ព័ត៌មានអន្ដរជាតិ
លោក ត្រាំ ប្រាប់ថាបានជជែកជាមួយលោក ស៊ី ក្រោយពេលចូលកាន់តំណែង
ប្រធានាធិបតីអាមេរិក លោក ដូណាល់ ត្រាំ បាននិយាយថា លោកបានជជែកជាមួយប្រធានាធិបតីចិន លោក ស៊ី ជីនពីង ចាប់តាំងពីចូលកាន់តំណែងកាលពីថ្ងៃទី២០ខែមករា ប៉ុន្តែមិនបានផ្តល់ព័ត៌មានលម្អិតអំពីប្រធានបទនៃការសន្ទនារបស់ពួកគេនោះទេ។
នៅពេលត្រូវគេសួរថាតើគាត់បាននិយាយជាមួយមេដឹកនាំចិនចាប់តាំងពីការឡើងកាន់តំណែងជាប្រធានាធិបតីអាមេរិកដែរឬអត់ លោក ត្រាំ បានឆ្លើយប្រាប់ទូរទស្សន៍ Fox News កាលពីថ្ងៃចន្ទទី១០កុម្ភៈថា៖ «ខ្ញុំបាននិយាយជាមួយគាត់ ហើយខ្ញុំក៏បាននិយាយជាមួយមនុស្សរបស់គាត់ផងដែរ។ ពួកយើងមានទំនាក់ទំនងផ្ទាល់ខ្លួនល្អណាស់»។
ប្រធានាធិបតីអាមេរិករូបនេះ មិនបានផ្តល់ព័ត៌មានលម្អិតអំពីពេលវេលាពិតប្រាកដនៃជំនួបតាមរយៈការហៅទូរសព្ទនេះ ឬអ្វីដែលត្រូវបានពិភាក្សានោះទេ។
លោក ត្រាំ បានលើកឡើងកាលពីសប្តាហ៍មុនថា លោកមិនប្រញាប់និយាយជាមួយលោក ស៊ី ដើម្បីព្យាយាមបញ្ចៀសសង្គ្រាមពាណិជ្ជកម្មថ្មីរវាងប្រទេសមហាអំណាចសេដ្ឋកិច្ចទាំងពីរនេះទេ។ ការសន្ទនារវាងលោក ស៊ី និងលោក ត្រាំ ត្រូវបានគេមើលឃើញថាមានសារៈសំខាន់ចំពោះការបន្ធូរបន្ថយ ឬពន្យារពេលពន្ធគយ។
កន្លងមក មេដឹកនាំទាំងពីរ ធ្លាប់បានជជែកគ្នាម្ដងរួចមកហើយមុនលោក ត្រាំ ចូលកាន់តំណែង ហើយបានពិភាក្សាគ្នាអំពីបញ្ហាមួយចំនួន ដូចជា TikTok ពាណិជ្ជកម្ម និងតៃវ៉ាន់។
ចិន បានដាក់ពន្ធលើការនាំចូលរបស់អាមេរិកកាលពីសប្តាហ៍មុន ហើយបានជូនដំណឹងអំពីការដាក់ទណ្ឌកម្មដែលអាចកើតមានទៅឲ្យក្រុមហ៊ុនអាមេរិកជាច្រើន ដើម្បីជាការឆ្លើយតបចំពោះការដាក់ពន្ធគយ ១០% របស់លោក ត្រាំ មកលើប្រទេសចិន។
ទីក្រុងវ៉ាស៊ីនតោន និងទីក្រុងប៉េកាំង មានទំនាក់ទំនងតានតឹងអស់រយៈពេលជាច្រើនឆ្នាំមកហើយជុំវិញបញ្ហាជាច្រើន រាប់ចាប់ពីពន្ធពាណិជ្ជកម្ម និងសន្តិសុខតាមអ៊ីនធឺណិត រហូតដល់តៃវ៉ាន់ ហុងកុង សិទ្ធិមនុស្ស និងប្រភពដើមនៃជំងឺកូវីដ១៩៕
ដោយ៖ ឈាង
-
ព័ត៌មានជាតិ៣ ថ្ងៃ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានអន្ដរជាតិ៥ ថ្ងៃ agoសុខភាពបុត្រីស្ដេចថៃ ធ្លាក់ចុះដុនដាបខ្លាំង ដោយសារការឆ្លងមេរោគធ្ងន់ធ្ងរ
-
ចរាចរណ៍៣ ថ្ងៃ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
សេដ្ឋកិច្ច៥ ថ្ងៃ agoអគារប្រណីតពន្ធដារថ្មី ដាក់ឱ្យប្រើប្រាស់នៅថ្ងៃនេះ
-
ព័ត៌មានជាតិ៣ ថ្ងៃ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ៣ ថ្ងៃ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានអន្ដរជាតិ១ សប្តាហ៍ agoអាជ្ញាធរចិន ដាក់ក្រុមហ៊ុនថៃនាំចេញសាច់មាន់១៧ ក្នុង«បញ្ជីខ្មៅ»
-
ព័ត៌មានជាតិ១ សប្តាហ៍ agoអាជ្ញាធរជាតិអប្សរា ប្រើពេល៦ខែ ជួសជុលកំពង់ទឹកនៅលើទំនប់ខាងលិចបារាយណ៍យសោធរតដាក ឱ្យរឹងមាំឡើងវិញ