ព័ត៌មានអន្ដរជាតិ
លក្ខណៈពិសេសនៃយន្តហោះដែលលោក ស៊ី ជិះមកបំពេញទស្សនកិច្ចផ្លូវរដ្ឋនៅ កម្ពុជា
ប្រធានាធិបតីចិន លោក ស៊ី ជីនពីង បានមកដល់ព្រះរាជាណាចក្រកម្ពុជាហើយ ដើម្បីបំពេញទស្សនកិច្ចផ្លូវរដ្ឋចាប់ពីថ្ងៃទី១៧ដល់១៨ខែមេសាឆ្នាំ២០២៥។

លោកបានធ្វើដំណើរតាមយន្តហោះ Boeing 747-8 ដែលប្រតិបត្តិការដោយក្រុមហ៊ុនអាកាសចរណ៍ចិន Air China។ នេះជាយន្តហោះ VIP ដែលលោក ស៊ី តែងតែជិះ សម្រាប់ការធ្វើដំណើរទស្សនកិច្ចផ្លូវរដ្ឋ។ ដូច្នេះតើយន្តហោះនេះ មានលក្ខណៈពិសេសខ្លាំងកម្រិតណា?
ដោយសារតែវាជាយន្តហោះសម្រាប់ប្រធានាធិបតីប្រើប្រាស់ ដូច្នេះគេមិនសូវទម្លាយព័ត៌មានលម្អិតច្រើនទេ ប៉ុន្តែអ្វីដែលគេដឹងអំពីភាពអស្ចារ្យរបស់វាគឺ យន្តហោះនេះមានរយៈចម្ងាយ ១៤ ៤៣០គីឡូម៉ែត្រ បានន័យថា បើហោះចេញពីទីក្រុងប៉េកាំង យន្តហោះនេះ អាចហោះទៅដល់សឹងគ្រប់កន្លែងលើពិភពលោកទាំងមិនបាច់ឈប់។

តាមការចុះផ្សាយរបស់ Star Alliance Virtual, វាជាយន្តហោះប្រណីតដ៏កម្រ បំពាក់ដោយម៉ាស៊ីនទួរប៊ីន GEnx-2B67 ចំនួន៤ ដែលស៊ីប្រេងតិចនិងស្ងាត់ជាងម៉ូដែលមុនៗ។ វាហោះក្នុងល្បឿន១ ០៥៥គីឡូម៉ែត្រក្នុងមួយម៉ោង ហើយដ្បិតតែមានល្បឿនលឿន ប៉ុន្តែយន្តហោះនេះត្រូវបានរចនាសម្រាប់ការហោះហើរនៅរយៈកម្ពស់ខ្ពស់ដោយរលូន។
មិនត្រឹមប៉ុណ្ណឹង វាគឺជាយន្តហោះដឹកអ្នកដំណើរធំបំផុតនៅក្នុងកងយន្តហោះរបស់ប្រទេសចិន ហើយវាក៏ជាយន្តហោះពាណិជ្ជកម្មវែងជាងគេបំផុតដែរ ដោយមានប្រវែង ៧៦.៣ម៉ែត្រ។

នៅក្នុងយន្តហោះមានបន្ទប់សន្និសីទ បន្ទប់ឯកជន និងបន្ទប់ការិយាល័យសម្រាប់ការងារការទូតកម្រិតខ្ពស់ពេលកំពុងធ្វើដំណើរ។ យន្តហោះក៏បំពាក់ជាមួយប្រព័ន្ធរំខានរ៉ាដា និងបច្ចេកវិទ្យាគេចមីស៊ីលផងដែរ។
អ្វីដែលកាន់តែមិនធម្មតា យន្តហោះនេះមានភ្ជាប់ជាមួយប្រព័ន្ធទំនាក់ទំនងសុវត្ថិភាព សម្រាប់ការទាក់ទងភ្លាមៗជាមួយថ្នាក់ដឹកនាំ និងយោធាចិន ដូច្នេះបានន័យថា លោកស៊ី អាចចេញបញ្ជាអ្វីក៏បានទោះស្ថិតនៅលើយន្តហោះ៕
អត្ថបទ៖ សុខ សុវណ្ណ

-
ព័ត៌មានជាតិ៦ ថ្ងៃ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៣ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៥ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ២ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ ago
ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៤ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ២ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
ព័ត៌មានអន្ដរជាតិ២ ថ្ងៃ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា