មូលហេតុ​ដែលក្តៅខ្លួន​ ក្នុងអំឡុងពេល​មាន​ផ្ទៃពោះ​!
Connect with us
Helistar Cambodia - Helicopter Charter Services

សុខភាព

មូលហេតុ​ដែលក្តៅខ្លួន​ ក្នុងអំឡុងពេល​មាន​ផ្ទៃពោះ​!

បានផុស

នៅ

​ក្នុងអំឡុងពេល​មាន​ផ្ទៃពោះ គឺជា​ការកើនឡើង​កម្តៅ​ខ្លួន​ធំ​ជាង ឬ ស្មើ ៣៧.៨ អង្សា​សេ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) មូល​ហេតុដែល​នាំឲ្យ​មាន​ការកើនឡើង​កម្ដៅ​ក្នុងអំឡុងពេល​មាន​ផ្ទៃពោះ មាន​បី​ប្រភេទ​គឺ​:

ក​. មូលហេតុ​មិនសូវ​ធ្ងន់ធ្ងរ​៖

– រលាក​ត្រចៀក​

– រលាក​បំពង់ក​

– រលាក​ទងសួត​

– ផ្តាសាយធំ​

ខ​. មូលហេតុ​ធ្ងន់ធ្ងរ​៖

– ការ​រលាក​តម្រង​នោម​

– ការ​រលាក ប្រដាប់​បន្តពូជ​

– ការ​រលាក​ស្រោម​ទឹកភ្លោះ​

– ស្អូច​, Toxoplasmose , cytomegalovirus , herpès , រលាក​សួត ,​ស្រឡទែន​,​រលាក​ថ្លើម​ប្រភេទ B ,C, របេង​, listeriose , ជំងឺ​អេដស៍​

Type 1 Diabetes and Pregnancy | Diabetes | CDC

គ​. មូលហេតុ​ដែល​អាច​បណ្តា​ល​ឲ្យ​មាន​ការវះកាត់​បន្ទាន់​មានដូចជា​៖

– រលាក​ខ្នែងពោះវៀន​

– រលាក​ថង់ទឹកប្រមាត់​

២) រោគសញ្ញា​ដែល​អាច​កើតមានឡើង​គួបផ្សំ​ជាមួយ​ការកើនឡើង​នៃ​កម្ដៅ​៖

ក​. សញ្ញា​នៃ​ការពិបាក​បត់ជើងតូច​មានដូចជា​៖

– នោម​ពិបាក​

– នោម​មិន​អស់​

– នោម​ក្រហាយ​

– ឈឺចង្កេះ​

– នោម​មាន​ឈាម​

ខ​. សញ្ញា​ផ្នែក​ប្រដាប់​រំលាយ​អាហារ ៖

– រាគ​

– ក្អួត ចង្អោរ​

– ចុកពោះ​

គ​. សញ្ញា​នៃ​ផ្លូវដង្ហើម ៖

– ក្អក​

– ហត់​

– ពិបាក​ដកដង្ហើម​

– និង​ថប់​ដើមទ្រូង​

ឃ​. សញ្ញា​នៃ​ប្រដាប់បន្តពូជ ៖

– ធ្លាក់ស​ខ្លាំង មាន​ក្លិនស្អុយ​

– ការធ្លាក់​ឈាម​

– ការហូរ​ខ្ទុះ​

*​បញ្ជាក់​: ចំពោះ​ការបង្ក​រោគ​ដោយ ប៉ា​រ៉ា​ស៊ីត​, វីរុស ឬ បាក់តេរី​មួយចំនួនធំ​គឺ​មិន​បណ្តាលឲ្យ មាន​សញ្ញា​តម្អូញ​អ្វី​ទាំងអស់ ដូច្នេះ​ទាមទារ​អោយ​ស្ត្រី​មាន​ផ្ទៃពោះ​ទាំងអស់​ត្រូវ​មក​ពិនិត្យ​ផ្ទៃពោះ និង​ធ្វើតេស្ត​ឈាម​រក​មេរោគ​មួយ​ចំនួន ឲ្យ​បាន​ទៀងទាត់ និង​ទាន់ពេលវេលា​។​

៣) កត្តា​ប្រឈម​នៅ​ពេល​ដែល​មាន​អាកា​រៈ​គ្រុនក្តៅ​ក្នុងអំឡុងពេល​មាន​ផ្ទៃពោះ​មានដូចជា​៖

– អាច​បណ្តាល​ឲ្យ​រលូត​កូន​

– កូន​កើត​មិន​គ្រប់​ខែ​

– ទារក​ស្លាប់​ក្នុង​ពោះ​

– ជំងឺ​ដែល​អាច​កើតមាន​លើ​ទារក​ដែល​បណ្តាល​មក​ពី​ការឆ្លង​រោគ​ពី​ម្តាយ​ទៅ​កូន​។​

៤) វិធី​ការពារ និង​ព្យាបាល​៖

– ត្រូវ​នៅ​ឲ្យ​ឆ្ងាយ​ពី​សត្វ​ឆ្មា ឬសត្វ​អាច​បង្ក​រោគ​មួយចំនួនទៀត​

– មិនត្រូវ​បរិភោគ សាច់​ឆៅ ឬ​បន្លែ​ឆៅ ដែល​លាង​សម្អាត​មិនបាន​ស្អាត​ល្អ​

– មិនត្រូវ​បរិភោគ អាហារ​ផ្អាប់ ឬអាហារ​រក្សា​ក្នុង​ទូរ​ទឹកកក​រយៈពេល​យូរ ព្រោះ​វា​មាន​ផ្ទុក​នូវ​ប៉ារ៉ាស៊ីត​មួយ​ចំនួន​

– ត្រូវ​នៅ​ឲ្យ​ឆ្ងាយ​ពី​ក្មេង ឬ​កុមារ​ដែល​កើត​អុតស្វាយ ឬ ស្អូច​ព្រោះ​បណ្តាល​ឲ្យ​ឆ្លង​បាន​

– ត្រូវ​មក​ពិនិត្យ​ផ្ទៃពោះ និង​ពិនិត្យ​ឈាម​ដើម្បី​ស្វែងរក​មេរោគ​មួយចំនួន ដែល​អាច​បង្ក​ហានិភ័យ​ដល់​ទារក​ក្នុង​ផ្ទៃ​

– បើ​មាន​អាកា​រៈ​ក្តៅខ្លួន កម្ដៅ​លើស ឬ​ស្មើ ៣៧.៨ អង្សា​សេ ត្រូវ​មក​មន្ទីរពេទ្យ​កាល់ម៉ែត​ជាបន្ទាន់ ដើម្បី​ទទួលបាន​ការព្យាបាល និង​ស្វែងរក​មូលហេតុ ឲ្យ​បាន​ទាន់ពេលវេលា ជៀសវាង​ការបង្ក​គ្រោះថ្នាក់​ដល់​ម្តាយ និង​ទារក​ក្នុង​ផ្ទៃ​។​

«​សុភមង្គល​ក្នុង​គ្រួ​សារ​បាន​ដោយសារ គ្មាន​ការចម្លង​មេរោគ​ចំពោះ​ម្តាយ និង​កូន​»៕

អត្ថបទ៖ ​រស្មី

សូមចុចអាន៖ ​ផលវិបាក​នៃ​ជំងឺ​លើស​សម្ពាធ​ឈាម​!

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services