ព័ត៌មានអន្ដរជាតិ
រកឃើញសាកសពជិត ៤០០ នាក់ក្នុងផ្នូរដ៏ធំនៅមន្ទីរពេទ្យតំបន់ហ្គាហ្សា
អាជ្ញាធរក្នុងតំបន់ហ្គាហ្សាបានបញ្ចប់ការរុករកផ្នូរដ៏ធំមួយនៅឯមន្ទីរពេទ្យមួយកន្លែងនៅភាគខាងត្បូង ដោយក្នុងនោះបានរកឃើញសាកសពសរុបចំនួន ៣៩២ នាក់ ។ នេះបើយោងតាមការចេញផ្សាយរបស់សារព័ត៌មាន CNN កាលពីថ្ងៃទី២៧ ខែមេសាកន្លងទៅ ។
យោងតាមមន្ត្រីម្នាក់មកពីក្រសួងការពារជនស៊ីវិលប៉ាឡេស្ទីននៅតំបន់ហ្គាហ្សាបានឲ្យដឹងថា ក្រុមការងារបានកំណត់អត្តសញ្ញាណសាកសពចំនួន ១៦៥ នាក់នៅឯមន្ទីពេទ្យ Nasser នៅទីក្រុង Khan Younis បន្ទាប់ពីការដកកងកម្លាំងអ៊ីស្រាអែលចេញពីតំបន់កាលពីដើមខែនេះ ខណៈនៅសល់សាកសពចំនួន ២២៧ ទៀតដែលត្រូវកំណត់អត្តសញ្ញាណរកឃើញក្នុងផ្នូរដ៏ធំចំនួន ៣ ផ្សេងទៀត ក្នុងនោះទី ១ នៅខាងមុខមន្ទីពេទ្យ ទី ២ នៅពីក្រោយមន្ទីពេទ្យ និងទី ៣ នៅខាងជើងអគារលាងឈាម ។
នៅលើខ្លួនសាកសពគេរកឃើញមានស្នាមគ្រាប់កាំភ្លើងបាញ់ចំក្បាល របួសលើដងខ្លួន និងស្លាកស្នាមធ្វើទារុណកម្ម ។ សាកសពបានកប់នៅក្នុងថង់ប្លាស្ទិកទាំងស្អុយរលួយក្នុងជម្រៅ ៣ ម៉ែត្រ ហើយបានចោទអ៊ីស្រាអែលមានចេតនាលាក់បាំងព័ស្តុតាងនៃឧក្រិដ្ឋកម្មរបស់ខ្លួន ខណៈកងកម្លាំងការពាររបស់អ៊ីស្រាអែល (IDF) មិនបានឆ្លើយតបទៅនឹងការចោទប្រកាន់ដែលត្រូវបានធ្វើឡើងទាក់ទងនឹងកន្លែងផ្នូរនេះនោះទេ ។
គួរបញ្ជាក់ថា កងការពារជនស៊ីវិលប៉ាឡេស្ទីននៅតំបន់ហ្គាហ្សាបានអំពាវនាវឲ្យអង្គការសហប្រជាជាតិបង្កើតគណៈកម្មាធិការអន្តរជាតិមួយ ដើម្បីស៊ើបអង្កេតលើផ្នូរដ៏ធំនៅឯបរិវេណមន្ទីរពេទ្យ Nasser នេះ ខណៈលោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិបាននិយាយថា អង្គការបានអំពាវនាវឲ្យមានការស៊ើបអង្កេតអន្តរជាតិ ប៉ុន្តែមិនទាន់ដឹងថាវានឹងកើតឡើងនៅពេលណានោះទេ ៕
អត្ថបទ ៖ ប៊ុន សុភាព
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២០ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២១ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល