ព័ត៌មានអន្ដរជាតិ
តៃវ៉ាន់ ចាប់ផ្ដើមឃើញសកម្មភាពយោធា ចិន ក្រោយរើសបានមេដឹកនាំថ្មី
ក្រសួងការពារជាតិតៃវ៉ាន់បានប្រទះឃើញយន្តហោះរបស់កងទ័ពអាកាសចិនចំនួន ២៤ គ្រឿងកំពុងប្រតិបត្តិការល្បាតត្រៀមប្រយុទ្ធរួមគ្នាជាមួយនាវាកងទ័ពជើងទឹក ៥ គ្រឿងនៅជុំវិញដែនកោះតៃវ៉ាន់ ហើយនេះជាសកម្មភាពយោធាខ្នាតធំដំបូងបំផុត ចាប់តាំងពីការបោះឆ្នោតនៅតៃវ៉ាន់ ។
យោងតាមការចុះផ្សាយដោយសារព័ត៌មាន Taiwan News នៅថ្ងៃទី១៨ ខែមករានេះបានឲ្យដឹងថា ក្នុងចំណោមយន្តហោះ ២៤ គ្រឿងរបស់កងទ័ពរំដោះប្រជាជនចិន (PLA) មាន ១១ គ្រឿងបានហោះឆ្លងកាត់ខ្សែបន្ទាត់កណ្ដាលនៃច្រកសមុទ្រតៃវ៉ាន់ ខណៈ ៤ គ្រឿងហោះបានចូលទៅប៉ែកឦសាននៃតំបន់កំណត់អត្តសញ្ញាណការពារដែនអាកាស (ADIZ) ។
យន្តហោះចិនដែលក្រសួងការបរទេសតៃវ៉ាន់ប្រទះឃើញរួមមាន យន្តហោះចម្បាំង Su-30, យន្តហោះ Shaanxi Y-8, យន្តហោះគ្មានមនុស្សបើក និងយន្តហោះរបស់កងទ័ពរំដោះប្រជាជនចិន (PLA) ផ្សេងទៀតជាដើម ខណៈជាការឆ្លើយតប តៃវ៉ាន់បានបញ្ជូនយន្តហោះ និងនាវាកងទ័ពជើងទឹក ក៏ដូចជាដាក់ពង្រាយប្រព័ន្ធខែលមីស៊ីលការពារដែនអាកាស ដើម្បីឃ្លាំមើលសកម្មភាពកងទ័ពចិន ។ ចំណែករដ្ឋាភិបាលទីក្រុងប៉េកាំងក៏មិនទាន់មានការឆ្លើយតបចំពោះរឿងរ៉ាវនេះនៅឡើយផងដែរ ។
ស្របពេលជាមួយគ្នានេះ ទីភ្នាក់ងារព័ត៌មាន Reuters បានរាយការណ៍ថា ក្នុងរយៈពេល ៤ ឆ្នាំកន្លងមកនេះ ចិនតែងតែបញ្ចេញយន្តហោះ និងនាវាចម្បាំងទៅកាន់ផ្ទៃអាកាស និងដែនទឹកជុំវិញតៃវ៉ាន់ ខណៈសកម្មភាពថ្មីៗនេះគឺដោយសារតែតៃវ៉ាន់រើសបានមេដឹកនាំថ្មីផងដែរ ព្រោះថា រដ្ឋាភិបាលទីក្រុងប៉េកាំងនៅតែចាត់ទុកដែនកោះមួយនេះជាខេត្តមួយរបស់ខ្លួន ។
ពលរដ្ឋតៃវ៉ាន់កាលពីថ្ងៃទី១៣ ខែមករាកន្លងទៅ បានបោះឆ្នោតផ្ដល់សេចក្ដីទុកចិត្តឲ្យលោក Lai Ching-te មកពីគណបក្សវឌ្ឍនភាពប្រជាធិបតេយ្យ (DPP) ដែលកំពុងកាន់អំណាច អង្គុយកៅអីជាប្រធានាធិបតីបន្ទាប់របស់ខ្លួន ខណៈទីក្រុងប៉េកាំងចាត់ទុកបុរសសម្ដីផ្អែមរូបនេះថាជាអ្នកបំបែកខ្លួនដ៏គ្រោះថ្នាក់ និងជាអ្នកនាំសង្រ្គាម ។
គួរបញ្ជាក់ថា ចាប់តាំងពីខែកញ្ញា ឆ្នាំ ២០២០ មក ប្រទេសចិនបានបញ្ជូនយន្តហោះយោធាចំនួន ១៦២ គ្រឿង និងនាវាកងទ័ពជើងទឹកចំនួន ៧៦ គ្រឿងជុំវិញកោះតៃវ៉ាន់ ជាពិសេសនៅតំបន់ខ្សែបន្ទាត់កណ្ដាលរបស់ច្រកសមុទ្រ ដោយសារតែទីក្រុងប៉េកាំងមិនទទួលស្គាល់របាំងអធិបតេយ្យភាពរបស់ខ្សែមួយនេះឡើយ ៕
ដោយ ៖ សុខ ជីវ័ន្ត
ចុចអាន ៖ អាមេរិក និងចិន ប្រតិកម្មយ៉ាងណាខ្លះ បន្ទាប់ពី តៃវ៉ាន់ ជ្រើសរើសបាន ប្រធានាធិបតីថ្មី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង