ព័ត៌មានអន្ដរជាតិ
រុស្ស៊ី កំពុងបង្កើនចំនួនទ័ពយ៉ាងសម្ងាត់ នៅតាមបណ្តោយព្រំដែន ភាគខាងកើតណាតូ
លោក ដូណាល់ ត្រាំ តែងតែជំរុញសម្ព័ន្ធមិត្តម្តងហើយម្តងទៀត ឱ្យបន្ថែមថវិកានិងដុះខាតសមត្ថភាពយោធាឱ្យខ្លាំង ព្រោះភាពមិនប្រាកដប្រជានៅតាមព្រំដែនអឺរ៉ុបអាចកើតឡើងនាពេលអនាគត។
មិនខុសពីសម្តី លោក ត្រាំ រូបភាពផ្កាយរណបថ្មីមួយបង្ហាញថា រុស្ស៊ីកំពុងកសាងសមត្ថភាពយោធាខ្លួន នៅទីតាំងយុទ្ធសាស្ត្រជិតព្រំដែនរបស់សមាជិកបាល់ទិកនិងណាតូ។
អត្ថបទស៊ើបអង្កេតមួយដោយកាសែត DR ដោយអ្នកកាសែត ដាណឺម៉ាក រួមគ្នាជាមួយសមភាគីស៊ុយអែត អេស្តូនី និងន័រវេស ផ្សាយនៅថ្ងៃទី១១ ខែមិថុនា ឆ្នាំ២០២៦ បានបង្ហាញពីទីតាំងចំនួន៥ ដែលទីក្រុងមូស្គូបង្កើនសកម្មភាព។
ការបង្ហាញព័ត៌មានទាំងនេះនឹងធ្វើឱ្យកាន់តែមានការព្រួយបារម្ភថា រុស្ស៊ីមានគោលដៅរយៈពេលវែងក្នុងការវាយប្រហារផ្នែកខាងកើតរបស់ណាតូ ទោះបីជាបច្ចុប្បន្នរុស្ស៊ីកំពុងតស៊ូ ដើម្បីសម្រេចគោលដៅក្នុងការឈ្លានពានអ៊ុយក្រែនក៏ដោយ។
កាសែត The Telegraph របស់អង់គ្លេសបានបង្ហាញទីតាំងភូមិសាស្ត្ររបស់រុស្ស៊ី ក្នុងករណីខ្លះក៏បង្ហាញពីព្រៃឈើត្រូវបានកាប់បំផ្លាញ ដើម្បីបង្កើតជាកន្លែងសម្រាប់ការដំឡើងយោធាថ្មីទៀតផង។
ការស៊ើបអង្កេតរបស់កាសែត DR រកឃើញថា រុស្ស៊ីកំពុងពង្រីកមូលដ្ឋានយោធាមួយចម្ងាយ ១១គីឡូម៉ែត្រ ពីព្រំដែនរបស់ខ្លួនជាមួយប្រទេសន័រវេស ក្នុងតំបន់ Petjenga របស់រុស្ស៊ី។
បើតាមរូបភាពផ្កាយរណបបង្ហាញថា បន្ទាយថ្មីមួយ កំពុងស្ថិតក្រោមការសាងសង់ ខណៈក្រសួងការពារជាតិរុស្ស៊ីបញ្ជាក់ថា ចំនួនកងទ័ពរបស់ខ្លួន នៅទីនោះកំពុងត្រូវបានពង្រីកពីកងពលតូចទៅកងពលធំ។
លោក Marko Eklund អតីតមន្ត្រីចារកម្មប្រទេសហ្វាំងឡង់ ប្រាប់កាសែត DR ថា៖ « វាមានន័យថា ការកើនឡើងពីទាហាន ៤ ០០០នាក់នៅនឹងកន្លែង ដល់ជាង ១០ ០០០នាក់»។
នៅជិតព្រំដែនជាមួយប្រទេសហ្វាំងឡង់ រុស្ស៊ីកំពុងសាងសង់មូលដ្ឋានថ្មីមួយ នៅជិតទីក្រុង Kandalaksha ប្រទេសរុស្ស៊ី រួមទាំងមានកងពលតូច កាំភ្លើងធំ ដោយផ្តល់ការគាំទ្រដល់កងទ័ពរបស់ទីក្រុងមូស្គូ នូវសមត្ថភាពបាញ់ប្រហារ បានចម្ងាយឆ្ងាយ។
ការវិភាគដោយរូបភាពផ្កាយរណប លោក Eklund រកឃើញថា រចនាសម្ព័ន្ធថ្មីៗ រួមទាំងបន្ទាយ សាលបរិភោគអាហារ និងអគារផ្ទុកទំនិញ ក៏កំពុងត្រូវបានសាងសង់ដែរ៕
សម្រួល៖ ណឺ មិនា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១០ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម