Connect with us

ព័ត៌មានអន្ដរជាតិ

ចរិតលោក គីម ជុងអ៊ុន កាលនៅរៀន ត្រូវអតីតមិត្តរួមថ្នាក់ ទម្លាយខ្ទេចគ្មានសល់

បានផុស

នៅ

តាមការចុះផ្សាយរបស់ Daily Star, អតីតមិត្តរួមថ្នាក់ម្នាក់លោក គីម ជុងអ៊ុន បាននិយាយក្នុងសៀវភៅ“The Great Successor: The Secret Rise and Rule of Kim Jong-un” ថា មេដឹកនាំកូរ៉េខាងជើងរូបនេះ គឺជាមនុស្សចូលចិត្តនៅតែឯងៗ និងខ្លាចស្រីៗបំផុតនៅសាលារៀន។

(រូបថត៖ Quora)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិត្តរួមថ្នាក់លោក គីម គឺអ្នកនិពន្ធ Anna Fifield បានលាតត្រដាងថា មេដឹកនាំវ័យ៤០ឆ្នាំរូបនេះ មិនចេះលេងសើចទេ ក្នុងពេលហាត់ប្រាណនិងតែងគេចវេះទំនាក់ទំនងជាមួយក្មេងស្រី ពេលរស់នៅរៀនសូត្រក្នុងប្រទេសស្វីស។

កាលជាយុវវ័យ មេដឹកនាំកំពូលកូរ៉េខាងជើង បានសិក្សានៅឯសាលាអន្តរជាតិឯកជន Berne ហើយក្រោយមកនៅរៀនសាលា Schule Liebefeld Steinholzli។

(រូបថត៖ Quora)

នៅក្នុងសៀវភៅ លោកស្រីសរសេរថា “លោក​ គីម ជុងអ៊ុន មិនមែនជាអ្នកចូលចិត្តពិធីជប់លៀងឬលេងសើចឡើយ។ គាត់មិនបានទៅបោះជំរំរបស់សាលា ពិធីជប់លៀងឬឌីស្កូទេហើយគាត់មិនប៉ះស្រាសូម្បីមួយដំណក់”។

លោកស្រីបន្តថា “លោកគីម ជាមនុស្សឯកោហើយមិនដែលចែករំលែកអ្វីសោះ អំពីជីវិតឯកជនរបស់គាត់។ ពិន្ទុធ្វើតេស្តរបស់គាត់មិនដែលល្អទេ ប៉ុន្តែលោកគីមជុងអ៊ុនបានប្រឡងជាប់ថ្នាក់ទី៧និងទី៨នៅវិទ្យាល័យ”។

លោក គីម ជុងអ៊ុន និងកូនស្រី (រូបថត៖ KCNA)

លោកស្រី Fifield អះអាងថា “នៅប្រទេសស្វីស លោកគីម បានរៀនសូត្រអំពីមេរៀនដែលបង្ហាញពីទស្សនៈពិភពលោក ចំពោះប្រទេសកូរ៉េខាងជើង។ មេរៀនរបស់គីមជុងអ៊ុនរួមមានសិទ្ធិមនុស្ស សិទ្ធិស្ត្រីនិងការអភិវឌ្ឍលទ្ធិប្រជាធិបតេយ្យ។

សូមបញ្ជាក់ លោក គីម បានឡើងកាន់អំណាចជាមេដឹកនាំកូរ៉េខាងជើង ក្រោយមរណភាពរបស់ឪពុកឈ្មោះ គីម ជុងអ៊ីល នៅឆ្នាំ២០១១។ មុនកាន់អំណាច លោករៀបការជាមួយភរិយា Ri Sol-ju ក្នុងឆ្នាំ២០០៩ ហើយបើតាមសេចក្តីរាយការណ៍ អ្នកទាំងពីរ មានកូន៣នាក់ជាចំណងដៃ៕

អត្ថបទ៖ សុខ សុវណ្ណ

ចុចអាន៖ កូរ៉េខាងត្បូង៖ កូនស្រីលោក គីម ជុងអ៊ុន មានភាគរយខ្ពស់ ក្លាយជាអ្នកស្នងតំណែងដឹកនាំ កូរ៉េខាងជើង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម