ព័ត៌មានអន្ដរជាតិ
ទើបវាយចូលបានប៉ុន្មានថ្ងៃ ពេលនេះ កងទ័ពអ៊ីស្រាអែល ដកថយចេញពី ហ្គាហ្សាភាគខាងជើង វិញ
កាលពីថ្ងៃអាទិត្យទី៥ខែវិច្ឆិកា កងទ័ពអ៊ីស្រាអែល បានដកថយចេញពីតំបន់ដែលខ្លួនវាយចូលនៅហ្គាហ្សាស្ទ្រីបវិញ ចំពេលមានការប្រយុទ្ធគ្នាយ៉ាងខ្លាំងក្លាជាមួយយុទ្ធជនប៉ាឡេស្ទីន ដែលបានបណ្តាលឲ្យទាហានអ៊ីស្រាអែលរាប់សិបនាក់ស្លាប់និងរងរបួស។
![](https://www.kampucheathmey.com/wp-content/uploads/2023/11/image-380.png)
កងកម្លាំងអ៊ីស្រាអែលបានដកថយ ក្រោយឈរជើងក្នុងតំបន់ Al-Maqqousi និងនៅតំបន់ភាគខាងជើងនៃជំរំជនភៀសខ្លួន al-Shati ភាគពាយព្យនៃទីក្រុង ហ្គាហ្សា។
យោងតាមសារព័ត៌មាន Anadolu, ទីតាំងដែលកងកម្លាំងអ៊ីស្រាអែលដកថយ គឺជាតំបន់កសិកម្មឆ្ងាយពីតំបន់លំនៅដ្ឋាន និងមានប្រជាជនរស់នៅច្រើន។
ការដកថយនេះកើតឡើង បន្ទាប់ពីអ៊ីស្រាអែល វាយលុកចូលតំបន់ហ្គាហ្សាស្ទ្រីប ពីទិសដៅជាច្រើនក្នុងរយៈពេលប៉ុន្មានថ្ងៃថ្មីៗនេះ។
![](https://www.kampucheathmey.com/wp-content/uploads/2023/11/image-381.png)
Anadolu រាយការណ៍ថា យន្តហោះចម្បាំង កាំភ្លើងធំ និងនាវាចម្បាំងរបស់អ៊ីស្រាអែល បានបង្កើនការវាយប្រហារទៅលើទីក្រុង ហ្គាហ្សា និងតំបន់ហ្គាហ្សាភាគខាងជើង។
ម្យ៉ាងវិញទៀត សម្ព័ន្ធក្រុមហាម៉ាស គឺកងពលតូច Al-Qassam និយាយថា ខ្លួនបានវាយប្រហារទៅលើទាហានអ៊ីស្រាអែល រថពាសដែក និងរថក្រោះ ជាមួយនឹងគ្រាប់បែកដៃ រ៉ុកកែត ជាពិសេសនៅតំបន់ភាគខាងជើងនៃទីក្រុងហ្គាហ្សា។
![](https://www.kampucheathmey.com/wp-content/uploads/2023/11/image-382.png)
អ្នកនាំពាក្យកងពលតូច Al-Qassam លោក Abu Obeida បាននិយាយនៅក្នុងសារមួយថា យុទ្ធជនហាម៉ាស កំពុងប្រយុទ្ធជាមួយកងកម្លាំងអ៊ីស្រាអែលនៅតំបន់ Beit Hanoun ភាគខាងជើង ជ្រោយហ្គាហ្សា, នៅភាគពាយព្យនិងភាគអាគ្នេយ៍ទីក្រុងហ្គាហ្សា។
ទន្ទឹមនោះ កងទ័ពអ៊ីស្រាអែលបញ្ជាក់ថា ខ្លួនបានបាត់បង់ទាហាន៣៤៥នាក់ ចាប់តាំងពីការផ្ទុះសង្គ្រាមនៅតំបន់ហ្គាហ្សាស្ទ្រីបកាលពីថ្ងៃទី៧ខែតុលាមក៕
ប្រែសម្រួល៖ Vann Vann
ប្រភព៖ Anadolu
ចុចអាន៖ WFP ព្រមានថា ស្បៀងអាហារនៅហ្គាហ្សា អាចទប់ទល់បានតែ៥ថ្ងៃទៀតប៉ុណ្ណោះ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ