សុខភាព
ញ៉ាំទឹកមិនគ្រប់គ្រាន់ ពេលមករដូវ ប្រយ័ត្នជួបរឿងទាំង ៤នេះ
អំឡុងពេលមករដូវ ការញ៉ាំទឹកឲ្យបានគ្រប់គ្រាន់គឺជារឿងសំខាន់ណាស់ ពីព្រោះរាងកាយបាត់បង់ជាតិទឹក និងធ្វើឲ្យយើងខ្វះជាតិទឹក។ ពិតណាស់ កង្វះជាតិទឹកអាចធ្វើឲ្យយើងមានអារម្មណ៍អស់កម្លាំង ឈឺសាច់ដុំ ក៏ដូចជាខ្វះអុកស៊ីសែនចូលទៅកោសិកាឈាមក្រហម។
ដូច្នេះហើយ ប្រសិនបើយើងញ៉ាំទឹកគ្រប់គ្រាន់ យ៉ាងហោចណាស់ឲ្យបាន៨កែវក្នុងមួយថ្ងៃ នៅអំឡុងពេលមករដូវ វាអាចជួយកាត់បន្ថយការឈឺខ្នង និងចុកពោះបានយ៉ាងមានប្រសិទ្ធភាព។ យ៉ាងណាមិញ ប្រសិនបើយើងខ្វះជាតិទឹកនៅថ្ងៃសំខាន់នេះ យើងនឹងជួបប្រទះបញ្ហាទាំងនេះ។
១. ហើមពោះ និងចុកពោះ
ដោយសារតែកម្រិតអ័រម៉ូនestrogen និងprogesteroneធ្លាក់ចុះ អំឡុងពេលមករដូវ វាធ្វើឲ្យរាងកាយរបស់យើងរក្សាទុកជាតិទឹក ដែលកត្តានេះធ្វើឲ្យយើងមានអារម្មណ៍ហើមពោះ និងចុកពោះ។ ការញ៉ាំទឹកយ៉ាងហោចណាស់៨ទៅ១០កែវក្នុងមួយថ្ងៃ នៅអំឡុងពេលមករដូវ ជួយប្រឆាំងនឹងបញ្ហាទាំងនេះបានយ៉ាងស័ក្ដិសិទ្ធិ។
២. ឈឺក្បាលប្រកាំង និងឈឺក្បាល
ជាមួយគ្នានេះដែរ កង្វះជាតិទឹកក៏អាចបណ្ដាលឲ្យឈឺក្បាល និងឈឺក្បាលប្រកាំង ដោយសារតែកង្វះអុកស៊ីសែនទៅកាន់កោសិកាខួរក្បាល។ ពិតណាស់ ប្រសិនបើយើងញ៉ាំទឹកមិនគ្រប់គ្រាន់ ខួរក្បាលរបស់យើងនឹងកន្ត្រាក់បណ្ដោះអាសន្ននៅពេលបាត់បង់ជាតិទឹក ហើយខួរក្បាលទាញចេញពីលលាដ៍ក្បាល ដែលបណ្ដាលឲ្យយើងឈឺក្បាល និងឈឺក្បាលប្រកាំង។ ការញ៉ាំទឹកអាចធ្វើឲ្យខួរក្បាលត្រលប់ទៅកាន់សភាពប្រក្រតី ដោយជួយបំបាត់ការឈឺក្បាល និងឈឺក្បាលប្រកាំង។
៣. កាត់បន្ថយការនោម និងការឈឺចាប់
បន្ថែមពីនេះ កង្វះជាតិទឹកអាចជួយបន្ថយបរិមាណទឹកនោម ក៏ដូចជាធ្វើឲ្យទឹកនោមមានពណ៌ស្រអាប់។ កត្តានេះកើតឡើងនៅពេលដែលតម្រងនោមផ្ទុកទឹកកាន់តែច្រើន នៅពេលដែលយើងខ្វះជាតិទឹក។ ប្រសិនបើយើងមិននោមញឹកញាប់ទេ វាអាចបង្កជាការឈឺចាប់នៅបរិវេណពោះផ្នែកខាងក្រោម។ ហេតុនេះហើយ ស្រីៗយើងគប្បីញ៉ាំទឹកឲ្យបានច្រើន នៅអំឡុងពេលមករដូវ ដើម្បីកាត់បន្ថយការឈឺចាប់ ថែមទាំងធ្វើឲ្យបំពង់ទឹកនោមរបស់យើងមានភាពសកម្ម។
៤. អស់កម្លាំង
ភាពទន់ខ្សោយ និងអស់កម្លាំងនៅអំឡុងពេលមករដូវអាចជាសញ្ញានៃកង្វះជាតិទឹក។ ជាទូទៅ កង្វះជាតិទឹកអាចធ្វើឲ្យសម្ពាធឈាមថយចុះ ជាលទ្ធផល កម្រិតថាមពលរបស់យើងក៏ថយចុះដូចគ្នា។ ប្រសិនបើយើងញ៉ាំទឹកមិនគ្រប់គ្រាន់ទេនោះ តុល្យភាពជាតិទឹកអាចប្រែប្រួល ដែលបណ្ដាលឲ្យយើងមានអារម្មណ៍ខ្សោយ ពីព្រោះបេះដូងត្រូវបូមខ្យល់កាន់តែខ្លាំង ដើម្បីផ្គត់ផ្គង់ស្បែក និងសាច់ដុំ ជាមួយនឹងអុកស៊ីសែន និងសារធាតុចិញ្ចឹម៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ សមាធិជួយឱ្យវដ្តរដូវទៀងទាត់ បន្ថយការឈឺចាប់ និងបំបាត់បញ្ហាមុនលើវ័យជំទង់
ចុចអាន៖ បញ្ឈប់ទម្លាប់ ៥ នេះ បើមិនចង់មានគ្រោះថ្នាក់ អំឡុងពេលមករដូវ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ