Connect with us

ព័ត៌មានអន្ដរជាតិ

ថៃ មិនអនុញ្ញាតឲ្យលេងបាញ់ទឹក​ រហូតឡើយក្នុងខែ រៀបចំពិធីបុណ្យសង្ក្រាន្តនេះ 

បានផុស

នៅ

ដើម្បីកុំឲ្យមានការភាន់ច្រឡំតទៅទៀត រដ្ឋមន្ត្រី​ទេសចរណ៍និង​កីឡាថៃ​ លោកស្រី Sudawan Wangsuphakijkosol ​នៅថ្ងៃអង្គារទី៩ខែមេសា បានចេញមុខបញ្ជាក់ថា មិនមានការលេងបាញ់ទឹកអំឡុងខែនៃការរៀបចំពិធីបុណ្យសង្ក្រាន្តឆ្នាំថ្មី អ្វីទេ។

លោកស្រី Sudawan Wangsuphakijkosol (រូបថត៖ Bangkok Post)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបកស្រាយ, ពិធីបុណ្យមហាសង្ក្រាន្តដែលនឹងប្រារព្ធធ្វើអំឡុងខែមេសានេះ គឺមិនមានការលេងបាញ់ទឹករហូតឡើយ ហើយអាជ្ញាធរក្រសួង នឹងចេញកាលវិភាគជាក់លាក់ក៏ដូចជាទីតាំង ដែលត្រូវលេងទូទាំងប្រទេសក្នុងខែនេះ។

ការបំភ្លឺធ្វើឡើង បន្ទាប់ពីមេដឹកនាំគណបក្សភឿថៃ លោកស្រី Paetongtarn Shinawatra ដែលជាប្រធានគណៈកម្មាធិការយុទ្ធសាស្ត្រថាមពលទន់ជាតិថៃ បានប្រកាសកាលពីខែធ្នូឆ្នាំមុនថា ប្រជាជន នឹងត្រូវអនុញ្ញាតឲ្យលេងបាញ់ទឹកពេញមួយខែមេសាតែម្តង ដើម្បីធ្វើយ៉ាងណាឲ្យពិធីបុណ្យសង្ក្រាន្ត ក្លាយជាពិធីបុណ្យដែលមានតែមួយគត់។

លោកស្រី Paetongtarn Shinawatra (រូបថត៖ AFP)

ទោះបីជាយ៉ាងណាក៏ដោយ កាលពីសប្តាហ៍កន្លងទៅ ទេសចរចិនម្នាក់ ហាក់សម្តែងការមិនពេញចិត្តជាខ្លាំង ព្រោះមិនត្រូវបានគេអនុញ្ញាតឲ្យលេងបាញ់ទឹកក្នុងទីក្រុងបាងកក ខុសពីការរំពឹងទុក។

ពាក់ព័ន្ធពិធីបុណ្យសង្ក្រាន្តនេះដែរ ប្រទេសថៃ បានចេញច្បាប់តឹងរ៉ឹង ដាក់ឲ្យអនុវត្តដើម្បីធានាថា កន្លែងលេងទឹកទូទាំងប្រទេស ត្រូវតែគ្មានគ្រឿងស្រវឹងដាច់ខាត ក្នុងអំឡុងពេលប្រារព្ធពិធី ហើយអ្វីគួរឲ្យកត់សម្គាល់គឺថា អ្នកបើកបរយានយន្តអាយុក្រោម២០ឆ្នាំ ដែលចាប់បាន បើកបរក្រោមឥទ្ធិពលមានកម្រិតជាតិអាល់កុលក្នុងឈាមលើស២០មិល្លីក្រាម នឹងត្រូវប្រឈមការស៊ើបអង្កេតដើម្បីរកមុខហាងដែលលក់ស្រាឲ្យពួកគេផឹក ហើយអ្នក​លក់ក៏​អាច​ទទួលទោសដែរ។

(រូបថត៖ News Byte)

ខែមុន គណៈកម្មាធិការគ្រប់គ្រងគ្រឿងស្រវឹងថៃ និយាយថា បម្រាមទាំងស្រុងលើគ្រឿងស្រវឹង នឹងត្រូវអនុវត្តនៅគ្រប់កន្លែងរៀបចំពិធីបុណ្យសង្ក្រាន្ត សម្រាប់រយៈពេលពិធីបុណ្យនេះទាំងមូល។

ការហាមប្រាមគ្រឿងស្រវឹង នឹងត្រូវបានអនុវត្តយ៉ាងតឹងរ៉ឹង ដោយមានការយកចិត្តទុកដាក់ជាពិសេសដើម្បីធានាថា អនីតិជនមិនអាចផឹកគ្រឿងស្រវឹងបានទេ ហើយការលក់នៅកន្លែងផ្សេងទៀត ក៏នឹងមិនអនុញ្ញាតផងដែរក្រោយផុតម៉ោងកំណត់។

សូមបញ្ជាក់ថា ថ្ងៃឈប់សម្រាកផ្លូវការនៃពិធីបុណ្យសង្ក្រាន្តថៃ គឺចាប់ពីថ្ងៃទី១៣ដល់១៧ខែមេសា ប៉ុន្តែពិធីបុណ្យសង្ក្រាន្តពិភពលោក នឹងប្រព្រឹត្តទៅចាប់ពីថ្ងៃទី១ដល់២១ខែមេសា ដើម្បីជំរុញកំណើនទេសចរណ៍៕

អត្ថបទ៖ សុខ សុវណ្ណ

ចុចអាន៖ ​សង្ក្រាន្ត​ថៃ​ឆ្នាំ​២០២៤ ៖ យុវវ័យ​ទទួលទាន​គ្រឿង​ស្រវឹង​ហើយ​បង្កហេតុ​ ​ត្រូវ​មានទោស​ដល់​អ្នក​លក់​និង​អ្នក​បបួល​ផឹក​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៥ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៦ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៦ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៧ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៨ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ២០ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ១០ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៩ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម