Connect with us

ព័ត៌មានអន្ដរជាតិ

​អ៊ុយក្រែន និង​រុស្ស៊ី​ ចោទ​គ្នា​ទៅ​វិញ​ទៅ​មក​ជុំវិញ​ការ​ពន្យារ​ពេល​ផ្លាស់​ប្តូរ​អ្នក​ទោស

បានផុស

នៅ

ភាពតានតឹងបានកើនឡើងរវាងអ៊ុយក្រែន និងរុស្ស៊ី ជុំវិញការពន្យារពេល​ផ្លាស់ប្ដូរ​សាកសព និង​​អ្នកទោសសង្គ្រាម ដោយប្រទេសទាំងពីរបានចោទប្រកាន់​គ្នា​ទៅវិញ​ទៅ​មក​ថាបានរារាំងកិច្ចព្រមព្រៀងនាពេលថ្មីៗនេះ ដែល​ជួយសម្រួលដល់ការធ្វើមាតុភូមិនិវត្តន៍​ប្រកប​ដោយមនុស្សធម៌។ នេះ​បើ​យោង​តាម​ការ​ចុះផ្សាយ​របស់​ទីភ្នាក់ងារ​ព័ត៌មាន Reuters នៅ​ថ្ងៃ​ទី​៩​ខែ​មិថុនា​ឆ្នាំ​២០២៥។

ទាហាន​អ៊ុយក្រែន​ដែល​ត្រូវ​រុស្ស៊ី​ដោះលែង​កាល​ពី​ឆ្នាំ​២០២៤ (រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធររុស្ស៊ីបានអះអាងថា អ៊ុយក្រែនបានពន្យារពេលការប្រគល់អ្នកទោស និងទាហានដែល​បាន​ស្លាប់ បើទោះបីជាមានកិច្ចព្រមព្រៀង​ក្នុងអំឡុងពេលកិច្ចពិភាក្សានៅទីក្រុងអ៊ីស្តង់ប៊ុល​​កាល​ពី​ដើម​ខែ​មិថុនា​នេះ​ក៏ដោយ។ យោងតាមលោកឧត្តមសេនីយ Alexander Zorin ប្រទេសរុស្ស៊ីបានរៀបចំ​សាកសពទាហានអ៊ុយក្រែនចំនួន ១ ២១២នាក់ទៅកាន់កន្លែងផ្លាស់ប្តូរដែលបានកំណត់នៅជិតព្រំដែន ហើយត្រៀម​សម្រាប់ប្រតិបត្តិការ​ដោះដូរ។ ជំនួយការ​របស់​ប្រធានាធិបតីរុស្ស៊ី បន្ថែមថា អ៊ុយក្រែន មិនបានបង្ហាញខ្លួនតាមពេលវេលាដែលបានព្រមព្រៀងនោះទេ ដោយបានចោទប្រកាន់ទីក្រុងកៀវ​ពីបទបញ្ឈប់ដំណើរការនេះដោយចេតនា។

អ៊ុយក្រែន​បាន​បដិសេធ​យ៉ាង​ដាច់​អហង្ការ​ចំពោះ​ការ​ចោទ​ប្រកាន់​នេះ ដោយ​ចាត់​ទុក​​ថា​ជា​ព័ត៌មាន​មិន​ពិត។ មន្ត្រីចារកម្មយោធានៅទីក្រុង​កៀវ បានអះអាងថា គ្មានកាលបរិច្ឆេទជាក់លាក់​នៅ​ឡើយ​ទេ​ដែល​ត្រូវបានរៀបចំ​សម្រាប់ការផ្លាស់ប្តូរ ហើយបានចោទប្រកាន់រុស្ស៊ីថាបានដឹកជញ្ជូនសាកសពមុនកាលកំណត់​សម្រាប់​ល្បិច​នយោបាយ​តែ​ប៉ុណ្ណោះ។ អ្នក​នាំពាក្យ​ទីភ្នាក់ងារ​ស៊ើបការណ៍​សម្ងាត់​អ៊ុយក្រែន​ បាន​និយាយ​ថា​ «​មិន​មាន​ការ​ពន្យារ​ពេល​ជា​ផ្លូវ​ការ​ទេ គឺ​មាន​តែ​ការ​ប៉ុនប៉ង​មួយ​ទៀត​របស់​រុស្ស៊ី​ក្នុង​ការ​បោក​បញ្ឆោត​ការពិត»​។

ប្រធានាធិបតី​អ៊ុយក្រែន វ៉ូឡូឌីមៀរ ហ្សេលេនស្គី បានបញ្ជាក់ថា បញ្ជីពេញលេញនៃអ្នកទោសរុស្ស៊ីសម្រាប់ការដោះដូរមិនទាន់ត្រូវបានផ្តល់​ឲ្យ​នៅ​ឡើយទេ ដែលធ្វើ​ឲ្យ​មានភាពស្មុគស្មាញបន្ថែមទៀតដល់កិច្ចខិតខំប្រឹងប្រែងដើម្បីអនុវត្តការដោះដូរ។ លោកបានរំលឹកឡើងវិញនូវការប្តេជ្ញាចិត្តរបស់អ៊ុយក្រែនក្នុងការបន្តដំណើរការនេះ ប៉ុន្តែបានថ្កោលទោសចំពោះអ្វីដែលលោកហៅថាជា «ល្បែងកខ្វក់» របស់ទីក្រុងមូស្គូនៅក្នុងប្រព័ន្ធផ្សព្វផ្សាយ។

កិច្ចព្រមព្រៀងដោះដូរដែលសម្រេចបាននៅទីក្រុងអ៊ីស្តង់ប៊ុល បានគូសបញ្ជាក់ពីការ​ដោះដូរ​ទាហាន​ដែល​ស្លាប់​ប្រហែល ១២ ០០០​នាក់ ដោយ​ក្នុង​នោះ ៦ ០០០​នាក់​ពីភាគីនីមួយៗ ក៏ដូចជាកិច្ចព្រមព្រៀងដាច់ដោយឡែកមួយដើម្បីផ្តល់អាទិភាពដល់ការដោះលែងអ្នកទោសដែលរងរបួស និងវ័យក្មេង។

ទន្ទឹម​នោះ អរិភាពលើសមរភូមិ​នៅ​តែ​កំពុង​​បន្ត។ ការវាយប្រហារតាមអាកាសរបស់រុស្សីកាលពីចុងសប្តាហ៍ បានកំណត់គោលដៅទីក្រុងជាច្រើនរបស់អ៊ុយក្រែន រួមទាំងទីក្រុង Kharkov និង Sumy ដោយបានសម្លាប់ជនស៊ីវិលយ៉ាងតិច​៤​នាក់ និងរាប់សិបនាក់រងរបួស។ អ៊ុយក្រែន​បាន​ឆ្លើយ​តប​​ដោយ​​ប្រើ​​យន្តហោះ​គ្មាន​មនុស្ស​បើក​វាយ​ប្រហារ​​លើ​ទឹក​ដី​រុស្ស៊ី​ដែល​បង្កើន​ភាព​តានតឹង​ផ្នែក​យោធា​បន្ថែម​ទៀត។

ទោះបីជាមានការជាប់គាំងក៏ដោយ ក៏ប្រទេសទាំងពីរបានបង្ហាញពីឆន្ទៈក្នុងការបន្តការផ្លាស់ប្តូរ​អ្នក​ទោស​នៅ​ក្នុង​សប្តាហ៍ខាងមុខនេះ។ ទីភ្នាក់ងារមនុស្សធម៌អន្តរជាតិ រួមទាំងកាកបាទក្រហម ត្រូវបានគេរំពឹងថានឹងតាមដាន​នីតិវិធី ដើម្បីធានាបាននូវការអនុលោមតាមច្បាប់អន្តរជាតិ។

ជម្លោះ​ដែល​បាន​ឈាន​ចូល​ដល់​ឆ្នាំ​ទី​៣​នេះ បានគូសបញ្ជាក់ពីភាពផុយស្រួយនៃការសម្របសម្រួលមនុស្សធម៌នៅក្នុងសង្រ្គាម ដោយមានអ្នកទោសសង្រ្គាមជាង ១២ ០០០​នាក់ និងសាកសពរាប់ម៉ឺននាក់ដែល​​កំពុង​រង់ចាំការធ្វើមាតុភូមិនិវត្តន៍៕

ដោយ៖ ឈាង

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ៣៥ វិនាទី មុន

​អ៊ុយក្រែន និង​រុស្ស៊ី​ ចោទ​គ្នា​ទៅ​វិញ​ទៅ​មក​ជុំវិញ​ការ​ពន្យារ​ពេល​ផ្លាស់​ប្តូរ​អ្នក​ទោស

ព័ត៌មានជាតិ៣ នាទីutes មុន

ខេត្ត​រតនគីរី មាន​ការ​វិនិយោគ​ដាំ​ដុះ​ដំណាំ​ទុរេន​លើ​​ផ្ទៃដី​ជាង ១ ២០០ ហិកតា

ព័ត៌មានជាតិ៦ នាទីutes មុន

ក្រសួងការពារជាតិកម្ពុជា ថាសារព័ត៌មានថៃខ្លះផ្សាយព័ត៌មានមិនពិត បញ្ឆេះភ្លើងសង្គ្រាម, ប្រភពព័ត៌មានពិតគឺក្រសួងការពារជាតិកម្ពុជា-ថៃ

ព័ត៌មានជាតិ៦ នាទីutes មុន

ព្រឹទ្ធសភា នឹងស្នើវិសោធនកម្មច្បាប់ ដើម្បីដូរមណ្ឌលបោះឆ្នោតពីភូមិភាគ ទៅរាជធានីខេត្ត ដូចរដ្ឋសភា

ព័ត៌មានជាតិ១០ នាទីutes មុន

មន្រ្តីអប់រំ ជំរុញមាតាបិតា បញ្ជូនកូនៗទៅសិក្សានៅសាលាមត្តេយ្យរដ្ឋ

ព័ត៌មានជាតិ១៧ ម៉ោង មុន

នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?

ព័ត៌មានជាតិ២១ ម៉ោង មុន

ច្រកទ្វារអូរស្មាច់ ច្រកទ្វារជាំ និងច្រកទ្វារជប់គគីរខេត្តឧត្តរមានជ័យ ត្រូវថៃបិទជាឯកតោភាគី

ព័ត៌មានអន្ដរជាតិ៣ ម៉ោង មុន

ផ្ទុះគ្រាប់បែក២គ្រាប់ នៅកណ្តាលផ្សារ ភាគខាងត្បូងប្រទេសថៃ

ព័ត៌មានជាតិ១៩ ម៉ោង មុន

មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន​ ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ

ព័ត៌មានជាតិ២០ ម៉ោង មុន

ក្រសួងអប់រំ៖ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារផ្តល់ឱកាសការងារថ្មីដល់យុវជនជាង ១ម៉ឺនកន្លែង

Sokha Hotels

ព័ត៌មានពេញនិយម