ព័ត៌មានអន្ដរជាតិ
ហ្សេលេនស្គី៖ «ខ្ញុំត្រៀមខ្លួនធ្វើការក្រោមការដឹកនាំដ៏ខ្លាំងក្លារបស់ប្រធានាធិបតី ត្រាំ»
ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានប្រកាសកាលពីថ្ងៃទី៤ខែមីនាថា លោកចង់ធ្វើឲ្យរឿងល្អប្រសើរឡើងវិញ ហើយប្រាប់ថា រដ្ឋាភិបាលក្រុងកៀវបានត្រៀមខ្លួនរួចរាល់ដើម្បីធ្វើការក្រោមការដឹកនាំរបស់ប្រធានាធិបតីអាមេរិក លោក ដូណាល់ ត្រាំ សម្រាប់ការធានាបាននូវសន្តិភាពដ៏យូរអង្វែង។
នៅលើបណ្ដាញសង្គម X លោក ហ្សេលេនស្គី បានសរសេរថា៖ «ក្រុមខ្ញុំ និងខ្ញុំត្រៀមរួចហើយក្នុងការធ្វើការនៅក្រោមការដឹកនាំដ៏ខ្លាំងក្លារបស់ប្រធានាធិបតី ត្រាំ ដើម្បីទទួលបានសន្តិភាពមួយដែលយូរអង្វែង»។ មេដឹកនាំអ៊ុយក្រែន បានបន្ថែមថា៖ «ជំនួបរបស់ពួកយើងនៅវ៉ាស៊ីនតោន ក្នុងសេតវិមានកាលពីថ្ងៃសុក្រ មិនបានសម្រេចនូវអ្វីដែលរំពឹងទុកនោះទេ។ វាដល់ពេលដែលត្រូវកែប្រែរឿងឲ្យល្អឡើងវិញហើយ»។
ការអត្ថាធិប្បាយរបស់លោក ហ្សេលេនស្គី ធ្វើឡើងបន្ទាប់ពីទំនាស់ពាក្យសម្ដីដ៏ចម្រូងចម្រាស់នៅឯការិយាល័យពងក្រពើជាមួយលោក ត្រាំ កាលពីថ្ងៃទី២៨ខែកុម្ភៈ។ ជម្លោះនេះ បានធ្វើឲ្យធ្លាក់ចុះនូវសម្ព័ន្ធភាពរវាងប្រជាជាតិទាំងពីរ ខណៈអាមេរិកគឺជាសម្ព័ន្ធមិត្តកំពូលរបស់អ៊ុយក្រែនក្នុងការផ្ដល់ជំនួយផ្នែកយោធាដ៏សំខាន់សម្រាប់សង្គ្រាមទប់ទល់នឹងការឈ្លានពានពីរុស្ស៊ី។
នៅថ្ងៃចន្ទសប្ដាហ៍នេះ លោក ត្រាំ បានសម្រេចផ្អាកជំនួយទាំងអស់ដល់ប្រទេសអ៊ុយក្រែន ដែលកត្តានេះបានធ្វើឲ្យមានការភ័យខ្លាចកាន់តែខ្លាំងនៅក្នុងទីក្រុងកៀវ និងបណ្ដាប្រទេសអឺរ៉ុបជាច្រើន បារម្ភថាអាមេរិកកំពុងងាកចេញពីសម្ព័ន្ធមិត្តរបស់ពួកគេ និងឆ្ពោះទៅចងចំណងមិត្តភាពកាន់តែខ្លាំងឡើងជាមួយប្រទេសរុស្ស៊ី។
ពាក់ព័ន្ធនឹងការកាត់ជំនួយរបស់អាមេរិក លោក ហ្សេលេនស្គី បាននិយាយថា ជម្លោះជាសាធារណៈរបស់លោកជាមួយលោក ត្រាំ កាលពីសប្តាហ៍មុន គឺជារឿងដ៏គួរឲ្យសោកស្តាយ ហើយលោកបានសន្យាថានឹងចុះហត្ថលេខាលើកិច្ចព្រមព្រៀងរ៉ែសំខាន់ៗជាមួយទីក្រុងវ៉ាស៊ីនតោន។
ទន្ទឹមនោះ លោក ហ្សេលេនស្គី ក៏បានអំពាវនាវឲ្យមានបទឈប់បាញ់នៅលើផ្ទៃសមុទ្រនិងអាកាសផងដែរ ដែលជាជំហានដំបូងដើម្បីបញ្ចប់សង្រ្គាមរយៈពេលបីឆ្នាំជាមួយរុស្ស៊ី៕
ដោយ៖ ឈាង
ចុចអាន៖ រុស្ស៊ី ពេញចិត្តខ្លាំងដែលអាមេរិក ផ្អាកជំនួយទៅអ៊ុយក្រែន
ករណីហិង្សារវាងនាយប៉ុស្ដិ៍ចំបក់ និងពលរដ្ឋ កើតឡើងដោយសារការណែនាំរឿងចាក់ធុងបាស់រំពងសំឡេងរំខានអ្នកជិតខាង
ក្រុមហ៊ុនអភិវឌ្ឍលំនៅឋាន ៥៧៧ ក្រុមហ៊ុន មានអាជ្ញាបណ្ណអាជីវកម្ម
ជនលួចវាយទាហានខ្មែរហើយរត់ ជាប់គុកតែ១៥ថ្ងៃ និងពិន័យប្រាក់តិចតួចប៉ុណ្ណោះ
បក្សកុម្មុយនីស្តវៀតណាមបោសសម្អាតផ្ទៃក្នុងដោយបណ្តេញសមាជិកបក្សជាន់ខ្ពស់ច្រើនរូប រួមមានអតីតប្រធានាធិបតី២រូប និងប្រធានសភាផង
អ្នកនាំពាក្យអប់រំ ក្រើនរំលឹកបេក្ខជនប្រឡងបាក់ឌុប ខិតខំមើលមេរៀន និងថែរក្សាសុខភាពឱ្យបានល្អ
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១៥ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៥ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន