ព័ត៌មានអន្ដរជាតិ
សមយុទ្ធថ្ងៃទី២! ចិន បញ្ជូនយន្តហោះចម្បាំង និងបាញ់មីស៊ីលពិតៗ ទៀតផង
តាមសេចក្តីរាយការណ៍របស់ Reuters នៅថ្ងៃសុក្រទី២៤ខែឧសភា, សមយុទ្ធ Joint Sword – 2024A ដែលចិនធ្វើព័ទ្ធជុំវិញកោះតៃវ៉ាន់ និងចាត់ទុកជាការដាក់ទណ្ឌកម្មទីក្រុងតៃប៉ិ បានឈានចូលថ្ងៃទីពីរហើយ ហើយនៅថ្ងៃទីពីរនេះទៀតសោត ទីក្រុងប៉េកាំង បានបញ្ជូនកម្លាំងបន្ថែមដូចជាយន្តហោះចម្បាំង និងបាញ់មីស៊ីលពិតៗទៀតផង។
![](https://www.kampucheathmey.com/wp-content/uploads/2024/05/image-1412.png)
យន្តហោះទម្លាក់គ្រាប់បែក បានអនុវត្តការវាយប្រហារជាច្រើនទីតាំង នៅក្នុងដែនទឹកភាគខាងកើតកោះតៃវ៉ាន់ ដោយធ្វើប្រតិបត្តិការមានការសម្របសម្រួលពីសំណាក់នាវាកងទ័ពជើងទឹក ហើយនេះត្រូវបានគេចាត់ទុកថា ប្រទេសចិន កំពុងសាកល្បងសមត្ថភាពរបស់ខ្លួន ដើម្បីដណ្តើមយកកោះតៃវ៉ាន់ មកគ្រប់គ្រងហើយ។
ស្របពេលជាមួយគ្នានោះដែរ គ្រាន់តែចិនធ្វើសមយុទ្ធភ្លាម ស្រាប់តែរដ្ឋាភិបាលទីក្រុងតៃប៉ិ ចេញបញ្ជា ឲ្យកងទ័ពជើងគោកនិងអាកាសរបស់ខ្លួន ប្រុងជើងការខ្ពស់តែម្តង។
![](https://www.kampucheathmey.com/wp-content/uploads/2024/05/image-1413-1024x576.png)
ក្នុងសេចក្តីប្រកាសកាលពីថ្ងៃព្រហស្បតិ៍ទី២៣ខែឧសភា ក្រសួងការពារជាតិតៃវ៉ាន់បានឲ្យដឹងថា “យើងមិនស្វែងរកជម្លោះទេ ប៉ុន្តែយើងក៏មិនខ្លាចធ្វើរឿង ដើម្បីធានាសុវត្ថិភាពជាតិ និងការពារមាតុភូមិដ៏ស្រស់ស្អាតរបស់យើងដែរ”។
លើសពីនេះ ក្រសួងថែមទាំងបញ្ជូនកងកម្លាំងទៅតំបន់ជុំវិញដែនកោះរួចហើយដែរ ព្រមទាំងអះអាងថា ខ្លួនមានទំនុកចិត្តអាចការពារអធិបតេយ្យខ្លួនឯងបាន។ ការធ្វើសមយុទ្ធយោធារបស់ចិនក្នុងកាលៈទេសៈនេះ មិនត្រឹមតែមិនជួយរួមចំណែកដល់សន្តិភាព និងស្ថិរភាពនៃច្រកសមុទ្រតៃវ៉ាន់ប៉ុណ្ណោះទេ វាថែមទាំងបង្ហាញពីគំនិតយោធានិយមរបស់ចិនផងដែរ។
![](https://www.kampucheathmey.com/wp-content/uploads/2024/05/image-1414.png)
សូមបញ្ជាក់ជាថ្មី សមយុទ្ធខ្នាតធំ Joint Sword-2024A នេះធ្វើឡើងរយៈពេល២ថ្ងៃ នៅច្រកសមុទ្រតៃវ៉ាន់ ក៏ដូចជាតំបន់ជុំវិញកោះ Kinmen, Matsu, Wuqiu និង Dongyin ហើយវាកើតឡើងត្រឹមតែ៣ថ្ងៃប៉ុណ្ណោះ បន្ទាប់ពីប្រធានាធិបតីតៃវ៉ាន់ថ្មីលោក William Lai Ching-te ស្បថឡើងកាន់តំណែង៕
អត្ថបទ៖ សុខ សុវណ្ណ
ចុចអាន៖ តៃវ៉ាន់ បញ្ជាឲ្យកងទ័ពប្រុងជើងការខ្ពស់ ក្រោយចិន ធ្វើសមយុទ្ធខ្នាតធំ
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ២ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៤ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៣ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម២ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៤ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មានជាតិ៥ ថ្ងៃ ago
នគរបាលខេត្តស្វាយរៀង បង្ក្រាបករណីឆបោកក្រោមរូបភាពដាក់ប្រាក់វិនិយោគ