លាប់១នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Jiang Shoushan អ្នកឯកទេសខាងជំងឺតម្រងនោម បានទម្លាយករណីបុរសម្នាក់បានលាងឈាមអស់រយៈពេល១០ឆ្នាំមកហើយ។ គាត់ត្រូវព្យាបាលជាប្រចាំបានធ្វើឲ្យសុខភាពមានស្ថិរភាពគួរឲ្យកត់សម្គាល់ ប៉ុន្តែប៉ុន្មានថ្ងៃមុននេះ អ្នកជំងឺម្នាក់នេះបានស្លាប់ភ្លាមៗ បន្ទាប់ពីបញ្ជូនទៅបន្ទប់សង្គ្រោះបន្ទាន់។

ក្រោយមក សមាជិកគ្រួសារអ្នកជំងឺ ៥ នាក់ផ្សេងទៀត ត្រូវបានគេនាំទៅបន្ទប់សង្គ្រោះបន្ទាន់ ស្របពេលដែលបុគ្គលិកពេទ្យបានស៊ើបអង្កេត ដោយសួរពីអាហារដែលពួកគេញ៉ាំនៅថ្ងៃកើតហេតុ។ នៅទីបំផុតទើបដឹងមូលហេតុពិតប្រាកដនៅពីក្រោយសោកនាដកម្មដ៏សោកសៅនេះ គឺដោយសារតែការរក្សាទុកអាហារមិនត្រឹមត្រូវក្នុងទូទឹកកក ដែលបណ្ដាលឲ្យពុលអាហារ។

ក្រុមគ្រួសារអ្នករងគ្រោះបានបន្ថែមទៀតថា ដោយសារតែស្វាមីរបស់គាត់ខ្លាចទុកឆ្នាំងស៊ុបខាងក្រៅនាំបាក់តេរី និងប៉ះពាល់ដល់សុខភាព ។ ដូច្នេះពេលប្រពន្ធគាត់ធ្វើម្ហូបចប់ គាត់ដាក់ស៊ុបក្តៅៗទាំងអស់ភ្លាមៗចូលទៅក្នុងទូទឹកកក ដោយមិនរង់ចាំឲ្យវាត្រជាក់ជាមុនសិន។ ជាលទ្ធផលសីតុណ្ហភាពនៃទូទឹកកកកើនឡើងភ្លាមៗ។ វាក៏ប៉ះពាល់ដល់អាហារផ្សេងទៀតនៅក្នុងទូទឹកកកដោយបង្កើនហានិភ័យនៃការរលួយ និងបាក់តេរីកើនឡើង ទើបបណ្ដាលឲ្យពុលអាហារមួយគ្រួសារបែបនេះ។

ជាមួយគ្នានេះ លោកវេជ្ជបណ្ឌិត Jiang Shoushan ក៏បានព្រមានផងដែរថា ទោះបីជាស៊ុបភាគច្រើនមានជាតិទឹកក៏ដោយ ជាធម្មតាវាត្រូវការពេលច្រើនដើម្បីត្រជាក់។ វាជាការល្អក្នុងការទុកអាហារក្តៅនៅខាងក្រៅឲ្យត្រជាក់រយៈពេល ២ ម៉ោង មុនពេលដាក់វានៅក្នុងទូទឹកកកដើម្បីរក្សាទុក៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ស្ត្រី អាមេរិក ស្លាប់ដោយសារផឹកទឹកជិត២លីត្រក្នុងពេល ២០ នាទី