ព័ត៌មានអន្ដរជាតិ

ធ្លាក់យន្តហោះចម្បាំងនៅសិង្ហបុរី តែអ្នកបើកគ្មានរងរបួសបន្តិចសោះ

បានផុស

២ years មុន

នៅ

ថ្ងៃពុធ ៨ ឧសភា ២០២៤

ដោយ

Chheang

នៅថ្ងៃទី៨ ខែឧសភា នេះ មានការធ្លាក់យន្តហោះយោធាមួយគ្រឿងនៅមូលដ្ឋានទ័ពអាកាស Tengah ក្នុងប្រទេសសិង្ហបុរី តែមិនបណ្ដាលឲ្យមានអ្នកបាត់បង់ជីវិតនោះទេ។ នេះបើយោងតាមការចុះផ្សាយរបស់សារព័ត៌មាន Channel News Asia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ធ្លាក់យន្តហោះ F-16 របស់កងកម្លាំងអាកាសនៃសាធារណរដ្ឋសិង្ហបុរី បានកើតឡើងមិនបានប៉ុន្មាននាទីក្រោយពេលហោះចេញនៅអំឡុងម៉ោង ១២ និង ៣៥នាទីថ្ងៃត្រង់។ អ្នកបើក F-16 នេះ បានរួចផុតពីគ្រោះថ្នាក់ ដោយអាចលោតចេញពីយន្តហោះយ៉ាងមានបច្ចេកទេស។

លោក Ng Eng Hen រដ្ឋមន្ត្រីក្រសួងការពារជាតិសិង្ហបុរី បានឲ្យដឹងថា ជនរងគ្រោះមិនបានបាត់បង់ស្មារតី និងអាចដើរបានដូចធម្មតា ប៉ុន្តែត្រូវស្ថិតនៅក្រោមការយកចិត្តទុកដាក់ផ្នែកវេជ្ជសាស្ត្រ។ លោកបន្តថា “ការប្រុងប្រយ័ត្ន និងការអនុលោមតាមនីតិវិធីសុវត្ថិភាពរបស់គាត់ក្នុងការលោតចេញពីយន្តហោះ បានជួយសង្គ្រោះជីវិតរបស់គាត់”។ បន្ថែមពីនេះ លោកថា ការស៊ើបអង្កេតកំពុងស្ថិតនៅក្នុងដំណើរការ។

គួររំឭកថា សិង្ហបុរី បានប្រើប្រាស់យន្តហោះចម្បាំងប្រភេទ F-16 អស់រយៈពេលជិត ៣០ឆ្នាំមកហើយ។ ករណីធ្លាក់យន្តហោះដំបូង បានកើតឡើងកាលពី២០ឆ្នាំមុន នាខែឧសភា ឆ្នាំ២០០៤ ខណៈដែលកំពុងធ្វើបេសកកម្មហ្វឹកហាត់នៅរដ្ឋ Arizona លើទឹកដីសហរដ្ឋអាមេរិក។ ហេតុការណ៍នោះ បានឆក់យកជីវិតអ្នកបើកបរម្នាក់វ័យ២៥ឆ្នាំ៕

ដោយ៖ ឈាង

Related Topics:ប្រទេសសិង្ហបុរី